Apokarip 8:7 - Tĩrtũm kapẽr ã kagà nyw

⁷ Jakamã nhũm wamta õ pifti kakô nhũm na mê te kot jêr krã jakot pyràk xwỳnh mẽ kuwy te kot mẽmo kamrô kamrêk pyràk xwỳnhta pikap rôrôk pa. Nẽ nhỹhỹnh pika hkwỳ ho rax nẽ ho kaxàr pa. Nẽ põti nẽ akunĩ hkwỳ ho rax kumrẽx nẽ ho kaxàr pa.

Apokarip 8:7 Iomraidhean Croise

Wam Pêtre 1:24

Kapẽr ã kagà htũm kot ja jarẽnh kot: Pika piitã hkôt mẽ pa xwỳnhjaja te mẽ kot põti grà pyràk. Nẽ mẽ kot amnhĩ to mex xàja te kot kapôt ã pixôrã pyràk. Na hte põti tokyx grà nẽ hapêx. Nẽ pixôrãja haxwỳja arĩgro htỳx mẽ nhũm grà tokyx anẽ nẽ rarak pa nẽ hapêx.

Apokarip 12:4

Tã nhũm hamy ho apêr o kaxkwa kamã kanhêti ho ohtô nẽ pikap kurẽ. Hãmri nẽ õhy xà nẽ amnhĩ kamnhêr o ãm xwỳnhta wỳr tẽ nẽ hkra kator nhũm kot kêp krẽr kaxyw kutã hamãr o nõ.

Apokarip 16:2

Hãmri nhũm mẽ kuma nẽ axpẽn pãnhã mẽ hwỳr wrỳ. Nhũm wamta kumrẽx pika piitã hkôt mẽ homnu xàta kapĩ. Pu nhũm mẽ kot mrymnuti mẽ õ sãnti wa kãm mex ã harẽnh nẽ amnhĩ tã wa hixi jaxwỳr xwỳnh piitã hkànhy hpa nẽ à htỳx kumrẽx nẽ ri pa.

Apokarip 16:21

Nẽ na mê pê jêr krã jakootija mẽ piitã mẽ hipy rôrôk. No ãm hkrã hkryre hkêt hkrã rũnh kumrẽx. Ãm hpỹnh nẽ kamã kêp 40 kir nẽ mẽ hã rôrôk nhũm mẽ tee ri amnhĩ tã ã omu nẽ Tĩrtũm kamã gryk tỳx nẽ haprỳ nẽ ho kapẽr punuj nẽ.

Apokarip 6:8

Hãmri nhũm kawar ràrààre mẽ hwỳr hpôx o tẽ. Nhũm mẽhõ hã nhỹ nẽ tẽ. Hã ỹr xwỳnh nhĩxi na pre kêp “Mẽhtyk” anẽ. Hãmri nhũm mẽhõja kãm kapẽr nẽ kãm: —E ma pika hwỳr wrỳ nẽ tanhmã mẽ ho kê mẽ ohtô nẽ tanhmã amnhĩ to nẽ axkaprã. Kê mẽ hkwỳjaja pijapu kamã axpẽn pa nẽ mẽ hkwỳjaja prãm xàj ty nẽ mẽ hkwỳjaja tanhmã à htỳx kute kamã ty. Nẽ mẽmo mry xoprêja mẽ hkwỳjê pa. E ma mẽ hwỳr wrỳ nẽ tanhmã mẽ ho ho apa. Anẽ. Hãmri nhũm kuma nẽ hakẽx nẽ ma pika hwỳr tẽn wrỳ. Hãmri nhũm mẽ htykjê papxàja tanhmã amnhĩ to nẽ te kot hã jêt nẽ ma hkôt mõr nẽ pika hwỳr wrỳk pyràk pa pre arĩ omunh o xa.

Apokarip 7:1

Tã pa arĩ kaxkwa kamã mẽmoj pumu. Nhũm Tĩrtũm kapẽr o mẽ wrỳk xwỳnh pê kwatja piitã ahpỹnhã pika nhĩtep xà hkôt kôk jatur xà hã hamỳ nẽ ho kuhê. Pika piitã hkôt kôk hpinhkrênh par nẽ àpêr kêt nẽ gô xujanãr kôt àpêr kêt kaxyw hatur xà hã hamỳ nẽ ho kuhê. Nẽ pà piitã hkôt àpêr nẽ tanhmã pĩ hkwỳ ho pymaj nhũm mẽ ã amnhĩ nhĩpêx anẽ nẽ nê hatur xà hã hamỳ nẽ ho kuhê.

Apokarip 9:15

Na pre ra Tĩrtũm mẽ kot mẽ hkwỳjê nhĩmex o pa kaxyw mẽ kurê nẽ gô mỳ ri mẽ unhwỳ nhũm mẽ kormã mẽ hpar xà hã arĩgro jamãr o hkrĩ. Jakamã nhũm ã pifti kakôr xwỳnhta mã mẽ harẽnh anẽ nhũm kuma nẽ ma tẽ nẽ mẽ hwỳr wrỳ nẽ mẽ kãm mẽ hpa hpre xà hpôt pa. Hãmri nhũm mẽ ma pika piitã hkôt ri mẽ hpar o mẽ hkôt pa. Nẽ mẽ ho ohtô rax kumrẽx nẽ mẽ himex.

Apokarip 9:18

Nẽ kawarti jamy axtem te kêp kagã xoprê hkrã pyràk nhũm mẽ hamy ho mẽ hkamnhar o mẽ kupa. Nẽ mẽ hakwa rũm kuwy hkũm mẽ kuwy hpôk mẽ ẽsôfti hapôx xwỳnhta mã mẽ ho anẽ nẽ. Jakamã nhũm kawartijaja mẽ hkôt ri hamy mẽ hakwa ho mẽ hpar o pa nẽ mẽ ohtô rax kumrẽx nẽ mẽ himex.