Apakuke 3:11 - Ritonõpo Omiry: A Bíblia Sagrada na língua Aparai do Brasil

¹¹ Xixi tõ nuno maro totypohse toh nexiase opyre neneneh katoh eneryke tyya xine, awaratã saerehkatoh eneryke tyya xine.

Apakuke 3:11 Iomraidhean Croise

Saumu 19:4

Yrome kapu omiry enetupuhnõko sytatose sero nono po porehme. Aomiry enetupuhnõko mã toto, imehnõ pata tõ po sero nono etyhpyry po. Kapu poko xixi esary tyrise Ritonõpo a.

Izaja 28:21

Kuesẽkõ owõnõko mana, pake aowomyhpyry sã ypy Perazĩ po; Zehno exĩko mana pake zehno toehtopõpyry sã jakanahmã Kipeão po. Tyriry se toehtoh rĩko mana, tyoro sã ahtao ro. Aerohtoh otyhkãko mana tuaro pyra kuahtao xine ro.

Izaja 38:8

“Eneko ke, xixi zuzenu onuhmapõko ropa ase 10me onuhtoh opyi Akaze nyrihpyry pokona tyhtose ahtao.” Mame xixi zuzenu tõnuhse ropa 10me onuhtoh pona ropa.

Izaja 49:2

Jomiry taere exikety sã tyrise eya, tapema aehtohpyry samo, towomase ywy tomary ke eya. Pyrou sã tyrise ywy eya pohsuime exikety samo tukurãkase typyre ẽ ao, tõsẽ wotoh eraximatohme samo.

Naum 3:3

Kawaru po ytoketõ osetapapitõko mã toto, tytapemake zemime exiketomo, tywaratake zemime exiketõ roropa. Aorihtyã ekepyry emero rokẽ po, tuhke ekepyry tomo, miu motye, ikuhpỹme. Osetapãko soutatu tomo aorihtyã ekepyry tõ pona.

Apakuke 3:9

Taky tapoise oya, opyre tõ maro. Tuna zueme ehtoh ke sero nono tahkase oya.

Zakaria 9:14

Mame osenepõko Kuesẽkõ mana typoetory tõ epoe. Nenenehkane sã typyre ekomãko mana. Rue etõko mana. Ytõko mana tyryrykane konõto maro ikurenae.