Apakuke 3:3 - Ritonõpo Omiry: A Bíblia Sagrada na língua Aparai do Brasil

³ Ikurenae Etõ nonory poe Ritonõpo toehse, ypy Parã poe toehse Ritonõpo Kurano. Kapu typehkase mana saereme aehtoh ke, eahmãko sero nono põkõ mã toto, emero porehme.

Apakuke 3:3 Iomraidhean Croise

Jenexi 21:21

Mame jeny a nohpo tymenekase, Ejitu pono, ipytyme.

1 Tuisa 11:18

Mame toesyryhmase toto Mitiã poe, toytose toto Parã pona. Moroto imehnõ tõximõse toto maro. Morotoino toytose toto Ejitu pona oturuse tuisa a. Mame Ejitu tuisary a nono tokarose Hatate a, tapyi roropa, tonahsẽ roropa.

Saumu 113:4

Imeimehnõ nonory põkõ emero esẽme Ritonõpo mana; tuisamehxo aexiry kapu tõ epoe mana.

Saumu 148:13

Ah Ritonõpo Kuesẽkõ eahmã toto emero porehme, imehnõ ritõ tõ motye imehxo aexiryke! Tynyrityã motye imehxo mana sero nono po kapu ao roropa, morohne motye saeremehxo mana.

Saumu 3:2

Oturũko mã toto ypoko, ynara ãko mã toto: “Mokyro anakorehmara Ritonõpo exĩko mana!”

Saumu 3:4

Ritonõpo kohmãko ase jakorehmaneme, tosary ypy kurã poe jezuhnõko mana.

Saumu 4:4

Enaromỹke ehtoko, oorypyrykõ poko exikehtoko; mynyhme ehtoko onyhtohkõ po õsenetupuhtohkõ waro oehtohkõme.

Saumu 48:10

Ritonõpo, oeahmãko ahno tõ mana emero nono po, oesety waro onyrityã roropa imeimehnõ nonory po porehme. Zae rokẽ tuisame mase;

Saumu 68:17

Tykahu tõ tuhkãkõ jamihmãkõ maro Ritonõpo Kuesẽkõ tooehse ypy Xinai poe tosary kurã pona.

Saumu 9:16

Ritonõpo, awaro exĩko imehnõ mana, zae rokẽ imehnõ apiakaryke oya. Mokaro popyra exiketõ, tynyrityã aka omõnõko mã toto, ahno apoitoh aka.

Saumu 9:20

Toto tyripoko ouno toto ehtohme, Ritonõpo! tuaro toto tyripoko orihketyme toehtohkõ waro toto ehtohme!

Exutu 20:18

Moro konomeru totase imoihmãkomo a rueimo osetory maro. Nenenehkane tonese roropa eya xine orexĩto maro ypy po. Enaromỹke toehse toto. Tykytyky tykase toto. Ameke rokẽ toehse toh kynexine.

Izaja 31:1

Popyra ehtoh oehnõko mokaro a, Ejitu pona ytoketõ takorehmapotohkõme! Osepeme ahno maro toexirykõ se mã toto kawaru tõ tuhke nae toexirykõke, kahu tõ tuhke nae roropa toexirykõke, soutatu tõ orẽpyra exiketõ kawaru po ytoketõ nae roropa repe, yrome Izyraeu tõ Esẽ Kurã onenetupuhpyra mã toto, Ritonõpo a atakorehmapopyra mã toto.

Izaja 6:3

Oturũko toh nexiase opore oseya, ynara ãko: “Kurano, kurano, kurano! Ritonõpo Jamihmehxo Exikety kure mana; Saeremehxo aexiry sero nono pehkãko mana!”

Izaja 64:3

Pake ahtao ajamitunuru ke onyrityã tyrise ahtao oya tõsenuruhkase yna; tyhtose mexiase kapu poe, mame ypy tõ tykytyky tykase oẽpataka.

Jeremia 49:7

Ritonõpo Jamihmehxo Exikety ynara tykase Etõ tõ nonory põkõ poko: — Pata Temã po tuaro exiketõ pyra mã toto. Tuaro toto ehtoh tonahse.

Ezekieu 43:2

Moro poe Ritonõpo Izyraeu tõ Esẽ saerehkatoh oepyry enease. Ritonõpo omiry etase tuna konõto pohkane panaikatõ samo. Nono po saereme toehse Ritonõpo saerehkatoh pokoino.

Amoxi 1:12

Morara exiryke apoto enehpõko ase pata Temã zahkatohme, tapyi tõ jamihme exiketõ zahkãko roropa moro apoto mana Posora po.

Opatia 1:9

Soutatu tõ Temã po tykytyky ãko mã toto enaromỹke toexirykõke; etonaketõ Etõ po orihnõko mã toto.”

Apakuke 2:14

Sero nono pehme exĩko mana, imehxo Ritonõpo ehtoh waro ahno ehtoh ke, tuna konõto pehme ehtoh samo zueme ahtao.

Numeru 10:12

Moro ae Izyraeu tõ toytopitose ona Xinai poe. Mame moro akurũ totypohse ona Parã po.

Teuteronomiu 33:2

Ritonõpo noepyase ypy Xinai poe; Etõ epozakoxi tõnuhse ynororo xixi samo. Saereh tykase ynororo typoetory tõ pona, ypy Parã poe. Inenyohtyã 10 miumãkõ imaro tooehse. Emary pũto apotunuru wino apoto zemime exikety nexiase.

Teuteronomiu 5:24

Ynara tykase toto ya: “Ritonõpo a, Kuesẽkomo a, saereme toehtoh tonepose kyya xine, aomiry totase kyya xine apoto htae. Seroae enẽko sytatose: ahno isene ro mã toto tõturuse ahtao Ritonõpo maro.

1 Samueu 25:1

Mame Samueu toorihse. Naeroro tõximõse Izyraeu tomo ihnamose. Mame ekepyry tonẽse eya xine itapyĩ tao, Rama po. Morotoino Tawi toesyryhmase ona Parã pona.