Apakuke 1:7 - Ritonõpo Omiry: A Bíblia Sagrada na língua Aparai do Brasil

⁷ “Mokaro zuno imehnõ ripõko mã toto. Tõmihpyrykõ omipona rokẽ imehnõ ripõko mã toto imehnõ motye kure tõsekarorykõke eya xine.

Apakuke 1:7 Iomraidhean Croise

Izaja 14:17

Mose ro a sero nono kurã tytaõke pyra tyripose, pata tõ kurã tykararahse, mose a ãpuruhpyry taõkõ anaropopyra ropa tapyi taka ropa?”

Izaja 18:2

Moro nonory poe omi aronanõ yhtõko tuna Niro kuae tykanarykõ aruma panõ risẽ ae. Omi aronanõ, axĩ sã ytoketomo, omi arose ytotoko ropa atapyĩkõ taka! Ytotoko ononory põkomo a, ahno jamihmãkomo, mosa exiketomo, typihpyke serehme exiketomo; mokaro zuno imehnõ nonory põkõ emero, esarykõ tãtapiakase tuna tõ ke.

Izaja 18:7

Moro ẽmepyry toehse ahtao, tynekarorykõ enehnõko Ritonõpo Jamihmehxo Exikety a, ahno jamihmãkomo, mosa exiketomo typihpyke serehme exiketomo; mokaro zuno imehnõ nonory põkõ emero, esarykõ tãtapiakase tuna tõ ke. Tynekarorykõ ekarõko mã toto ypy Xião po, Itapyĩ tao, Ritonõpo Jamihmehxo Exikety eahmatoh tao.

Izaja 47:8

Etako pahne, zae pyra ehtoh poko penetakety, torẽtyke pyra mase, popyra ehtoh oepyry zuno pyra roropa mase. Okurohtao ynara ãko mase: ‘Ywy ase tuisame; imepỹ ypanõ pyra mana. Pytỹpome exipyra ase, ypoenõ orihpyra mã toto,’ ãko mase repe.

Tanieu 2:31

— Tuisa Napukotonozo, ahno panõ tonese oya õsenety, orutua konõto samo, xikihme, oẽpataka. Zemi ãko nexiase, mokyro eneryke oya tõserehse sã mexiase.

Sowonia 2:15

Moro sã exĩko pata Niniwe, pata epyrypakety, tyjamitunuru poko. Ynara tykase ynororo: “Imepỹ pata pyra mana jamihme exikety ysamo.” Patãpome exĩko mana, onokyro tõ esaryme. Ytoketõ morotona oserehnõko mã toto, osenuruhkãko roropa mã toto moro pata enahkatopõpyry eneryke tyya xine.

Teuteronomiu 5:19

— “Omatome pyra ehtoko.

Teuteronomiu 5:27

Moeze, ytoko ropa ypy pona Ritonõpo omiry etase. Imeĩpo osehko ropa yna zuruse inekarohpyry poko emero. Etãko ynanase, aomiry omipona exĩko ynanase.”