Apakuke 1:13 - Ritonõpo Omiry: A Bíblia Sagrada na língua Aparai do Brasil

¹³ Yrome otãto mokaro popyra exiketõ eanahtõko mah, Ritonõpo? Nuriame exiketõ enery se pyra mase ipunaka kure oexiryke. Popyra exiketõ tyyrypyrykõ poko ehtoh oneanahtosaromepyra mase. Naeroro oty katohme mynyhme rokẽ mahno kurehxo exiketõ etaparyhtao popyra exiketomo a?

Apakuke 1:13 Iomraidhean Croise

2 Samueu 4:11

Seromaroro Ritonõpo neneryme awãnohtorỹko ase zae pyra onyrihpyrykõ poko. Orutua tehme exikety totapase oya xine tynyhse ahtao tytapyĩ tao. Seromaroro imỹpõko ase. Ixiposete etapatopõpyry epehpyryme orihnõko matose.

1 Tuisa 2:32

Joape wãnohnõko Ritonõpo mana, mokaro etapatopõpyry epehpyryme, totapase eya exiryke tuaro pyra papa Tawi ahtao. Orutua kõ asakoro totapase eya, kurãkomo. Imotye kure toh nexiase; Apinea, Izyraeu tõ soutatu tõ esemy te, Amasa roropa, Juta tõ soutatu tõ esemy.

Exite 4:14

Mynyhme rokẽ awahtao serara ahtao, juteu tõ akorehmatoh enehpõko Ritonõpo mana kapu ae toto pynanohtohme; yrome orihnõko mase, omy tapyĩ taõkõ tonahkasẽme exĩko mana. Mãpyra otarame sero pokoino tuisa pytyme toehse mase oekyry tõ pynanohtohme, tykase Moatekai.

Jo 15:15

Ritonõpo a inenyohtyã kure nymyry pyra mã toto, kapu roropa eya kure nymyry pyra mana ineneryme.

Jo 21:7

“Oty katohme popyra exiketõ isene exikehpyra nae toto? Oty katohme tymõkomoke exĩko toh nae? Tamuhpõme exĩko roropa toh nae?

Jo 24:23

Imehnõ ewomãko Ritonõpo mana isene ro, yrome toto onenekehpyra mana.

Saumu 10:15

Ritonõpo, popyra exiketõ jamitunuru enahkapoko, zae pyra exiketomo. Toto zuãnohko inyrityãkõ popỹ epehpyryme, zae pyra toehtohkõ poko pyra ropa toto ehtohme.

Saumu 18:26

Tyyrypyry poko pyra exiketomo a kure rokẽ mase, yrome popyra exiketõ zehno mase.

Saumu 25:3

Oenetupuhnanõ ehxiropyra exĩko mã toto, toto onyporemãkapopyra oexiryke. Yrome mokaro orumekary se exiketõ poremãketõme exĩko mã toto.

Saumu 35:17

Otãto ise ro hma, Ritonõpo, enẽko rokẽ mahno? Kuewomako mokaro winoino atatapoiryhtao yporemãkatohme. Kypynanohko mokaro reão tomo a jesekaryino.

Saumu 35:22

Yrome, Ritonõpo Jesemy, emero tonese oya. Naeroro mynyhme pyra exiko, Ritonõpo, ameke pyra exiko ywino!

Saumu 35:25

Ynara kamexipopyra exiko oseya xine: “Mokyro tonahkase kyya xine. Moro se rokẽ sexiatose.”

Saumu 50:21

Morohne tyrise oya xine, mame mynyhme rokẽ exiase; naeroro asã xine kuekaroase repe. Yrome seromaroro oupokatorỹko ase; zae pyra oehtohkõ enepõko ase oya xine.

Saumu 50:3

Kuesẽkõ oehnõko mana, mynyhme pyra eporehkãko mana; apoto nyahkary sã esemazupurume oehnõko. Zomye tyryrykane itamurume exĩko.

Saumu 83:1

Ritonõpo, mynyhme pyra exiko! Tehme pyra exiko, oturuko ynanetaryme!

Izaja 21:2

Ritonõpo nenepohpyry ya popyra nexiase ipunaka: Enekunopyry poko te, enahkary poko emero rokẽ po! Soutatu tõ Erão po, osetapatoko! Soutatu tõ Metia po, pata tõ apurutoko! Papironia nyrityã enahkapõko Ritonõpo mana, imeimehnõ sam kamexipotopõpyry eya xine.

Izaja 24:16

Imeimehnõ nonory põkomo moehxo esarykõ exiketomo, aeremiatohkõ etãko sytatose Ritonõpo zae Exikety eahmary poko. Yrome ynara tykase ywy: “Popyra ehtoh rokẽ oehnõko ya, myhene! Typoremãse ywy, tapotũkehse! Mokaro onekunohtõkõ ewokãko ro mã toto; ajohpe aexirykõ popyrahxo exĩko mana.”

Izaja 33:1

Popyra ehtoh oehnõko oya myhene, imehnõ enahkapone, yrome oenahkara ro imehnõ mana! Popyra ehtoh oehnõko oya, ewokane yrome oewokara ro imehnõ mana! Imehnõ tonahkakehse ahtao oya, tonahkasẽme exĩko mase; imehnõ towokakehse ahtao oya towokasẽme exĩko mase.

Izaja 64:12

Moro eneryke oya, oty rĩko mah, Ritonõpo? Teh ãko rokẽ mahno? Mynyhme rokẽ exĩko mahno, yna wãnohnõko ro mahno?

Ramẽtasão 3:36

Zuaro Ritonõpo mana zae pyra kuomirykõ ahtao imepỹ poko apiakane ẽpataka.

Apakuke 1:14

Oty katoh ahno tyripõko mah kana samo tuna konõto kuao, onokyro tõ sã roropa tosẽke pyra exiketõ samo?

Zakaria 8:17

Osenetupuhpyra ehtoko okurohtao xine imehnõ ryhmary poko oya xine. Ajohpe õmirykõ onetapopyra ehtoko, Ywy, Ritonõpo morohne se pyra jexiryke ipunaka.

Atos 2:23

Pake Ritonõpo zuaro kynexine, Jezu exixihmapotoh waro. Toxixihmapose oya xine, zehnotokomo a. Moro waro Ritonõpo kynexine Jezu orihpyra ro ahtao. Yrome: “Ah nexixihmã toto,” tykase Ritonõpo.

Teuteronomiu 23:15

— Ahno namoto onekaropyra ropa ehtoko esemy a, toepase ynororo ahtao tosẽ winoino, amaro ehtohme osewomatohme.