Amoxi 5:2 - Ritonõpo Omiry: A Bíblia Sagrada na língua Aparai do Brasil

² “Izyraeu, oryximãme mase Ritonõpo a, orutua poko exipitopyra exiketyme mase; mepukase, jũme owõpyra ropa mase! Nono po tynomose mase, takorehmaneke pyra mase anỹtohme ropa xikihme!”

Amoxi 5:2 Iomraidhean Croise

2 Tuisa 15:29

Morarame tuisame Peka ahtao Izyraeu tõ esẽme, tuisa Tikirate-Piresea, Axiria esẽ, tooehse pata tõ poremãkapose; Ijõ te, Apeu-Pete-Maaka te, Janoa te, Ketese te, Hazoa te, Kireate nonory te, Karirea maro, Napatari, enara. Mame morotõkõ tarose eya typoetoryme Axiria pona.

2 Tuisa 17:16

Ritonõpo Omihpyry emero omipona pyra toehse toh kynexine, asakoro pui mũkuru panõ metau risẽ tyrise eya xine eahmatohme. Nohpo Asera enetupuhtoh tyrise roropa eya xine. Xirikuato tõ toahmase eya xine, Paau roropa: “Kyneponãmarykõ mose ro,” karyke eya xine.

Izaja 14:21

Imũkuru tõ aorihmapotoko, itamuru tõ popyra ehtopõpyry pokoino, mame tuisame exipyra ekurehnõko mã toto sero nono po, pata tõ onyripyra roropa ekurehnõko mã toto.

Izaja 24:20

Sero nono wazawazame ytõko mana aetymyhpyry samo, kywyh kywyh ãko mana tapyi pitiko samo, tyryrykane jamihme ahtao. Popyra ehtoh poko sero nono põkõ ehtoh omoxinety sã mana; toepukase ahtao owõsaromepyra ropa exĩko mana.

Izaja 3:8

Jerusarẽ tonahkasẽme exĩko, Juta nonory patãpome exĩko mana. Aomirykõ ke, inyrirykõ ke roropa Ritonõpo epemetõkara toehtoh ekarõko mã toto, tyzehno xine Tosẽkõ ripõko mã toto.

Izaja 37:22

ynara ãko Ritonõpo mana: “Pata Jerusarẽ põkõ oeunohnõko mã toto, Senakeripe, opoihtõko roropa mã toto.

Izaja 43:17

Soutatu tõ jamihmãkõ typoremãkase eya, tuhkãkomo, kahu tõ osetapaketõ maro te, kawaru tõ maro. Toepukase toto jũme owõpyra ropa ehtohme; tozehse toto nãparina ezetyry samo!”

Jeremia 14:17

Mame tonyohse ywy Ritonõpo a jemynyhmary ekarotohme ahno a. Ynara ase: “Saereme, koko roropa jenuru tõ poe yxity kuãnõko mana. Yxitakepyry se pyra ase, itamurume wekyry tõ tyyryhmase exiryke, tyhtomase mã toto yronymyryme.

Jeremia 18:13

“Naeroro ywy, Ritonõpo, ynara ãko: Ekaropoko imehnõ nonory põkomo a emero: moro panõ toehse ineneryme? Arypyra, moro panõ exipitopyra mana. Izyraeu tõ nyrihpyry popyra mana ipunaka!

Jeremia 2:27

Ehxirõko mã toto, emero ynara kananõ wewe risemy a: “Omoro mase papame” te, ynara kananõ roropa topu a: “Omoro mase ajame.” Morara exĩko mana, toeramase oexirykõke õparykõ ywinakoxi, oẽmytykõ eramara mexiatose ywinakoxi. Yrome popyra ehtoh toehse ahtao oya xine, oetuarimarykohtao oehnõko ya matose opynanohpotohkõme.

Jeremia 31:4

Izyraeu tomo, oritorỹko ropa ase tynonoke ahnome. Tãporĩ tõ apoĩko ropa matose watohme tãkye oehtohkõke.

Jeremia 4:20

Popyra ehtoh oehnõko kypona xine atakenaka samo. Sero kynonorykõ tytororo tonahkase. Axĩ kytapyĩkõ pahnõko mã toto, ikamisã risẽ toexihkase pisarara mã kehko.

Jeremia 50:32

Omoro, ahno epyrypaketomo, osetapãko mase, epukãko mase, imehnõ ãkorehmara exĩko mã toto owõtohme ropa. Apatary tõ zahkãko ase. Toto zomye exiketõ emero tonahkasẽme exĩko mana.

Jeremia 51:64

Mame ynara kaxiko: “Sero sã exĩko Papironia, nerỹko mana. Jũme onuhpyra ropa exĩko mana, enahkapõko mã Ritonõpo exiryke.” Epo, Jeremia omiry tonahse tarona.

Jeremia 8:4

Mame typoetory tomo a tõturupose Ritonõpo a ya. Ynara tykase ynororo: — Ahno toepukase ahtao owõpyra ropa hnae? Tyetohse osema ahtao eramara ropa hnae?

Jeremia 9:21

Omato sã kuorikyrykõ tomõse osenuhmatoh ae kytapyĩkõ taka, kutuisarykõ tapyĩ konõto taka tomõse; poetohti tonahkase osema tõ ae, nuasemãkõ roropa osepekahtoh tao.

Jeremia 9:9

Naeroro mokaro wãnohnõko ase toto nyrityã emetakame. Moro sã jahtao zae pyra hano oya? Zae pyra hano mokaro wãnopyryhtao ya? Ywy Ritonõpo, oturuno.”

Ramẽtasão 2:13

Pata Jerusarẽ põkomo, nupunato aexihpyry, otara ãko ha ãkorehmatohme? Otãto oemuhkehkapõko hano, Xião põkomo? Imehnõ etuarimapitopyra nexiase asamo. Oporemãkatopõpyry itamurume mana tuna konõto zumohxo ehtoh samo. Opynanohsaromepyra imehnõ mana.

Ozeja 14:1

Izyraeu tomo, osehtoko ropa Ritonõpo Oesẽkomo a! Mepukatose oorypyrykõ poko toehse oexirykõke.

Ozeja 6:2

Taroino asakoro tõmehse ahtao, otarame oseruao tõmehse ahtao kyjamihtanohtorỹko ropa mana, xikihme kuanỹtorỹko ropa mana. Mame aomiry omipona exikehpyra exĩko sytatose.

Amoxi 8:14

Mame mokaro a tõmiry etaporyhtao, Samaria põkõ neponãmary tõ netaryme, ynara kananomo: “Jomiry etapõko ase Tã tõ neponãmary tõ netaryme” te: “Jomiry etapõko ase Peresepa põkõ neponãmary tõ netaryme,” mokaro epukãko mã toto, jũme owõpyra ropa mã toto. Ywy, Oesẽkõ, oturũko ase.

Amoxi 9:11

Ynara ãko Ritonõpo mana: — Moro ẽmepyry toehse ahtao tuisame Tawi ehtopõpyry kurãkãko ropa ase, tapyĩpo aepukahpyry sã toehse exiryke. Irakatopõpyry apuru tõ apuhnõko ropa ase, ikurãkãko ropa ase, tyrĩko ropa ase. Kure exĩko ropa mana osemazuhme aehtopõpyry samo.