Jo 10:7 - Ritonõpo Omiry: A Bíblia Sagrada na língua Aparai do Brasil

⁷ Zae rokẽ jehtoh waro mase, ypynanohne pyra jexiry waro roropa mase jewomatohme owinoino.

Jo 10:7 Iomraidhean Croise

Jo 10:15

Iirypyryme jahtao juãnopyry eraximãko rokẽ ase oya; zae jahtao, jupuhpyry anymyry zuno ase, ehxirõko roropa ase jetuarimatoh eneryke ya.

Jo 11:4

Õsenetupuhtoh zae rokẽ ekarõko mase. Ritonõpo a iirypyryme pyra oehtoh ekarõko roropa mase.

Jo 13:18

Ezuhtoh tonõ tymenekase ya zae jehtoh poko oturutohme. Zae jehtoh poko zuaro ase rahkene.

Jo 23:10

Yrome jytojytory waro mana ipunaka; tukuhse jahtao eya, uuru kurã sã exĩko ase ineneryme.

Jo 23:11

Esemary ae ytõko ase, inenepohpyry ya ekahmãko ase aomiry omipona, zae ehtoh esemary onurumekara ase.

Jo 27:22

Tyryrykane konõto ahno ryhmãko yronymyryme toeparykõ se ahtao ro.

Jo 31:14

Moro sã pyra jahtao otara ykary Ritonõpo a tapiakase jahtao eya? Otara ezuhnõko ha tõturupose jahtao Ritonõpo a ynyrihpyry poko?

Jo 31:35

“Jomiry etary sehxo hano imehnomo a! Oturukehnõko ase zae jehtopõpyry poko; jezukuru sehxo hano Ritonõpo Jamihmehxo Exikety a! Jyhxirotoh tymerose ahtao moro enery se exiry.

Jo 31:6

Jukukuru se ase Ritonõpo a ikuhtoh ajohpe pyra exikety ke. Zae rokẽ jehtoh enẽko mana.

Jo 32:1

Zae rokẽ toehtoh poko oturukehpyra Jo nexiase. Morara exiryke epe tõ oseruaõkõ tõturukehse toto, onezuhpyra toehse toh nexiase.

Jo 33:9

‘Iirypyryme pyra ase, popyra ehtoh poko pyra jexiryke ipunaka. Zae rokẽ ase; azahkuru pyra ipunaka

Jo 40:8

Jyhxirory se hma zae pyra jexiry poko, iirypyryme jehtoh poko, zae rokẽ õsekarotohme?

Jo 42:7

Mame tõturukehse Ritonõpo ahtao Jo maro tõturuse ynororo Eripaze maro, Temã pono. Ynara tykase eya: — Tohne ase opoko oepe tõ asakoro natokõ maro, zae pyra tõturuse oexirykõke ypoko, ypoetory Jo sã pyra.

Jo 9:12

Okyryry arory se Ritonõpo ahtao, anaropopyra ehsaromepyra mase. Onoky ekaropõko eya: ‘Oty poko mah?’

Jo 9:21

Zae ase, yrome moro poko oty kara ase; typenekehse ywy isene jehtoh poko.

Jo 9:22

Ya, emero rokẽ oxisã mana; morara exiryke ynara ãko ywy: kurãkõ enahkãko Ritonõpo mana popyra exiketõ samo.

Saumu 1:6

Ynara exiryke, tõmipona exiketõ pynanohnõko Ritonõpo mana, yrome popyra exiketõ wãnohnõko mana.

Saumu 17:3

Josenetupuhtoh waro mase, jenẽko mase ukurohtao, koko ahtao, tukuhse jahtao oya yyrypyry poko ypenetatoh onenepyra mase. Azamaro pyra exikety poko oturupyra ase oya,

Saumu 50:22

Etatoko pahne, jenetupuhpyra exiketomo, jomiry onetara awahtao xine oenahkatorỹko ase. Mame opynanohnekõ pyra exĩko mana.

Saumu 7:3

Ritonõpo, Jesemy, zae pyra ehtoh poko toehse jahtao, imepỹ popyra tyrise ya ahtao,

Izaja 43:13

Ywy Ase Ritonõpo, jũme exikehpyra exĩko ase. Ahno tõ emero epasaromepyra mã toto yjamitunuru wino. Tyriryhtao ya onytyoromasaromepyra imehnõ mana.”

Tanieu 3:15

Seromaroro etatoko pahne: rueimo tõkehko osetopitoryhtao oesekumurukõ po typorohse awahtao xine ynyripohpyry uuru risẽ eahmatohme, kure. Mãpyra porohpyra awahtao xine, axĩ tomasẽme exĩko matose apoto htaka, zemĩmã htaka. Morara ahtao onoky ritõ opynanohtorỹko nae? tykase tuisa eya xine.

Ozeja 2:10

Seromaroro inomõko ase tupoke pyra ipunaka ipoko aexityã neneryme; onypynanohsaromepyra exĩko mã toto ywinoino.

Ozeja 5:14

Reão sã Izyraeu tõ maro etonãko ase, Juta tõ maro roropa. Toto kararahnõko ase, imeĩpo ytõko ase mya, toto arõko ase ymaro. Toto onypynanohsaromepyra exĩko imehnõ mana.

João 21:17

Morarame Jezu tõturupose ropa oseruao: — Ximão ypyno mahno? tykase ropa Jezu eya. Morarame toemynyhmase Peturu: “Ypyno mahno?” katopõpyry oseruao Jezu a exiryke. Ynara tykase ynororo: — Jesẽ mase Jezu. Zuaro mase emero porehme. Opyno jexiry waro mase, tykase Peturu eya. — Morara ahtao ypoetory tõ pyno exiko. Kaneru esẽ toky tõ pyno ehtoh sã ypoetory tõ pyno exiko, tykase ynororo Peturu a.

2 Korĩtiu 1:12

Tãkye ynanase zuaro yna exiryke zae yna ehtoh poko sero nono po. Amaro xine zae kuhse yna ehtopõpyry poko tãkye ynanase roropa. Topohme yna otururu nexiase amaro xine, zae se yna exiryke amaro xine. Ritonõpo jamitunuru poe morara ynanexiase, kypyno xine Ritonõpo exiryke, yna tuarõnory ke pyra.

Teuteronomiu 32:39

“Tuaro ehtoko: Ywy rokẽ ase, Ritonõpo; imepỹ ritõ pyra mana ysamo. Etapãko ase, aorihtyã ẽsemãkapõko roropa ase; apurõko ase, ikurãkãko ropa ase. Tyriry se jehtoh onytyoromasaromepyra imehnõ mana.

1 Tesaronika 2:10

Yna poko imehnõ tuarõtanohnanõme matose. Ritonõpo roropa imehnõ tuarõtanohneme yna poko mana. Kure rokẽ amaro xine ynanexiase, iirypyryme pyra. Onekunohto pyra ynanexiase amaro xine, Jezu poetory tõ maro.

Jozue 22:22

— Ritonõpo Imehxo mana! Emero rihpõme mana! Jamihmehxo mana! Emero Esẽme mana. Tuaro mã ynororo oty katoh moro tyrise yna a. Amarokõ roropa tuaro ehtoko. Moro ynanyrihpyry Ritonõpo rumekatohme tyrise yna a ahtao, ah ynanorihxi.