Jenexi 1:12 - Ritonõpo Omiry: A Bíblia Sagrada na língua Aparai do Brasil

¹² Nono po otyro tõkehko tahtase emero porehme: tupuhtuke exiketomo te, wewe tõkehko, topere exiketomo. Mame morohne eneryke tyya Ritonõpo zamaro inyrityã kynexine kure exiryke.

Jenexi 1:12 Iomraidhean Croise

Jenexi 1:11

Morarame ynara tykase ynororo: — Awahtako emero rokene, tykase otytyko a, topere exiko tupuhtuke roropa oehtohme! Mame morara toehse kehko.

Jenexi 1:13

Xinukutu, sã tõmehse oseruao aehtopo.

Saumu 104:14

Onahpoty ahtanohpõko mase pui tõ napyryme, tykyrysã roropa, tiriiku tõkehko ahtanohpõko mase ahno napyryme, morohne arykatohme kyya xine tonahsãme.

Izaja 61:11

Mame wewe ahtary sã nono po, ipuhturu ahtary sã roropa tupito po, moro sã typoetory tõ pynanohnõko Ritonõpo Imehxo Exikety mana. Mame imeimehnõ nonory põkõ eremiãko. Mokyro eahmãko mã toto emero porehme.

Maku 4:28

Nono rokẽ ẽxihtanohpõko mana. Morarame ekutãko mana. Mame eperytãko mã rahkene.

Ruka 6:44

Topere eneryhtao kyya xine otyro zoko enetupuhnõko sytatose; omoxino zoko fikume eperytara mana, morararo ãtaryka zoko mã uwame eperytara mana.

2 Korĩtiu 9:10

Otyro puhturu ekarõko Ritonõpo kyya xine mana arykatohme. Mame tarykase ahtao otyro ahtanohpõko mana eperytatohme kynapyrykõme. Morararo itamurumehxo ekarõko Ritonõpo oya xine mana. Omõkomorykõ emãnõko mana imehnõ pyno awahtao xine, pitiko rokẽ pyra omõkomorykõ ekaroryhtao oya xine etuarimaketomo a.

Karaxia 6:7

Osenekunohpyra ehtoko. Ritonõpo onenekunohsaromepyra matose. Otyro tarykase oya xine ahtao, mororome ro epery apoĩko ropa matose.

Epereu 6:7

Otupikõ poko osenetupuhtoko. Konopome ahtao anarykatyãkõ ahtãko mana. Eperytãko mana. Otyro zamaro nono ahtao tãkye exĩko matose. Morararo Ritonõpo, tãkye roropa mana tutupi kurã eneryke tyya.