Jenexi 1:2 - Ritonõpo Omiry: A Bíblia Sagrada na língua Aparai do Brasil

² Sero sã pyra, typõke pyra sero nono kynexine, onokyro pyra, otyro pyra, tuna rokene. Xinukutume rokẽ kynexine tuna konõto po, Ritonõpo Zuzenu toytose tuna epozakuroko.

Jenexi 1:2 Iomraidhean Croise

Jo 26:14

Yrome moro enetupuhpotoh pitiko rokẽ mã kehko, puti puti katoh sã rokẽ inyriry waro kuehtohkõme. Ijamitunuru nymyry imehxo ehtoh waro ehsaromepyra ahno mana.”

Jo 26:7

Kapu tyrise Ritonõpo a amerehmã epoe, inikahpozakoxi. Sero nono tyhwyme sã tyrise eya amerehmã po.

Jo 38:9

Ya moro tuna konõto tyõtose akurũ ke, ya ro moro tuna tyõtose ikohmamyryke.

Jo 41:32

Aytoryhtao tuna kuao, esemary saerehkaneme sã exĩko mana, tuna konõto akurome tyrĩko mana.

Saumu 104:30

Yrome, oserematoh ekaroryhtao oya enurũko mã toto; moro saaro isene exiketõ ekarõko mase sero nono põkomo a.

Saumu 104:6

Sero nono tyõtose oya tuna konõto ke, zuemũ ke zupõme samo, moro tuna tõ zueme toehse, ypy tõ emory epoe.

Saumu 136:6

Sero nono tyrise eya tuna zueme aexityã po; kypyno xine exikehpyra mana.

Saumu 148:7

Kuesẽkõ eahmatoko, sero nono põkomo emero: onokyroimo tomo tuna konõto kuaõkomo, zue tõ emero tuna konõto kuaõkomo.

Saumu 33:6

Tõmiry ke kapu tõkehko tyrise Kuesẽkomo a. “Exiko,” karyke xixi tyrise eya te, nuno te, xirikuato tõ roropa.

Porowepio 8:24

Tonuruse ywy tuna konõto tõ exipyra ahtao ro, tuna enatyry pyra ahtao ro.

Izaja 31:5

Torõ samo, tymỹ epoe ytoytõko typoenõ ewomaryme. Moro saaro ywy, Ritonõpo Jamihmehxo Exikety, Jerusarẽ ewomãko ase; moro pata pynanohnõko ase, ypoetory tõ ewomãko ase.”

Izaja 45:18

Ritonõpo a kapu tõkehko tyrise, ynororo rokẽ Ritonõpome mana. Sero nono tyrise roropa eya, tapuhse eya sero samo, mame esaka tyrise eya. Typõke pyra ehtohme sero nono onyripyra kynexine, yrome ahno esaryme tyrise eya moroto toto ehtohme. Ritonõpo Kuesẽkõ ynara ãko mana: “Ywy ase Ritonõpo, imepỹ ritõ pyra mana.

Jeremia 4:23

Mame osenuhmase. Sero nono patãpome nexiase tytaõke pyra, Kapu ao ezuru pyra nexiase.

Naum 2:10

Pata Niniwe tonahkase, turumekase, patãpome toehse! Ikurohtao xine enaromỹke, esekumurukõ tykytyky ãko, tyjamihkehse mã toto. Ẽmytykõ karimutume mã toto.

2 Korĩtiu 4:6

Apitoryme xinukutume rokẽ sero po kynexine. Mame: “Saereme exiko,” tykase Ritonõpo ahtao, saereme toehse. Mokyro: “Saereme exiko,” kahpõ, kutuarõtanohtorỹko mana tuisame imehxo toexiry poko. Kyrixtu ẽmyty enepõko kyya xine mana. Ẽmyty eneryke kyya xine ime aexiry enetupuhnõko sytatose.

Teuteronomiu 32:11

Typoenõ amorepary sã piano a toto ytoryhtao pohpohme, mame taporiry ke totapuruhmakase, typoenõ apoĩko aepukaryhtao. Moro sã typoetory tõ pynanohnõko Ritonõpo Kuesẽkõ mana.