Amoxi 4:2 - Ritonõpo Omiry: A Bíblia Sagrada na língua Aparai do Brasil

² Ywy, Ritonõpo Imehxo Exikety, zae jexiryke jomiry etapõko ase oya xine: ẽmepyry oehnõko mana, otywyhmatorỹko mã toto oka tõ ke jarãnaka pata poe; kana sã epara exĩko matose emero porehme.

Amoxi 4:2 Iomraidhean Croise

Saumu 89:35

“Oturuase toiro, jũme onytyorõmara jehtohme; jomiry etapoase Tawi a zae Exiketyme jexiryke, ajohpe exipyra ase eya.

Saumu 89:36

Jũme typakõke exikehpyra exĩko mana, tuisame aehtoh ewomãko ase xixi saereh karyhtao kapu poko.

Izaja 37:29

Turuse ywy yzehno oehtoh poko, imehnõ motye imehxo oehtoh poko oepyrypary poko roropa, naeroro seromaroro oeunary ao oka rĩko ase, õtaka kurimene rĩko ase, kawaru mytaka kurimene riry sã tosẽ omipona ehtohme. Mame aaropõko ropa ase oesemary ae, oehtopõpyry ae ropa.”

Jeremia 16:16

Ynara tykase Ritonõpo: — Kana anỹnanõ enehpõko ase tuhke, mokaro anỹtohme. Imeĩpo urakanaketõ tuhke enehpõko ase mokaro zupitohme ypy tõ po te, somohmã po te, oramã kõ ao topu tõ ao. Ywy, Ritonõpo, oturũko ase.

Ezekieu 29:4

Yrome oka konõto rĩko ase õtary aka. Jomi poe kana tõ osexihnõko mã toto opokona. Otywyhmãko ase tuna Niro kuae nono pona kana tõ maro emero tõsexihse opokona.

Ezekieu 34:16

— Kaneru tõ itahtyã zupĩko ase, tãtapiakase aexityã enehnõko ropa ase, tyyryhmase exiketõ epinohnõko ase, kure pyra exiketõ kurãkãko roropa ase. Yrome mokaro tupune exiketõ, tykasere roropa exiketõ enahkãko ase, kaneru ewomane zae ehtoh poko exiketyme jexiryke.

Ezekieu 38:4

Mokyro eramapõko ropa ase, okaimo rĩko ase eunary poko itywyhmatohme soutatu tõ maro mya rahkene. Kawaru tõ maro, kawaru po ytoketõ maro tupoke kurã ke, tuhke mã toh rahkene. Tõsewomatohke emero mã toto, tytapemake roropa, enara.

Amoxi 6:8

Ritonõpo, Jamihmehxo Exikety a tõmiry totapose, ynara tykase: — Pata Samaria ekarõko ase epetõkara a, emero imõkomorykõ eneryhtao eya xine arõko mã toto. Izyraeu tõ imehnõ motye kure osekarory se pyra ase ipunaka, itapyĩkõ konõto se pyra roropa ase.

Amoxi 8:7

Naeroro Ritonõpo, Izyraeu tõ Esemy ynara ãko, tõmiry etapõko: — Jũme wenikehpyra exĩko ase ypoetory tõ nyrihpyry xihpyry poko.