Apakuke 1:4 - Ritonõpo Omiry: A Bíblia Sagrada na língua Aparai do Brasil

⁴ Naeroro õmihpyry omipona pyra mã toto, zae ehtoh onyripyra mã toto. Kure ehtoh poko exiketõ tapuruse mã toto zae pyra exiketomo a. Zae pyra ahno apiakãko mã toto.

Apakuke 1:4 Iomraidhean Croise

1 Tuisa 21:13

Mame ajohpãkõ asakoro imoihmãkõ ẽpataka tooehse. Napote tyhxirose eya xine. “Popyra Ritonõpo esety tyripose mose a, popyra tuisa tyripose roropa eya,” tykase toto ihxiroryme. Mame tarose ynororo jarãnaka pata poe. Topu ke totapase ynororo eya xine.

Jo 21:7

“Oty katohme popyra exiketõ isene exikehpyra nae toto? Oty katohme tymõkomoke exĩko toh nae? Tamuhpõme exĩko roropa toh nae?

Saumu 11:3

Ajohpe pyra exikety kure ehtoh onyrisaromepyra mana Ritonõpo nyripohpyry, zae ehtoh roropa turumekase ahtao ahno a.”

Saumu 119:126

Ritonõpo yna Esemy, epo tyritoh oya toehse mana, onyripohpyry omipona pyra rokẽ mã toto.

Saumu 22:12

Pui orutua kõ zomyehmary sã jomyehmãko jepetõkara mana, Pasã nonory poe pui aehtyã samo.

Saumu 22:16

Popyra exiketõ jomyehmãko mã toto; kaikuxi tõ sã ya oehnõko mã toto, jemah xihxihkãko mã toto upupuru roropa xihxihkãko mã toto.

Saumu 59:2

Kypynanohko orutua kõ popyra exiketõ winoino; kuewomako jetapary se exiketõ winoino.

Saumu 59:4

zae pyra jehtoh pokoino pyra, atarypõko mã toto japoitohme.

Saumu 94:3

Ritonõpo, otoko na pixo popyra exiketõ tãkye rokẽ exĩko toh nae? Otoko ehtoh pona, Ritonõpo?

Exutu 23:2

Imoihmãkõ maro pyra ehtoko azahkuru toto ahtao. Omihpo ajohpe onekaropyra ehtoko imoihmãkõ akorehmatohme zae pyra toto ehtoh poko.

Exutu 23:6

— Tymõkomokãkara tooehse ahtao apiakane ẽpataka zae ehtoko imaro.

Izaja 5:20

Popyra ehtoh oehnõko mokaro a: kurãme ehtoh ekaronanõ popyra te, popyra ehtoh ekaronanõ roropa kurãme, koko ekaronanõ saereme te, saerehkatoh ekaronanõ ikohmamyryme, itunety ekaronanõ anusasame te, anusasame ehtoh ekaronanõ itunetyme, enara.

Izaja 59:12

Iirypyryme ynanase õmihpyry omipona pyra, Ritonõpo, yna rypyry yna hxirõko mã kehko. Wenikehsaromepyra ynanase zae pyra yna ehtopõpyry poko; iirypyryme yna ehtoh enetupuhnõko ynanase.

Jeremia 12:1

— Ritonõpo Jesemy, kure jehtoh poko osezukuruhtao ya, zae rokẽ oehtoh enepõko mase ya. Yrome oya ekaropory se ase zae ehtoh poko: Oty katohme popyra exiketõ tytineruke exĩko nae? Oty katoh ajohpe exiketõ orẽpyra toh nae tynyrirykõ poko?

Jeremia 12:6

Oekyry tõ ro, atapyĩ taõkõ oewokaneme toehse mã toto. Oepetõkara maro okerekeremãko mã toto. Osenekunohpopyra exiko eya xine, kure rokẽ aotururukohtao ro amaro osepeme sã repe.

Jeremia 26:8

Mame Ritonõpo nekarohpyry poko tõturukehse jahtao, tapoise exiase oturuketomo a, urutõ komo a, ahno a roropa, opore tykohtase toto: — Orihnõko mase moro pokoino!

Jeremia 8:7

Torõ tõ toytotohkõ waro mã toto, urutukue tomo te, akarara tomo te, parapi tõ roropa, imepỹ nono pona toytotohkõ waro mã toto; ruperupewa tõ zuaro mã toto toehtohkõ ropa toehse ahtao. Yrome amarokõ ypoetory tomo, ynyripohpyry oya xine omipona pyra matose.

Ezekieu 9:9

Ynara tykase Ritonõpo ya: — Izyraeu tõ tyyrypyhpyke toehse mã toto. Popyra mã toto ipunaka. Imehnõ totapase eya xine pata tõ po, sero nono po porehme. Popyra ehtoh poko rokẽ mã toto Jerusarẽ po. Ynara ãko mã toto: “Kynonorykõ turumekase Ritonõpo a. Kuenepyra xine mana,” ãko.

Ozeja 10:4

Ajohpe rokẽ mã toto; tõmirykõ etapõko mã toto emero. Yrome tõmirykõ omipona pyra mã toto. Zae ehtoh eya xine owokatõ sã mana; ãtaryka orihmatõ ahtary samo tupito rãnao.

Amoxi 5:12

Zuaro ase itamurume popyra oehtohkõ poko, oorypyrykõ poko oehtohkõ poko. Zae exiketõ ryhmãko matose, tineru tokarose oya xine ahtao zae pyra exiketomo a, moro tineru apoĩko matose zae pyra oehtohkõ emetakame, tytineruke pyra exiketõ onewomara matose tapiakase toto ahtao juize ẽpataka.

Amoxi 5:7

Zae ehtoh poko pyra matose imehnõ maro, onekunohtõme oexirykõke oxiehno matose, jamihme pyra exiketõ onewomara matose.

Maku 7:9

Ritonõpo nyripohpyry myakamãko matose atamurukõ namorepatopõpyry ke.

Atos 7:52

Urutõ kõ tyyryhmase atamurukomo a emero. “Ritonõpo mũkuru oehnõko mana,” kananõ totapase toto a. Mokaro saaro matose. Mokyro mexixihmatose tooehse ahtao.

Atos 7:59

Mame topu ke totaparyhtao ro ynara tykase Exitewão: — Tuisa Jezu, kuaroko oesaka, tykase rokẽ ynororo.

Romanos 3:31

Morara ahtao Kyrixtu enetuputyryke kyya xine Ritonõpo nymeropohpyry rumekãko sytatou? Arypyra, onurumekara sytatose. Jezu enetuputyryhtao kyya xine, inymeropohpyry omipona kuhse sytatose exĩko.

Teuteronomiu 16:19

Imehnõ wãnopyryhtao onymotyẽkara ehtoko; oxisã emero tyritoko. Tineru anapoipyra ehtoko zae pyra exikety wino. Tineru apoiryhtao zae pyra exikety nekarohpyry zae pyra exĩko mase tuaro ehxĩpo, ajohpe pyra ehxĩpo roropa, mame zae pyra apiakãko mase.