Apakuke 1:12 - Ritonõpo Omiry: A Bíblia Sagrada na língua Aparai do Brasil

¹² Moino ro mase, Ritonõpo, jũme. Jesẽme mase, zae rokẽ Exiketyme mase, Kurano. Yna Ewomaneme mase. Papironio tõ tymenekase oya, jamihme tyripose toto oya yna wãnohtohme.

Apakuke 1:12 Iomraidhean Croise

Jenexi 21:33

Mame moroto Peresepa po wewe tarykase Aparão a, moroto roropa Ritonõpo toahmase Aparão a, Jũme Exiketyme aexiry poko.

2 Tuisa 19:25

“Tuaro pyra toko hma moino ro tõsenetupuhse ywy senohne ritoh poko. Seromaroro emero tyripose ya rahkene. Ajamitunuru ekaroase oya pata tõ apuru kararahtohme oya, ypyme sã ipapyhpyry anonohsẽ ehtohme.

Saumu 102:24

Ritonõpo Jesemy jũme isene exikehpyra mase, jaropyra exiko seromaroro, tamuhpõme exipyra ro jahtao!

Saumu 118:17

Orihpyra exĩko ase; mãpyra isene exĩko ase, imehnõ zurũko ase Ritonõpo Kuesẽkõ nyrityã poko.

Saumu 149:2

Atãkyematoko, Izyraeu tomo, Ritonõpo Oesẽkõ poko. Oseahmatoko, Jerusarẽ põkomo, Otuisarykõ poko.

Saumu 17:13

Osehko, Ritonõpo, Jesemy, atatapoiko jepetõkara maro, toto enahkatohme. Atapemã ke kypynanohko popyra exiketõ wino.

Saumu 18:1

Ritonõpo Jesemy, opyno ase ipunaka! Omoro mase jewomaneme.

Saumu 74:12

Yrome omoro, Ritonõpo, moino ro yna Esẽme mase. Tuhke rokẽ typynanohse ynanexiase oya.

Saumu 90:1

Ritonõpo, yna tapyime mase, moino ro apitorymã poe tarona.

Saumu 90:2

Ypy tõ onyripyra ro awahtao, sero nono onyripyra roropa awahtao, xixi tõkehko, apitorymã poe Ritonõpome mase, jũme exikehpyra mase.

Saumu 93:2

Tuisame oehtoh onytyoromasaromepyra imehnõ mana, jũme mase apitorymã poe.

Izaja 31:1

Popyra ehtoh oehnõko mokaro a, Ejitu pona ytoketõ takorehmapotohkõme! Osepeme ahno maro toexirykõ se mã toto kawaru tõ tuhke nae toexirykõke, kahu tõ tuhke nae roropa toexirykõke, soutatu tõ orẽpyra exiketõ kawaru po ytoketõ nae roropa repe, yrome Izyraeu tõ Esẽ Kurã onenetupuhpyra mã toto, Ritonõpo a atakorehmapopyra mã toto.

Izaja 37:23

Onokyme jekarõko mah ykerekeremaryhtao oya? Onoky poihtõko mexiase? Ritonõpo orẽpyrahxo Exiketyme jekaropyra mexiase, ywy ase Izyraeu tõ Esẽ kurano.

Izaja 37:26

“Otarame zuaro pyra mase moino ro tõsenetupuhse ywy senohne ripory poko, seromaroro morohne tyrise ya rahkene. Ajamitunuru ekaroase oya pata tõ, tapuruse exiketõ, kararahtohme oya.

Izaja 40:28

Zuaro pyra hmatou? Onetapitopyra hmatou sero poko? Kuesẽkõme mã Ritonõpo, jũme exikehpyra Exikety. Tytororo sero nono rihpõme mã ynororo. Etaehpyra mã ynororo, apotũkehpyra roropa; tuaro aexiry onukuhsaromepyra imehnõ mana.

Izaja 43:15

Ywy ase Ritonõpo Oesẽkõ kurano, Orihpõkõme ase, Otuisarykõme ase.

Izaja 49:7

Ritonõpo, Izyraeu tõ Esẽ Kurano, Ipynanohnekõ roropa, ynara ãko typoetory a, tyhtomase aexihpyry a, ise pyra aexihpyry ahno a, pata tõ esẽ namoto a: “Tuisa tõ ajamitunuru enẽko; xikihme owõnõko mã toto: ‘Tuisamehxo Mase,’ katohme. Tuisa tõ poenõ tosekumuru po porohnõko mã toto oẽpataka: ‘Imehxo Mase,’ katohme. Ywy, Ritonõpo, zae rokẽ ase, emero tyrĩko ase jomihpyry ae ro; ywy, Izyraeu tõ Esẽ Kurano, kymenekase ypoetoryme oehtohme.”

Izaja 57:15

“Ywy ase Kapuaono, Ritonõpo Kurano, Jũme isene Exikety, ynara ãko ase: Jesary kae exiketyme mana, osa kurãme mana, yrome jesary roropa mana epyrypara exiketõ esaryme, tyyrypyrykõ poko emynyhmaketõ esaryme roropa, toto akorehmatohme jenetupuhtohme roropa apotũkehpyra toto ritohme roropa.

Jeremia 30:11

Amaro xine exĩko ase opynanohtohkõme. Imeimehnõ nonory enahkapõko ase, emero aaropotopõpyrykõ ya, yrome oenahkara xine ase. Tuãnohsẽme exĩko matose repe; yrome, awãnopyrykohtao ya, zae rokẽ awãnohtorỹko ase; onymotyẽkara ase. Ywy Ritonõpo oturuno.”

Jeremia 4:27

Ynara tykase Ritonõpo: moro nono emero patãpome exĩko mana, yrome emero porehme onenahkapopyra ase.

Jeremia 46:28

Amaro xine exĩko ase opynanohtohkõme. Imeimehnõ nonory põkõ enahkapõko ase emero porehme moro pona taropose matose ya, yrome amarokõ oenahkapopyra exĩko ase. Tuãnohsẽme exĩko matose roropa repe, yrome awãnopyrykohtao ya, zae rokẽ awãnohtorỹko ase; onymotyẽkara ase. Ywy Ritonõpo oturuno.”

Jeremia 5:18

— Yrome ywy, Ritonõpo ynara ãko ase oya xine, morara ahtao ro oenahkapopyra xine ase.

Ramẽtasão 5:19

Omoro, Ritonõpo, tuisame oehtoh jũme exikehpyra mana, ahno poenõ pona te, ipakomotyã ponãmero roropa.

Ezekieu 30:25

Yje! Ejitu tuisary jamihme pyra tyripõko ase, mame Papironia tuisary a yjamitunuru ekarõko ase. Ytapemã ekaroryhtao eya, moro anymyryhtao eya Ejitu winakoxi, zuaro exĩko mã toto emero ywy ase Ritonõpo.

Mikeja 5:2

Ynara ãko Ritonõpo mana: — Perẽ-Epyrata, pata pitiko mase Juta patary tõ rãnao, yrome owino Izyraeu tõ tuisary enehpõko ase, moino ro exiketyme mã ynororo, apitorymã poe.

Apakuke 3:2

Ritonõpo, imehnõ nekarohpyry onyrihpyry poko totase ya, osenuruhkãko ase. Seromaroro morohne tyriko ropa ynaneneryme, pake onyrityã imehxo ehtopõpyry samo. Yna zehno awahtao ro yna pynanohko.

Apakuke 3:6

Totypohse ynororo ahtao, nono tykytyky ãko mana; ahno enẽko mana imeimehnõ nono põkomo, enaromỹke exĩko mã toto. Ypy tõ pake exiketõ kywyh kywyh ãko mã kehko, somohmã epukãko mã kehko, moino ro exiketomo, aytoryhtao moro po, apitorymã poe.

Marakia 3:5

Ritonõpo Jamihmehxo Exikety ynara ãko typoetory tomo a: — Oehnõko ase oya xine ãpiakatohkõme. Eneneme jexiryke jomiry ekarõko ase mokaro hxirotohme, jomiry omipona pyra exiketomo, joroko tõ poko exiketomo te, imepỹ nohpo poko exiketomo te, ajohpe exiketomo erohketõ onepehmara exiketomo, pytỹpo tõ anakorehmara exiketomo, poetõpo tõ roropa, imehnõ nono poe aehtyã anakorehmara exiketõ roropa, juno pyra exiketõ emero.

Marakia 3:6

Ynara ãko Ritonõpo mana: — Ywy ase Ritonõpo. Onytyoromara ase. Morara exiryke amarokomo, Jako pakomotyã onenahkara mexiatose.

Atos 3:14

Yrome aomipona pyra oya xine toxixihmase Jezu, tyyrypyhpykẽ kara. Inetapatahpyry rokẽ mutũtanohpoatose ropa.

Teuteronomiu 32:4

Oewomanekõme Ritonõpo mana; kure kuhse inyrihpyry mana, zae rokẽ rahkene. Anamonohpyra mana, azahkuru pyra roropa mana ipunaka.

Teuteronomiu 33:27

Ritonõpo, Jũme Exikehpyra Exikety, Kuewomanekomo, kuewomatorỹko mana tomary tõ ke. Kuepetõkara aropõko mana kynenerykõme, toto enahkapõko mana kyya xine.

1 Timoteu 6:16

Ynoro rokẽ orihpỹme mana jũme. Saereme konõto esary mana. Xixi motye reh mahna. Imehnõ eya ytosaromepyra mana. Mokyro onenepitopyra sytatose osenepỹme aexiryke. “Kure mokyro mana. Kuesẽkõme mana jũme,” sykatone.

Epereu 13:8

Jezu Kyrixtu etyorõmara mana. Pake aehtopõpyry saaro Jezu ehtoh mana seromaroro. Morara exikehpyra roropa mana. Naeroro onenetupuhkehpyra sehtone.

Apokaripxi 1:11

Ynara nase: — Pape imeroko onenery tõ poko. Mame onymerohpyry aropoko ypoetory tomo a oximõmãkomo a 7me pata tõ pona, toto neneryme, Epezu pona, Eximina pona, Perekamu pona, Tiatira pona, Sarati pona, Pirateupia pona, Raotisea pona, enara.

Apokaripxi 1:8

“Ywy ase Ame, Zme roropa. Apitorymãme, etyhpyrymãme, enara,” ãko Kuesẽkõ Ritonõpo mana. Emero tyriry waro exiketyme ynororo. “Ywy ase seromaroro. Pake exiase. Jũme exikehpyra ase roropa,” ãko mana.

1 Samueu 2:2

Emero motye kurãme Kuesẽkõ mana. Imepỹ pyra mana, ritõ pyra, ewomane pyra. Kuesẽkõ rokẽ Kuewomanekõme mana.