Apokarip 21:10 - Tĩrtũm kapẽr ã kagà nyw

¹⁰ Hãmri nhũm Tĩrtũm Karõ tanhmã ixto pa ma kot inhmã kapẽr xwỳnhta kôt tẽ nhũm ma ixto mõ nẽ kẽn krã hprêêti hwỳr ixto api nẽ himõk ã ixãm. Pa Tĩrtũm nhõ krĩ mex pê Jerujarẽ nywja pumunh o xa. Nhũm mex o mex. Ãm hãmri te mjên mã xwỳnh kot ê mex jaxàr nẽ amnhĩ to muxre nẽ mjên wỳr htẽm pyrà nẽ ahpar mã wrỳk o mõ pa ixprĩ hã omu.

Apokarip 21:10 Iomraidhean Croise

Atre 8:39

Hãmri nẽ wa akupỹm api nhũm Tĩrtũm Karõ Firipti mỳ nẽ ma nhỹhỹm o mõ nhũm Exiop nhõ xwỳnhja axte omunh kêt nẽ. Hãmri nẽ ma akupỹm papxà hwỳr mõ. Ra kot Jejus kôt amnhĩ xãm jakamã hkĩnh nẽ ma akupỹm mõ.

Karatas 4:26

Nẽ hapu hã Tĩrtũm kapẽrta. Apraãw prõ kumrẽx Saraja te kêp kaxkwa kamã Jerujarẽ õja pyràk. Krĩ ja kamã mẽ pa mã xwỳnhjaja te mẽ kêp mẽ kãm mẽ àpênh xwỳnhjê pyràk kêt. Ra mẽ kot amnhĩ kaxyw Kris mã hamaxpẽr nẽ hkôt amnhĩ xunhwỳr jakamã na htem hamaxpẽr o: —Ixte amnhĩ kaxyw Kris mã ijamaxpẽr nẽ hkôt amnhĩ xãm jakamã na Tĩrtũm ixpumu nẽ amnhĩm inhmex ã ijarẽ nẽ ixto hkra. Anẽ. Ãm hãmri na mẽ ã wamtajê rom hamaxpẽr anẽ. Tã ã mẽ hamaxpẽr anhỹr xwỳnhjaja te mẽ kêp Sara hkra pyràk.

Apokarip 1:10

Tã nhũm tômĩk pa Tĩrtũm mã amnhĩ jarẽnh o nhỹ. Hãmri nhũm Karõ tanhmã ixkrã hto pa te ixpimtir kãm mẽmoj pumunh pyrà nẽ amnhĩ katut kôt mẽhõ kapẽr ma. Te kot pifti kakôr tỳx pyràk pa kuma.

Apokarip 11:2

—No ixkre kapem pikaja ka ho mĩdi hkêt nẽ. Ra Tĩrtũm kot mẽ kot amnhĩ tomnuj xwỳnhjê mã hkaga jakamã koja mẽ htỳx ri kãm hprãm xà hkôt tanhmã homnu hto ho pa. Nẽ Jerujarẽ piitã hkôt ri homnu ho paja ã hã amgrà axkrunẽpxi nẽ hkôt mytwrỳ kêp 6.

Apokarip 17:3

Hãmri nhũm Tĩrtũm Karõ tanhmã ixto nhũm kapẽr o wrỳk xwỳnhja ma kapôt wỳr ixto mõ pa kapôt ã mrymnuti hkrã kêp 7 nẽ kamã hpàr kêp 10 xwỳnhta pumu nhũm hkamrêêti nẽ xa. Nẽ ĩ piitã hã tanhmã Tĩrtũm o kapẽr punuj to hã kagà. Nhũm katut ã mẽhõ ni kuprỳta nhỹ. Mẽ ho amnhĩptàr xwỳnh ã mẽ ê kakrã htyk nẽ hkamrêk o hkukàr jaxà nẽ hã nhỹ. Nẽ ôr o õkrexê. Nẽ ôr o hinwỳỳxê nẽ ĩhkra kamã kàx. Ãm ôr pix o hikukrêx. Nẽ kẽn mex karỳr pix o amnhĩ jamrêx. Nẽ ôr o kopti hõ py nẽ hã nhỹ. Kopti kamã ni kuprỳ kot amnhĩ tomnuj xà. Ãm kot mẽ kêp mẽ mjên o amnhĩkati ho pa xà pix nhũm kupy nẽ o nhỹ.

Apokarip 21:2

Hãmri nhũm Tĩrtũm nhõ krĩ mex pê Jerujarẽ nywja tanhmã amnhĩ to nẽ pika nyw wỳr wrỳk o mõ. Krĩja mex kumrẽx. Mex o mex. Te mjên mã xwỳnh ê mex jaxàr nẽ amnhĩ to muxre nẽ mjên wỳr htẽm pyrà nẽ pika nyw wỳr mex kumrẽx nẽ wrỳk o mõ.

Apokarip 3:12

Nẽ kot kaj mẽ kot amnhĩ tomnuj xwỳnhjê kutã amnhĩ to htỳx nẽ inhmã hprãm xà hkôt pix mã amnhĩ nhĩpêx rãhã ty. Hã kot paj amnhĩ kôt mẽ ato mẽ axihtỳx nẽ ka mẽ aa ixkaga hkêt nẽ. Nẽ kot paj nhỹhỹnh mẽ atã mẽ inhĩxi ho axkrunẽpxi nẽ haxwỳ. Inhĩpêêxà nhĩxi nẽ inhĩxi nyw nẽ Inhĩpêêxà nhõ krĩ nhĩxija kot paj nhỹhỹnh mẽ atã haxwỳ. Tĩrtũm nhõ krĩ mẽ kot kãm: “Jerujarẽ nyw” anhỹr xwỳnhta koja nhỹrmã tanhmã amnhĩ to nẽ ra kaxkwa rũm pika wỳr wrỳ.

Apokarip 4:2

Hãmri nhũm Tĩrtũm Karõ tanhmã ixto nẽ ixto api pa kaxkwa kamã mẽmoj pumunh o xa. Tĩrtũm kot mẽ ho amnhĩptàr ã hkrĩ xà maatita pa pre omu. Nhũm kamã mẽhõja nhỹ.