Apakuke 1:11 - Ritonõpo Omiry: A Bíblia Sagrada na língua Aparai do Brasil

¹¹ Mame mya ytõko mã toto tyryrykane samo. Osenepyra ropa exĩko mã toto, Ritonõpo oneahmara mã toto, oseahmãko rokẽ mã toto tyjamitunurukõ pokoino.”

Apakuke 1:11 Iomraidhean Croise

Jo 12:6

Omato kõ torẽtyke pyra mã toto tytapyĩkõ tao, Ritonõpo kerekeremananõ roropa. Ritonõpo oneahmara mã toto; tyjamitunuru rokẽ moĩko mã toto.

Izaja 10:13

Ynara tykase mokyro, Axiria tuisary: “Ywy roro morohne yriase jamihme jexiryke te, tuaro jexiryke roropa, emese kure jexiryke. Imehnõ nonory ehpiry tõ myakãmase, imõkomory tõkehko aroase; pui orutua sã moro põkõ pona tytũtũmase ya.

Jeremia 2:3

Izyraeu tomo, ypoetoryme rokẽ mexiatose, tapiakase mexiatose ymaro rokẽ oehtohme; tiriiku samo, tapoise ahtao esemazupurume ekarotohme ya. Oryhmahpõkõ tuãnohse ya emero porehme, popyra ehtoh enehpoase toto pona. Ywy, Ritonõpo, oturũko ase.”

Jeremia 9:22

Aorihtyã ekepyry epukãko, onokaro ety sã sapararahme typahse ona po, tykyrysã tysahkase ahtao samo mame aepukaryke tynomose apoinanomo a, tonahsemy sã tynomose rokene. Moro Ritonõpo nekarohpyry ya ourutohkõme.”

Tanieu 4:27

Tuisa, etako pahne jomiry: Oorypyry irumekako, zae ehtoh poko rokẽ exiko; imehnõ onyryhmara exiko, tymõkomokãkara akorehmako. Morara awahtao, otarame okynahxo isene exĩko mase torẽtyke pyra, tãkye rokene.

Tanieu 5:20

Yrome imehxo toexiry poko toepyrypase ahtao typoremãkase ropa ynororo Ritonõpo a, putupyra roropa exiryke, imehnõ pyno pyra exiryke roropa. Morara exiryke tuisame pyra tyripose ropa eya.

Apakuke 1:16

Tynekarorykõ ekarõko mã toto tarãpa tomo a, tarãpa tõ eahmãko mã toto oka tõ maro. Morohne pokoino kure otuhnõko mã toto te, tymõkomoke toehse roropa mã toto.