Makre 7:19 - Tĩrtũm kapẽr ã kagà nyw

¹⁹ Na hte ãm mẽ õhy pix wỳr agjê nẽ gaa nẽ nhãm hapôj nẽ hapêx. Na htem mẽ apkur xà nhỹ hã tanhmã amnhĩ tomnu to hkêt nẽ. Jakamã na hte Tĩrtũm mẽ apkur xà hã mẽ omunh xà hkôt tanhmã mẽ harẽnh to hkêt nẽ. Anẽ. Nhũm pre ã mẽ kãm kapẽr anhỹr o mẽ paxàpkur xà piitã mex ã harẽ. Jakamã na hte Tĩrtũm krajaja àmnhĩx mẽmoj piitã hkur o pa nẽ kãm mẽmoj kur pyma hkêt nẽ. Jakamã nhũm Jejus ã mẽ kãm kapẽr anẽ nẽ mẽ kãm:

Makre 7:19 Iomraidhean Croise

Matêwre 15:17

E pa ixprĩ hã mẽ amã harẽ ka mẽ inhma. Nà na htem mẽmoj ku nhũm hte mẽ hkrã hi hwỳr gjêx kêt nẽ. Na hte mẽ õhy pix wỳr agjê nẽ gaa nẽ nhãm hapôj nẽ hapêx. Na htem mẽ apkur xàja ku nẽ ỹ hã tanhmã amnhĩ tomnu hto hkêt nẽ. Jakamã na hte Tĩrtũm ja hã mẽ omunh xà hkôt tanhmã mẽ harẽnh to hkêt nẽ.

Makre 7:18

Hãmri nhũm mẽ kãm: —Kwa xàn ka mẽ kormã aprĩ hã ja mar mex kêt nẽ? E pa ixprĩ hã mẽ amã harẽ ka mẽ inhma. Nà mẽ apkur xà na hte mẽ hkrã hi kamã mẽ hamaxpẽr wỳr gjêx kêt nẽ.

Rukre 11:41

Kêr ka mẽ tãm ajamaxpẽr o tãm mẽ hipêx o ri apa. Nẽ axàmnhĩx ri mẽ kêp amrakati xwỳnhjê mã mẽmoj nhõr o ri apa. Kot kaj mẽ ã amnhĩ nhĩpêx anẽ hãmri nhũm Tĩrtũm ja hã mẽ apumu nẽ amnhĩm mẽ amex ã mẽ ajarẽ. No na ka htem mẽ amã mẽ amnhĩ to mex prãm xàj tee ri amnhĩ kuhõnh japjê kaprỳ. Anẽ.

Atre 10:15

Hãmri nhũm Tĩrtũm kãm: —Nà kot anhỹr tã kot paj pam amã mẽmoj jarẽ ka kamã anhõkre kahak kêt nẽ. Mãmrĩ amnhĩm hõ kapi nẽ apĩ nẽ ho anẽ nẽ axàmnhĩx hkwỳ hkre. Anẽ.

Atre 11:9

Nhũm inhmã: “Nà nom kot anhỹr tãã. Kot paj pam amã mẽmoj jarẽ ka kamã anhõkre kahak kêt nẽ. Jakamã e mãmrĩ amnhĩm hõ kapi nẽ apĩ nẽ ho anẽ nẽ axàmnhĩx hkwỳ hkrẽ.” Anẽ.

Wam Korĩt 6:13

Nẽ na htem amnhĩ jarẽnh o: —Nà kot paj inhmã prãm nẽ mãmrĩ mẽmoj ku. Nẽ inhmã nhãm mẽhõ kamã ixpijaàm kêt prãm nẽ mãmrĩ ã amnhĩ nhĩpêx anẽ. Ja tanhmã inhmã kute hkêt. Anẽ. Tã koja nhỹrmã Tĩrtũm mẽ panhĩja o hapêx pa. Na pre mẽ pahte nhãm mẽ kamã pahpijaàm kêt o papa kaxyw mẽ panhĩpêx kêt nẽ. Ãm mẽ pahte mẽ panhĩpêx xwỳnh maatija mã tanhmã amnhĩ nhĩpêx mex to ho papa pix kaxyw na pre mẽ panhĩpêx.

Korosẽ 2:16

Nẽ koja mẽmojaja mẽ awỳr mra nẽ tee ri mẽ ate mẽmoj kur o akrĩ hã mẽ apumu nẽ mẽ amã: —Kwa na hte Tĩrtũm kôt mẽ kot amnhĩ xunhwỳr xwỳnhjaja ja kur kêt nẽ. Nẽ ja ho hkõm kêt nẽ. Nẽ mẽ panhõ arĩgromnu pê sap ã ri mẽmoj tã àpênh kêt nẽ. Nẽ mytwrỳ nyw ã mẽmoj tã àpênh kêt nẽ. Na htem ã Tĩrtũm ã hkĩnh o pa anẽ. Tã ã mẽ ate mẽ ixkôt amnhĩ nhĩpêx anhỹr kêt jakamã mãn mẽ apê Tĩrtũm kra hkêt nà. Anẽ. Tã nom kêr ka mẽ kapẽr ma nẽ ãm ama.