Jenexi 1:16 - Ritonõpo Omiry: A Bíblia Sagrada na língua Aparai do Brasil

¹⁶ Asakoro ezuru konõto tõ tyrise eya: zumono saerehkatohme saereme te, zumo hkopyra exikety saerehkatohme koko. Xirikuato tõ tyrise roropa eya.

Jenexi 1:16 Iomraidhean Croise

Jenexi 1:15

Moro ezuru tõ saereh ãko mã kehko sero nono po, tykase Ritonõpo. Mame morara toehse.

Jo 31:26

Xixi enease saereme ahtao, nuno roropa enekure kapu kuroko aytoryhtao,

Jo 38:7

Moro ẽmepyry ae senohne emero tyrise ahtao xirikuato tõ toremiase toto oximõme. Ynenyohtyã tykohtase toto tãkye toehtohkõke.

Saumu 148:3

Eahmatoko, xixi te, nuno maro; Eahmatoko xirikuato tomo, zemimãkomo!

Saumu 148:5

Ah Kuesẽkõ eahmã toto, eya tyripose toto, mame tyrise toh rahkene!

Saumu 19:6

Tũtãko mana kapu etyhpyry poe, mya ytõko imepỹ etyhpyry pona; piukah ãko mana emero pona.

Saumu 74:16

Ẽmepyry tyrise oya ikohmamyry roropa, xixi tyrise oya esaka, nuno roropa, xirikuato tõ roropa emero tosaka xine.

Saumu 8:3

Kapu eneryhtao ya, onyrihpyry, nuno te, xirikuato tõ roropa, esao xine tyrise kehko oya,

Izaja 13:10

Xirikuato tõ emero ezehnõko mã kehko kapu ao; xixi tũtaryhtao xinukutume exĩko mana, nuno roropa saerehkara exĩko mana.

Izaja 24:23

Nuno ehxirõko sã mana zemime hkopyra exĩko, xixi roropa zemime hkopyra exĩko enaromỹke samo, Ritonõpo Jamihmehxo Exikety tuisa konõtome aexiryke ypy Xião po, Jerusarẽ po. Imehnõ tamuximãkõ ẽpataka tuisamehxo toehtoh enepõko mana. Saereme toehtoh enepõko roropa mana eya xine.

Izaja 40:26

Enetoko ke kakoxi kapu poko xirikuato tomo. Onoky kynexine mokaro rihpono? Mokyro ynororo, toto tũtanohpone atakenaka, soutatu tõ samo; tuhke toto exiry waro mana, toto esehtõko mana toto esety ae. Ijamitunuru itamurumehxo exiryke aomipona exikehpyra mã kehko.

Izaja 45:7

Saerehkatoh rihpõme ase, ikohmamyry roropa, kurãkõ ekaroneme ase, popyra ehtoh tyriponeme roropa ase; ywy Ritonõpo morohne rĩko ase emero porehme.

Jeremia 31:35

Xixi tyrise Ritonõpo a saerehkatohme ẽmepyryme ahtao, nuno tyrise eya xirikuato tõ roropa saerehkatohme koko. Tuna konõto tyripõko mana zehno exikety samo, panaikato, pohkane roropa; esety Ritonõpo Jamihmehxo Exiketyme.

Apakuke 3:11

Xixi tõ nuno maro totypohse toh nexiase opyre neneneh katoh eneryke tyya xine, awaratã saerehkatoh eneryke tyya xine.

Mateu 24:29

— Mame toetuarimakehse awahtao xine okynã pyra xixi ezehnõko mana. Nuno roropa saerehkara exĩko mana. Xirikuato ohpahnõko kapu poe kapuaõkõ esyryhmaryke tosae xine, jamihme exiketõ tosae xine esyryhmaryke.

Mateu 27:45

Morarame tãxiahtao tyarumãkapose Ritonõpo a pata tõ punero. Mame xixi tyhtosehxo ahtao, 3 orame ahtao tõmehse ropa.

1 Korĩtiu 15:41

Xixi kure potu mana. Nuno kure exiry tyoro mana. Xirikuato kure exiry tyoro roropa mana. Xirikuato tõ roropa kure exiry oxisã pyra mã kehko.

Teuteronomiu 4:19

Mame kakoxi õsenuhmarykohtao kapu aka, xixi oneahmara ehtoko, nuno maro, xirikuato tõ maro. Mokarohne tokarose Ritonõpo a emero ahno a sero nono po, ikyryrykõme ehtohme; ah neahmã toto.

Apokaripxi 21:23

Xixi se pyra moro pata po, nuno se pyra roropa, saereme exiryke, Ritonõpo a tyeipose exiryke, ezurume sã kaneru mũkuru exiryke roropa.