Apakuke 2:16 - Ritonõpo Omiry: A Bíblia Sagrada na língua Aparai do Brasil

¹⁶ Amarokõ roropa ime pyra exĩko matose. Ehxirõko matose. Eukuru ẽnõko matose, osetapãko. Awãnohtohkõ ẽpõko sã Ritonõpo mana oya xine ozehno xine toexiryke. Etỹnõko matose. Imehxo oehtohkõ myakamãko mana oehxirotohkõke.

Apakuke 2:16 Iomraidhean Croise

Saumu 75:8

Kasana nae Ritonõpo Kuesẽkõ emahpo eukuru jehnahpyry ke pehme, zehno ehtoh ke. Moro ekamõko mana, popyra exiketõ okurume, ẽnõko mã toto emero porehme eukuru enahtoh pona.

Porowepio 3:35

Tuaro exiketõ tuisamehxo exĩko mã toto, yrome tuaro pyra exiketõ itamurumehxo ehxirõko mã toto.

Izaja 20:4

Ejitu põkõ, Etiopia põkõ roropa arõko Axiria tuisary mana, tynamotome ehtohme, nuasemãkomo te, tamuhpomãkõ maro. Ytõko mã toto tysãtajake pyra te, tupoke pyra ãtykyrykõ jarao, Ejitu põkõ ehxirotohme.

Izaja 47:3

Tupoke pyra oenẽko imehnõ mana, toehxirosẽme oehtoh enẽko, epyrypara oehtoh enẽko mã toto. Omỹpõko ase, opynanohsaromepyra exĩko imehnõ mana.”

Izaja 49:26

Mame oepetõkara tõsenahkarykõ poko toto ripõko ase. Aetỹtyã exĩko mã toto imehnõ etapary poko, zehno toexirykõ poko roropa. Morarame ahno emero zuaro exĩko mã toto ywy, Ritonõpo, Opynanohnekõme ase; ãpuruhpyry tae otũtanohponekomo. Zuaro exĩko mã toto ywy, Ritonõpo, Izyraeu tõ Esẽ Jamihmehxo ase.”

Jeremia 25:15

Mame Ritonõpo, Izyraeu tõ Esemy ynara tykase ya: — Seny, eukuru ẽ pehme eukuru jehnahpyry ke, zehno jehtoh ke. Sero eukuru ẽ apoiko mokaro ahno tõ ohpatohme, emero, eya xine aaroporyhtao ya.

Jeremia 25:17

Naeroro moro eukuru ẽ apoiase Ritonõpo nekarohpyry ya, moro eukuru ke ahno tõ tauhpase ya, eya xine taropose jahtao Ritonõpo a.

Jeremia 51:57

Ituisary tõ toetỹse tyripõko ase, tuaro exiketomo te, tuisa tomo, soutatu tomo, enara. Nyhnõko mã toto jũme owõpyra ropa ehtohme. Ywy Tuisa oturuno. Ywy ase Ritonõpo, Jamihmehxo Exikety.

Jeremia 51:7

Jemary ao Papironia nexiase kopu samo, uuru risemy, toetỹse sero nono põkõ emero tyripose eya. Moro eukuru moro kopu ao tõse ahtao imehnõ nonory põkomo a tyrowotase toh nexiase.

Ramẽtasão 4:21

Atãkyematoko, Etõ põkomo, Uze põkõ roropa, exianatoko oexianarykõ se awahtao xine. Yrome okynã pyra oporemãkapotohkõ oehnõko mana, awãnohtohkõme; toetỹse exiketyme sã exĩko matose tupoke pyra ytoytõko roropa matose.

Ezekieu 23:33

Apaxiry Samaria kasanary pehme mana enaromỹke ehtoh ke, ehxirotoh ke roropa, etỹnõko mase ike, sam ãko roropa mase.

Ozeja 4:7

— Tuhkehxo oturuketõ awahtao xine, tuhkehxo oorypyrykõ exĩko mana, onyrihpyry; morara exiryke imehxo oehtohkõ myakamãko ase ehxirotoh ke.

Ozeja 7:5

Mame oseahmatoh toehse ahtao tuisa maro, eukuru jehnahpyry tokarose eya xine tuisa tomo a itamurume, kowenatu tõ maro, toto etỹtohme. Toetỹse toto ahtao ajoajohpe toehse toh nexiase.

Apakuke 2:10

Yrome tyriry se oehtohkõ pokoino ehxirõko atapyĩ taõkõ mana. Imeimehnõ nonory põkõ enahkaryke oya xine oenahkatohkõ tonehpose oya roro opona.

Apakuke 2:15

Tuãnohsẽme exĩko mase, eukuru jehnahpyry ekaroryhtao imepyny a opi maro itỹpotohme. Toetỹse ahtao tupõ oũko mokyro mana, mame emero mokyro enẽko toh mana tymetyke pyra aexiry.

Piripo 3:19

Typenetatohkõ poko se rokẽ mã toto. Ritonõpo oneahmara mã toto. Ihximyra mã toto tyyrypyrykõ kahpyry poko. Ipoko epyrypãko mã toto kure ehtoh poko samo. Senohne poko osenetupuhnõko mã toto, onenetupuhpynõ penetatoh poko tõkehko osenetupuhnõko mã toto. Naeroro ameke rokẽ exĩko mã toto Ritonõpo a. Etuarimatoh taka omõnõko mã toto.

Apokaripxi 18:6

Oritopõpyrykõ sã eya xine, moro sã mokyro tyritoko emetakame. Epehmatoko iirypyhpyry epehpyryme, imotye roropa epehmatoko. Ikasanary ipehkatoko jetunety ke. Inekarohpyry oya xine jetunety, moro motye ekarotoko ropa eya.