Jenexi 1:1 - Ritonõpo Omiry: A Bíblia Sagrada na língua Aparai do Brasil

¹ Apitoryme kapu tyrise Ritonõpo a, nono roropa.

Jenexi 1:1 Iomraidhean Croise

2 Tuisa 19:15

Mame tõturuse Ezekia Ritonõpo a. Ynara tykase: — Yna Esemy, Ritonõpome mase, Izyraeu tõ Esemy. Ãpõ moroto taporihke exiketõ epoe. Omoro rokẽ mase tuisa tõ esẽme. Kapu Rihpõ mase, nono Rihpõ roropa.

1 Koronika 16:26

Imehnõ nonory põkõ tyneponãmarykõ poko rokẽ mã toto, yrome kapu rihpõme Ritonõpo mana.

2 Koronika 2:11

Mame tuisa Hirão a pape tonehpose Saromão neneryme. Ynara tykase: — Ritonõpo Kapuaono typoetory tõ pyno exiryke oriase toto esẽme.

Neemia 9:6

Ynara tykase Izyraeu tõ Ritonõpo eahmaryme: “Ritonõpo, omoro rokẽ yna Esẽme mase. Kapu tyrise oya, xirikuato tõ roropa. Sero nono tyrise oya, tuna konõto roropa, emero zae exiketõ roropa. Isene toto tyrise oya, emero porehme. Tosekumurukõ po kapuaõkõ porohnõko mã toto oeahmaryme.

Jo 26:13

Pũ katoh ke kapu tukurãkase Ritonõpo a, tomary ke Okoimo epakety totapase eya.

Jo 38:4

“Otoko mexiahse sero nono tyrise ahtao ya? Tuaro nymyry awahtao moro poko oturuko ya.

Jo 9:8

Takorehmane maro pyra kapu tyrise Ritonõpo a. Toiroro pohkane poro ytoytõko mana tuna konõto kuao.

Saumu 102:25

Pake ahtao sero nono tyrise oya, oemary ke kapu tyrise roropa oya.

Saumu 104:24

Ritonõpo, onyrityã tuhke rokẽ rahkene, tuaro oehtoh ke morohne tyrise oya. Sero nono pehme mana onyrityã ke.

Saumu 104:30

Yrome, oserematoh ekaroryhtao oya enurũko mã toto; moro saaro isene exiketõ ekarõko mase sero nono põkomo a.

Saumu 115:15

Kure rokẽ oriporykõ se ase Ritonõpo a, kapu rihpõme mana, sero nono rihpõme roropa!

Saumu 121:2

Kuesẽkõ jakorehmãko mana, kapu rihpõme mã ynororo, sero nono roropa.

Saumu 124:8

Kuakorehmatohkõ oehnõko Ritonõpo poe, kapu Rihpono, sero nono Rihpõme roropa.

Saumu 134:3

Kapu rihpõme mã Ritonõpo, sero nono roropa, eya kure rokẽ oriporykõ se ase Jerusarẽ poe!

Saumu 136:5

Tuaro toehtoh ke kapu Rihpõme mana; kypyno xine exikehpyra mana.

Saumu 146:6

Kapu Rihpõme mã ynororo te, sero nono te, tuna konõto maro, nakuaõkõ maro emero porehme! Tõmihpyry omipona exikehpyra Kuesẽkõ mana;

Saumu 33:6

Tõmiry ke kapu tõkehko tyrise Kuesẽkomo a. “Exiko,” karyke xixi tyrise eya te, nuno te, xirikuato tõ roropa.

Saumu 33:9

Aotururuhtao sero nono tyrise kehko. “Exiko,” tykase ynororo ahtao, emero toehse rahkene.

Saumu 8:3

Kapu eneryhtao ya, onyrihpyry, nuno te, xirikuato tõ roropa, esao xine tyrise kehko oya,

Saumu 8:4

onokyme kure yna, ahnome rokẽ ynanase? Yrome yna poko osenetupuhnõko mase. Orihketõme ynanase, yrome yna pyno ro mase.

Saumu 90:2

Ypy tõ onyripyra ro awahtao, sero nono onyripyra roropa awahtao, xixi tõkehko, apitorymã poe Ritonõpome mase, jũme exikehpyra mase.

Saumu 96:5

Imehnõ nonory põkõ ritõ kõ, ineponãmarykõme rokẽ mã toto, yrome kapu rihpõme Ritonõpo mana.

Exutu 20:11

6me ẽmepyry taropose ya, Ritonõpo, kapu riry poko, nono roropa, tuna konõto te, kana tõkehko maro. Yrome 7me aehtoh po tõseremase ywy. Morara exiryke ẽmepyry 7me aehtoh tyrise ya kurãme. Sero tapiakase ya ẽmepyry kurãme ehtohme.

Exutu 31:18

Morarame tõturukehse Ritonõpo ahtao Moeze maro ypy Xinai po, topu tõ asakoro tokarose eya, tynymerohpyry inyripotyamo.

Porowepio 16:4

Emero tyrise Ritonõpo a zae rokẽ ehtohme etyhpyryme, popyra exiketõ tuãnohsẽme rokẽ exĩko mã toto.

Porowepio 3:19

Sero nono tyrise Ritonõpo a tuaro toehtoh ke; tuaro toehtoh ke kapu tyrise eya esaka.

Ekereziaxti 12:1

Wenikehpyra exiko Ritonõpo poko poetome ro awahtao: ẽmepyry tõ popyra exipyra ro ahtao, jeimamyry tõ roropa popyra exipyra ro ahtao. Morara ahtao: “Isene jehtoh yzamaro pyra toehse,” ãko mase.

Izaja 37:16

— Ritonõpo Jamihmehxo Exikety, Izyraeu tõ Esemy. Ãpõ po mase moroto taporihke exiketõ epoe! Omoro rokẽ mase tuisa tõ Esẽme, Kapu Rihpõme mase, nono Rihpõme roropa.

Izaja 40:21

Zuaro pyra hmatou? Onetapitopyra hmatou sero poko? Onekaropyra ro toh nexiase oya xine pake sero nono ritopõpyry poko?

Izaja 40:26

Enetoko ke kakoxi kapu poko xirikuato tomo. Onoky kynexine mokaro rihpono? Mokyro ynororo, toto tũtanohpone atakenaka, soutatu tõ samo; tuhke toto exiry waro mana, toto esehtõko mana toto esety ae. Ijamitunuru itamurumehxo exiryke aomipona exikehpyra mã kehko.

Izaja 40:28

Zuaro pyra hmatou? Onetapitopyra hmatou sero poko? Kuesẽkõme mã Ritonõpo, jũme exikehpyra Exikety. Tytororo sero nono rihpõme mã ynororo. Etaehpyra mã ynororo, apotũkehpyra roropa; tuaro aexiry onukuhsaromepyra imehnõ mana.

Izaja 42:5

Kapu tyrise Ritonõpo a, myahxo rahkene; sero nono tyrise roropa eya itaõkõ maro emero porehme, isene ahno tyrise eya oserematohme. Seromaroro ynara ãko mã ynororo typoetory a:

Izaja 44:24

Kuesẽkõ, Izyraeu tõ Pynanohne, ynara ãko: “Ypoetory tomo, ywy ase Orihpõkomo; enurupyra ro awahtao xine kyriatose. Toiroro, senohne emero Rihpõme ase; myahxo kapu yrine te, sero nono yrine roropa, takorehmaneke pyra.

Izaja 45:18

Ritonõpo a kapu tõkehko tyrise, ynororo rokẽ Ritonõpome mana. Sero nono tyrise roropa eya, tapuhse eya sero samo, mame esaka tyrise eya. Typõke pyra ehtohme sero nono onyripyra kynexine, yrome ahno esaryme tyrise eya moroto toto ehtohme. Ritonõpo Kuesẽkõ ynara ãko mana: “Ywy ase Ritonõpo, imepỹ ritõ pyra mana.

Izaja 51:13

Wenikehnõko matose ywy Orihpõkõ poko; ya kapu tyrise myahxo, sero nono roropa. Enaromyra ehtoko ozehno xine orohmanohponanõkõ poko, oenahkaporykõ se exiketõ poko. Oryhmapozomosaromepyra xine toehse ozehnotokõ mana.

Izaja 51:16

Kapu tyrise ya taunuhmapose roropa, sero nono tyrise ya roropa. Ynara ãko ase Jerusarẽ põkomo a: ‘Ypoetoryme matose, jomihpyry ekaroase oya xine, jemary ke oewomatorỹko ase.’ ”

Izaja 65:17

Kapu tyrisenã rĩko ase, nono kasenato roropa; Pakatokõ poko tuenikehse, morohne poko osenetupuhpyra ropa exĩko matose.

Jeremia 10:12

Tyjamitunuru ke sero nono tyrise Ritonõpo Kuesẽkomo a; tuaro toehtoh ke sero nono tyrise eya. Kapu roropa epozakoxi tyrise eya tõsenetupuhtopõpyry ae ro.

Jeremia 32:17

— Ritonõpo Jesemy, ajamitunuru ke kapu tyrise oya nono roropa. Emero tupime pyra mana oya.

Jeremia 51:15

Tyjamitunuru ke sero nono tyrise Ritonõpo Kuesẽkomo a. Zuarohxo toexiryke emero tyrise eya sero nono po. Tuarohxo toexiryke kapu tyrise eya tapyi riry samo.

Zakaria 12:1

Sero nase Ritonõpo Kuesẽkõ omiryme Izyraeu tõ poko. Ritonõpo, kapu Rihpono, sero nono Rihpõme roropa, isene ahno Rihpõme roropa, ynara ãko mana:

Mateu 11:25

Morarame ynara tykase Jezu Tumy a: — Papa Kapuaono, kapuaõkõ esẽme mase. Sero nono põkõ esẽme roropa mase. Kure mase Papa tuaro pyra exiketõ amoreparyke oya õsenetupuhtoh poko. Opoe zuarohxo exĩko toh mana. Tuaro exiketõ motye exĩko toh mana. Atamorepaketõ motye roropa tuaro exĩko toh mana. Opoe roropa tuaro exiketõ zuaro pyra toehse ropa mana.

Maku 13:19

Morara toehse ahtao tõsẽ penery rohnõko mã toto, tyrohsẽ zetunuru rohnõko roropa mã toto. Moro panõ onenepitopyra sytatose, moino ro nono ritopõpyry poe Ritonõpo a. Moromeĩpo moro panõ onenezomopyra sytatose exĩko.

Atos 14:15

— Oty katoh pui zahkãko matou? Ahno rokẽ ynanase, ritõ kara. Ritonõpo omiry ekarose ynanoehno oya xine, oorypyrykõ rumekatohme oya xine. Ritonõpo omipona rokẽ oexirykõ se ynanase. Ritonõpo mokyro kapu rihpono, nono roropa, tuna roropa, kapuaõkõ roropa, nono põkõ roropa, nakuaõkomo, enara. Emero tyrise Ritonõpo a, tykase Pauru eya xine.

Atos 17:24

Ritonõpo mokyro Kyrihpõkomo, nono Rihpõ roropa. Mokyro kapu esemy. Emero kuesẽkõme roropa mana. Naeroro tapyi tao nyhpyra mana, ahno nyrihpyry tao.

Atos 4:24

Morarame toto omiry etaryke tyya xine tõturuse toto Ritonõpo maro, Jezu poetory tõ oximõme. Ynara tykase toto: — Yna esẽme mase Ritonõpo. Kapu Rihpõme mase, kapu, nono, tuna, tunakuaõkomo, nono põkomo, emero tyrise oya.

Romanos 11:36

Ynara exiryke, senohne emero tyrise Ritonõpo a. Ritonõpo poe emero toehse mana. “Emero motye kuhse kure mase, Ritonõpo,” katohme eya xine emero tyrise Ritonõpo a. Naeroro: “Kure mase, Ritonõpo,” kakehpyra sehtone myarotokorõme.

1 Korĩtiu 8:6

Yrome kyya xine toiro rokẽ Ritonõpo mana, Kumykomo. Emero Rihpõme mokyro mana. Ipoko ehtohme isene sytatose. Toiro roropa Kuesẽkõ mana, Jezu Kyrixtu. Eya senohne emero tyrise. Ipoe isene sytatose.

Epezu 3:9

Naeroro pake Ritonõpo tõsenetupuhse kukurãkaporykõ poko Tumũkuru a, juteu tomo, juteutõkara, enara. Moro poko enetupuhpõko ase emero ahno a. Emero ritõme mã Ritonõpo. Tõsenetupuhtopõpyry onumakara kynexine aporo.

Epereu 1:10

Ynara tykase roropa ynororo eya: “Oya sero nono tyrise apitoryme. Kapu roropa tyrise oya, oemary ke, Ritonõpome oexiryke.

Epereu 1:2

Morarame pake hkopyra kynoturune ropa Ritonõpo kyya xine Tumũkuru ae. Ynororo a sero nono tõkehko tyripose eya aporo, sero põkõ emero. Mame tymenekase ynororo Ritonõpo a emero esẽme ehtohme, sero nono põkõ esẽme, kapuaõkõ esẽme roropa, enara ehtohme.

Epereu 11:3

Ritonõpo enetuputyryke kyya xine zuaro sytatose. Senohne, xixi tõkehko xirikuato tõkehko emero tyrise Ritonõpo a, tõmiry ke rokene. Ritonõpo omi poe emero toehse, senohne oseneketõ tyrise emero porehme osenepỹ poe.

Epereu 3:4

Mame tapyi rinanõme sytatose. Tuhke tapyi rihpõ nae. Yrome Ritonõpo emero ritõme kuhse mana. Emero tyrise sytatose Ritonõpo a.

2 Peturu 3:5

Yrome wenikehnõko mã toto, tamoreme senohne tyrise Ritonõpo a ehtoh poko. Tõmiry ke kapu tyrise eya sero nono roropa. Morararo sero nono tapuhse eya tuna ehpiry tomo, tuna kuao, enara.

1 João 1:1

Ynanymerohpyry moro onenerykõme tuaro oehtohkõme Jezu Kyrixtu poko. Aomiry enetuputyryhtao kyya xine orihpỹme exĩko sytatose. Pake ahtao nae ro ehse ynororo Tumy maro, nono pyra ro ahtao. Mokyro ynanenease yna enuru ke nymyry. Ynanetase roropa aomiry. Ynanapoiase roropa yna emary ke.

Apokaripxi 10:6

Mame tõturuse ynororo Ritonõpo poe. Jũme orihpỹme exiketyme Ritonõpo mana. Kapu rihpõme ynororo nono rihpõme roropa. Tuna konõto rihpõme roropa ynororo. Emero kapuaõkomo, nono põkomo tuna konõto kuaõkõ roropa rihpõme ynororo. Ynara tykase inenyokyhpyry Ritonõpo poe: — Epo mana! Okynã pyra toehse mana.

Apokaripxi 14:7

Ynara nase opore: — Ritonõpo zuno ehtoko, kure rokẽ tyritoko roropa. “Kure mase imehxo,” kahtoko eya, sero põkõ apiakatoh toehse exiryke porehme. Naeroro oesekumurukõ po oporohtoko Ritonõpo ẽpataka, “Kure mase,” katohme eya. Kapu rihpõme ynororo, nono tõkehko rihpõme, tuna konõto roropa iporiry tõkehko emero rihpõme mana.

Apokaripxi 21:6

Mame ynara tykase ropa ynororo: — Tõtyhkase mana. Ywy ase osemazuhme aexihpyry. Etyhpyrymã roropa ase. Tuna se awahtao xine ekarõko ase oya xine, õkurukõme. Soesoekane kuae anỹnõko ase õkurukõme orihpỹme oehtohkõme. Topehke pyra roropa mana.

Apokaripxi 22:13

Osemazuhme exine senohne exipyra ahtao ro. Sero tonahse ahtao nae ro ase.

Apokaripxi 3:14

— Jomiry imeroko ynenyokyhpyry neneryme, ypoetory tõ amorepane neneryme, Raotisea põkõ amorepane neneryme. Ynara kaxiko eya: “Jomiry moro onenerykõme. Ywy ase Ritonõpo mũkuru. Otuarõtanohnekõme ase, zae exiketyme ase. Ritonõpo nyrityã emero tyrihpõme ase.

Apokaripxi 4:11

“Yna esẽ mase Ritonõpo. Emero rihpõme mase. Ritonõpo imehxo mase, ãko ynanase oya emero porehme. Yna tuisary kurã mase. Yna esẽme roropa mase imehxo. Senohne emero tyrise oya okyryryme. Tyriry se oexiryke emero toehse mana. Isene exiketõ roropa toehse,” ãko toto.