Makre 10:4 - Tĩrtũm kapẽr ã kagà nyw

⁴ Nhũm mẽ kãm: —Nà na pre harẽnh o: Kêr ka mẽ aprõ kaga kaxyw hãmri nẽ ate hkaga hã amnhĩ jarẽnh ã kagà nẽ kãm agõ nẽ rĩ kormã hkaga. Anẽ. Na pre ã mẽ inhmã ja hã karõ anẽ. Anẽ.

Makre 10:4 Iomraidhean Croise

Matêwre 1:19

Hãmri nhũm Jujeja harẽnh ma nẽ tee ri hamaxpẽr nẽ htỳx nhãm mẽhõ kot kêp htu hã hkamnhĩx. Juje kot tãm amnhĩ nhĩpêx nẽ tãm hamaxpẽr jakamã tee ri kot ho hprõ hkukamã hamaxpẽr. Nẽ hamaxpẽr o: —Nà pa mãn ixte hture hã. Nhãm mẽhõ ra kot ã hipêx anhỹr kênã. Nà kot paj ho ixprõ hkêt nẽ. Nom kot paj ixkwỳjê mã ã kot amnhĩ nhĩpêx anhỹr o amnhĩrĩt kêt nẽ. Kot paj anẽ nhũm mẽ kuma nẽ ho kapẽr punuj nhũm amnhĩ kamã hpijaàm tỳx nẽ. Ja pymaj kot paj ixkatàt kôt hkaga kurê kumrẽx. Nom ixkwỳjê hkàx ã hkaga. Anẽ.

Matêwre 19:7

Hãmri nhũm mẽ kuma nẽ kãm: —Tỳ. Nom finat Mojes na pre mẽ pakukamã mẽ panhĩgêtjê mã ã ja hã karõ anẽ nẽ mẽ kãm: Kot kaj mẽ aprõ kaga kaxyw hãmri nẽ ra kêp aprõ hkêt ã hã kagà nhĩpêx nẽ kãm agõ nẽ amnhĩ nê hano kê ma tẽ. —Anhỹr o na pre mẽ kãm hã karõ. Tã ka na ka mẽ ixte axpẽn kaga hkêt ã mẽ inhmã karõ. Anẽ.

Makre 10:3

Hãmri nhũm mẽ kãm: —Tanhmã na pre Mojes Tĩrtũm nhỹ hã ja hã mẽ amã karõ hto? Anẽ.