Apakuke 2:1 - Ritonõpo Omiry: A Bíblia Sagrada na língua Aparai do Brasil

¹ Onuhnõko ase ytapyĩ kaetokohxo exikety taka, pata enene esaka. Jezuhtoh eraximãko ase Ritonõpo a. Otara ãko hnae tykerekerematopõpyry ya ezuhtohme?

Apakuke 2:1 Iomraidhean Croise

2 Samueu 18:24

Typorohse Tawi nexiase pata omõtoh pota tao, enene tõnuhse apuru pona, zara po kae. Tõsenuhmase ynororo ahtao orutua tonese eya toiroro, tururume oehnõko.

2 Tuisa 17:9

Onyripopyra Ritonõpo ehtopõpyry tyrise eya xine. Tyneponãmary tõ eahmatoh tyrise eya xine typatarykõ po emero, pitiko rokẽ pata ahtao, inunõ pata ahtao roropa.

2 Tuisa 9:17

Morarame soutatu nexiase, kae tapyi tao, pata omõtoh eraseme, Jezereu po. Jeu oepyry typoetory tõ maro tonese eya. Tykohtase: — Ahno oehnõko kawaru tõ maro! tykase. Ynara tykase Jorão: — Soutatu enyohko kawaru po, ekaropotohme epeme toto exiry poko, epetõkarame toto exiry poko, enara.

Jo 31:35

“Jomiry etary sehxo hano imehnomo a! Oturukehnõko ase zae jehtopõpyry poko; jezukuru sehxo hano Ritonõpo Jamihmehxo Exikety a! Jyhxirotoh tymerose ahtao moro enery se exiry.

Jo 31:37

Ritonõpo a ynyrihpyry emero ekarory, ẽpataka xikihme jexiry, ihximyra, tupuehme kara.

Saumu 5:3

Pakeimo ẽmepyryhtao jomiry etãko mase; xixi tũtapitoryhtao, oturũko ase oya, mame jezuhtoh eraximãko ase oya.

Saumu 85:8

Ritonõpo omiry etãko ase; kyya xine, typoetory tomo a tõmiry etapõko mana kuewomarykõ poko, torẽtyke pyra kuehtohkõme eramara ropa kuahtao xine ajoajohpe kuehtohkõ pokona ropa.

Saumu 85:9

Ajohpe pyra, tõmihpyry omipona se exiketõ pynanopyry se Ritonõpo mana, kynonorykõ po exikehpyra toehtohme, Kypynanohnekõme.

Izaja 21:5

Inenepohpyry ae otuhtoh konõto enease, tahnose Papironia po; meza po toahmase exiketõ typorohse toh nexiase epehtoh po, otuhnõko toh nexiase eukuru ẽnõko roropa. Mõtoino rokẽ tyripotoh opore osetãko: “Soutatu tuisary tomo! Owõtoko, opyrekõ apoitoko!”

Izaja 21:6

Mame ynara tykase Ritonõpo ya: “Soutatu tyriko eneneme ehtohme, tynenery emero ekarotohme oya!

Izaja 21:8

Mame mokyro erase tykohtase, ynara tykase: “Tuisa, toraximase ywy taro saereme ahtao koko roropa, kokoro rokene.”

Izaja 62:6

Jerusarẽ, apatary apuru po erase tõ tyrise ya. Ah mynyhme pyra nexĩ toto saereme ahtao, koko ahtao, enara. Ah noturũ toto Ritonõpo a aomihpyry poko, jũme wenikehpyra tyripotohme ynororo moro poko.

Jeremia 12:1

— Ritonõpo Jesemy, kure jehtoh poko osezukuruhtao ya, zae rokẽ oehtoh enepõko mase ya. Yrome oya ekaropory se ase zae ehtoh poko: Oty katohme popyra exiketõ tytineruke exĩko nae? Oty katoh ajohpe exiketõ orẽpyra toh nae tynyrirykõ poko?

Jeremia 6:17

Morarame enenanõ tyrise Ritonõpo a oewomananõme rue etatohme! Yrome: — Onetara ynanase, tykase toto.

Ezekieu 3:17

— Ahno mũkuru, Izyraeu tõ eraseme orĩko ase, Izyraeu nonory põkõ emero eraseme. Jomiry etako jotururuhtao amaro, mame toto zuruko, ynekarohpyry oya ekaroko toto a.

Ezekieu 33:7

— Seromaroro, ahno mũkuru, eneneme orĩko ase Izyraeu tõ emero zurutohme oya. Zurutoh ekarõko ase oya ekarotohme eya xine.

Mikeja 7:7

Yrome ywy, Ritonõpo Jesemy eraximãko ase. Ypynanohnõko mana; moro enetupuhnõko ase yronymyryme. Jomiry etãko roropa mana.

2 Korĩtiu 13:3

Kyrixtu jamitunuru enery se matose ymaro, Kyrixtu ehtoh waro oehtohkõme. Otara kara. Toeporehkase morotona jahtao jenẽko matose. Orẽpyra jehtoh eneryke oya xine, Kyrixtu poe jehtoh waro exĩko matose. Poremãpyra roropa Kyrixtu mana. Orẽpyra mana ipunaka. Kokoro rokẽ tyjamitunuru enepõko oya xine mana.

Karaxia 1:16

Morarame imeĩpo Tumũkuru tonepose ya, Kyrixtu omiry poko roropa juteutõkara amorepatohme ya, Tumũkuru enetupuhpotohme roropa juteutõkara a. Morara exiryke imehnomo a ytopyra exiase oturupose Jezu poko.