Marko 12:10 - Apurinã NT

¹⁰ Hĩte atatsopatapekari ia Teoso sãkire iõkatsopatakori: Aapokotxi kamakani kona nirekari ãtika kai soro. Iua kai imanirekakiniti kai apiari itxapekaua. Apanakini kai soro maĩkakari itxaua.

Marko 12:10 Iomraidhean Croise

Mateo 12:3

Ininiã Xesosi: —Atxiĩti kona hãtatsopatapanikari Taviini kamakiti imoianariakorikata kitxakapirĩka inatxitakasaakina?

Mateo 19:4

Ininiã Xesosi: —Hĩte imarotapekari ia Teoso sãkire iõkatsopatakori: Kitxakapirĩka merepitipanika ikinipoko Kamakari kamari kãkiti, kiki inini, sito onini apaka ikamari kãkiti.

Mateo 21:16

Ininiã imisãkiretarina Xesosi: —Pikenakotatari ikara amarini akiritakiti? —itxana. —Nikenakotapitikari. Hĩte atatsopatapekari ia Teoso sãkire iõkatsopatakori: Ãtokoriakori, amarini pakini, ninoapeka apaka txariko: “Peerekari iua,” itxanako, itxa Teoso sãkire iõkatsopatakori. Ininiã Teoso sãkire iaõka ninoa kamanãta. Ininiã erekapitikari ninoa akiritakiti —itxa Xesosi.

Mateo 21:42

Ininiã Xesosi: —Hĩte atatsopatapekari ia iõkatsopatakori Teoso sãkire: Kai aapokotxi kamakani kona nirekari ãti kai soro. Iua kai imanirekakiniti kai apiari itxapekaua. Apanakini kai soro maĩkakari itxaua. Teosokara txĩkitakari ikara atoko inini. Ikara peerekari atemoni. Nota hĩtari iaxitikiri iua kai atoko nitxaua. Peerekari Teoso, kotxi nota hĩtari iaxitikiri kãkiti manirekakiniti. Teoso txĩkitakano nota apiananiri nininiãua.

Mateo 22:31

Hĩte !auikari ipĩkani õkitikiniua iuaĩkana auãki inini. Atauako kona hãtatsopatapanikari Teoso sãpiretakiti hĩtemoni? Iara isãpiretai:

Marko 12:26

Hĩte !auikari ipĩkani õkitikiniua. Hĩte atatsopatapekari Moisesi iõkatsopatakiti aanaia tirinakari pirena. Iuasaaki Teoso misãkiretari Moisesi: “Apraão, Isaki, Xakoo pakini Teosonekarano nota,” itxari Moisesimoni.

Marko 12:9

—Ininiã kiripa ikama katakareri? —itxa Xesosi. —Iua kanapiriã. Okanako ninoa kikiakori. Ipaniãtana apanakini itakare imakinetinina ĩkapani —itxa Xesosi.

Marko 13:14

Iuaĩkana Xesosi sãpiretana: —Hĩtikariko Maerekati Apiatakari Teoso misãkiretiko aikoti ãki. Kitxakapirĩka Teoso sãkire sãpiretakari Tanieo inakori sãpiretapekari ikara pirena. (Ininiã hĩte ia atatsopanãtakanii, hĩkenakotariko Xesosi õtãkikiniua.) Maerekati Apiatakari Teoso misãkiretiko aikoti ãki hĩtikasaaki, hĩte Xotéia tõpa auakanii, himitekapoka mitaxiratarimoni.

Marko 2:25

Ininiã Xesosi apakapapiretana: —Kona hãtatsopatapanikari Taviini kamakiti? Iua, imoianariakorikata natxitakasaaki, kona himarotatari ikamakiti?

Arókasi 6:3

Ininiã Xesosi apakapapiretana: —Himarotari Taviini kamakiti kitxakapirĩka, iua imoianariakorikata natxitakasaaki.

Homano 9:33

Teoso sãkire iõkatsopatakori kitxakapirĩkari sãpiretari ia kai pirena. Itxari: Pikenakotariko ia: Nota iokanatakiti kãkitimoni kai atoko itxa. Nitakari iua kai Sião sitatxitiã Xoteoakori kimaporeẽ. Iua kai xika kãkiti mãkitita. Iua kai xika kãkiti irika. Iuaritika iua sãkire auiãkani !ipẽtauata nota apisatoõ.