Makre 4:37 - Tĩrtũm kapẽr ã kagà nyw

^37-38 Nhũm Jejus ra õtxwa nẽ tẽ nẽ pàr kre kamã hkrã japar xà hã hkrã xi nẽ ra õt tỳx nẽ nõ. Nhũm kôk àpêr tỳx nẽ nhũm gô kànhmã harĩ nẽ axpẽn tak. Ra ri xatã axpẽn tak nẽ pàr kre kamã axkapĩ nhũm ra mẽ kêp àr o mõ. Hãmri nhũm mẽ tee ri amnhĩ nhĩpêx nẽ tee ri amnhĩ kukamã hamaxpẽr nẽ Jejus wỳr hprõt nẽ kumra nẽ kãm: —Kwa kànhmã nhỹ Pahihti. Kot puj mẽ jarãhã pahtyk pa. Anẽ.

Makre 4:37 Iomraidhean Croise

Makre 4:36

Anẽ hãmri nẽ mẽ kot mar o hkrĩ xwỳnhjê re nẽ pàr mã agjê nẽ ma xarmã mõ. Garirej rũm kato nẽ ma xarmã pika hõ hwỳr mõ. Nhũm pàr kwỳja ma mẽ hkôt mõ.

Atre 27:41

Nom nhũm pàr kormã hakàx pê awry hã mõr ri amnhĩ to kokwe kura nẽ pyka nhĩmõk ã nõ nhũm mẽ tee ri kot hkaxàr nẽ akupỹm gô xupỳm mã mẽnh kaxyw. Nom nhũm gô kot pàr nhĩxô htak tỳx kurê nhũm mẽ ixpê pikrakrak par o mõ.

Sikũn Korĩt 11:25

Nẽ na prem ra mẽ kot ixpĩr kaxyw nẽ kẽn rũnh kwỳ jamỳ nẽ ho ixtak o kuhê. Nẽ Rõm nhõ xwỳnhjaja haxwỳja pĩ ho ixtak rax kumrẽx. Ã inhĩpêx anhỹr o axkrunẽpxi. Nẽ na pa pre hte gô xujanãr kãm nhỹhỹm Jejus jarẽnh o ri ixpa kaxyw pàr kãm mẽ hwỳr ixpa nhũm pàrja tanhmã amnhĩ to nẽ agjê. Kritpêm nhỹx pre hte gôja ixpĩ. Pa pre ã amnhĩ nhĩpêx anhỹr o axkrut. Tã arĩgro hõ hã kê axte pàr õ mã axà nẽ ma axte krĩ hõ hwỳr mõ. Nhũm kê pàrta axte mẽ ixpê axà nhũm gôja nhỹx kê axte ixpĩ. Pa pàr jakà hã kumỳ nẽ hã ijêt o amỹkry. Nẽ ho apkati. Tã nhũm nhỹhỹnh pàr õja mõ nhũm kamã mẽ mõr xwỳnhjaja ixpumu nẽ ixwỳr pàr o mõ nẽ amnhĩ wỳr ixto api nẽ ma amnhĩ kôt ixto mõ.