Jenexi 1:6 - Ritonõpo Omiry: A Bíblia Sagrada na língua Aparai do Brasil

⁶ Mame ynara tykase Ritonõpo: — Tuna atapiakako, zokonaka onuhtohme!

Jenexi 1:6 Iomraidhean Croise

Jenexi 1:14

Morarame ynara tykase Ritonõpo: — Ezurume exiko kapu poko saerehkaneme, ẽmepyry apiakatohme, koko apiakaneme te, jeimamyry apiakaneme te, ikonopory, enara.

Jenexi 1:20

Morarame ynara tykase Ritonõpo: — Nakuaõkõme ehtoko, kana tomo pehme tuna ehtohme isene exiketõ ke, torõ tõme roropa ehtoko taporihkãme kae ytoketõme!

Jo 26:13

Pũ katoh ke kapu tukurãkase Ritonõpo a, tomary ke Okoimo epakety totapase eya.

Jo 37:11

Akurũ tõ atanonohnõko mana konopo maro, nenenehkane emãko mana kapu zopikoko.

Jo 37:18

Ritonõpo akorehmary waro mah kapu riry poko esaka, tũpore tyritohme metau samo?

Saumu 104:2

upo amurũko mase, saerehkatoh ke. Kapu tytywyhmase oya kamisa tywyhmary samo tapyime,

Saumu 148:4

Eahmatoko, kapu tomo kaehxo exiketomo, tuna tõ roropa kapu epoehme aexityamo!

Saumu 150:1

“Kure mase, Ritonõpo,” sykatone! Ritonõpo eahmatoko Itapyĩ tao. Ijamitunuru eahmatoko kapu ao.

Saumu 19:1

Kapu eneryke imehxo Ritonõpo ehtoh enetupuhnõko ase! Senohne emero inyrihpyryme mana.

Saumu 19:2

Imehxo aehtoh enepõko ẽmepyry mana, kokoro rokene, koko roropa tuaro aehtoh enetupuhpõko mana.

Saumu 33:6

Tõmiry ke kapu tõkehko tyrise Kuesẽkomo a. “Exiko,” karyke xixi tyrise eya te, nuno te, xirikuato tõ roropa.

Saumu 33:9

Aotururuhtao sero nono tyrise kehko. “Exiko,” tykase ynororo ahtao, emero toehse rahkene.

Ekereziaxti 11:3

Akurũ xinukutume toehse ahtao konopo oehnõko mana. Mame wewe konõto emero rokẽ pona epukãko mana, yrome toepukase ahtao moroto rokẽ exĩko mana.

Izaja 40:22

Ritonõpo mokyro exikety mã tapõ po iporotyhpyry sero nono epoe, ahno enẽko mana pisarara, maikuato samo. Ynororo mokyro kapu rihpono; kamisa samo kapu tytywyhmase eya, tapyi sã roropa tyrise eya, moro tao toehtohme.

Jeremia 10:10

Yrome omoro mase Ritonõpo nymyry; Ritonõpo isene exikety, Tuisame jũme exikehpyra exiketyme. Zehno awahtao sero nono tykytyky ãko mana; ahno tõ zehno awahtao enahnõko mã toto.

Jeremia 51:15

Tyjamitunuru ke sero nono tyrise Ritonõpo Kuesẽkomo a. Zuarohxo toexiryke emero tyrise eya sero nono po. Tuarohxo toexiryke kapu tyrise eya tapyi riry samo.

Zakaria 12:1

Sero nase Ritonõpo Kuesẽkõ omiryme Izyraeu tõ poko. Ritonõpo, kapu Rihpono, sero nono Rihpõme roropa, isene ahno Rihpõme roropa, ynara ãko mana:

2 Peturu 3:5

Yrome wenikehnõko mã toto, tamoreme senohne tyrise Ritonõpo a ehtoh poko. Tõmiry ke kapu tyrise eya sero nono roropa. Morararo sero nono tapuhse eya tuna ehpiry tomo, tuna kuao, enara.