Amoxi 1:11 - Ritonõpo Omiry: A Bíblia Sagrada na língua Aparai do Brasil

¹¹ Ynara tykase Ritonõpo: — Etõ põkõ iirypyryme toehse itamurume, naeroro toto wãnohnõko ase. Tõsetapase toto takorõ tõ maro, Izyraeu tõ maro, toto pyno pyra, onypynanohpyra roropa toh nexiase. Mokaro zehno Etõ tõ exikehpyra mana, jũme sã toto se pyra toh mana.

Amoxi 1:11 Iomraidhean Croise

2 Koronika 20:10

— Seromaroro yna nonory põkõ maro osetapãko amonita tomo te, moapita tõ maro, etomita tõ maro. Ejitu poe yna tamuru tõ tarose ahtao oya, mokaro nonory pona toto anaropopyra mexine. Naeroro mokaro nonory ehpikuroko rokẽ yna tamuru tõ toytose. Mokaro onenahkara toh kynexine.

2 Koronika 20:11

Seromaroro yna epehmãko mã toto: yna maro osetapãko mã toto yna aropotohme sero nono poe, jũme onekarohpyry yna esaryme.

2 Koronika 28:17

Juta tõ nonory pona tomõpitose ropa Etõ tõ exiryke te, Akaze soutatu tõ typoremãkase eya xine te, soutatu tõ tarose roropa eya xine typoetorykõme.

Saumu 137:7

Ritonõpo, wenikehpyra exiko etomita tõ nyrihpyry poko Jerusarẽ poremãkatopõpyry poko! Wenikehpyra exiko aomihpyrykõ poko: “Pata Jerusarẽ ikararahtoko emapotohme nono pona,” tykase toto.

Saumu 85:5

Jũme yna zehno exikehpyra hma? Zehno oehtoh jũme exikehpyra hnae?

Ekereziaxti 7:9

Imehnõ zehno oehtoh ikuremako. Imehnõ zehno ehtoh putupyra exikety sã mana.

Izaja 57:16

Ypoetory tõ zupokakehnõko ase, jũme pyra toto zehno exĩko ase; toto zehno exikehpyra jahtao orikyry toto, yrome isene ypoetory tõ tyrise ya, toto orikyry enery se pyra jexiryke.

Ozeja 8:3

Yrome kure ehtoh turumekase eya xine, naeroro epetõkara toto ekahmãko mana.

Joeu 3:19

Ejitu turumekasẽme exĩko, ona tonorẽ samo, Etõ patãpome exĩko Juta nonory typoremãkase eya xine exiryke, ahno kurã totapase roropa eya xine exiryke.

Mikeja 7:18

Ritonõpo, imepỹ ritõ pyra mana asã exikety. Opoetory tõ akoĩpyry isene ro exiketõ rypyry tõ korokãko mase. Zehno exikehnõko mase, jũme yna pyno oehtoh enepõko mase yna a.

Zakaria 1:15

Imeimehnõ nonory põkõ poko tohne ase, osewomaketõ poko, torẽtyke pyra exiketõ poko. Ynara exiryke tohne toehse jahtao ypoetory tõ poko, pitiko rokẽ repe itamurumehxo toto tyrohmanohpose eya xine, toto etuarimatohme pitiko rokẽ pyra.

Marakia 1:2

Ritonõpo ynara ãko typoetory tomo a: — Moino ro opyno xine ase, ãko. Yrome ekaropõko mã toto: — Otara enetupuhnõko ynanah, yna pyno oexiry poko? Ynara ãko Ritonõpo mana: — Atakorõme Ezau tõ nexiase Jako maro. Yrome Jako pyno exiase ipoenõ maro, ipakomotyã roropa,

Marakia 1:4

Ezau pakomotyã, etomita tomo ynara karyhtao: “Kypatarykõ tonahkase mã kehko, yrome tyrĩko ropa sytatose.” Ritonõpo Jamihmehxo Exikety toto ezuhnõko mana: “Tyrise ropa ahtao eya xine ipahnõko ropa ase. Mokaro nonory esehpãko imehnõ mana ‘Popyra exiketõ nonoryme,’ te ‘Mokaro zehno exikehpyra Ritonõpo exĩko mana, jũme,’ ” ãko mã toto.

Epezu 5:1

Ritonõpo poenõme oexirykõke, ipoenohtoko. Opyno xine roropa Ritonõpo exiryke ipoenohtoko, isã oehtohkõme.

Teuteronomiu 23:7

— Popyra etomita tõ onyripyra ehtoko oekyrykõme toto exiryke; popyra Ejitu põkõ onyripyra ehtoko inonorykõ po katonõme mexiatose exiryke.