Apokarip 18:4 - Tĩrtũm kapẽr ã kagà nyw

⁴ Hãmri nhũm Tĩrtũm Papirõn kamã hkrajê mã kapẽr nẽ mẽ kãm: E mẽ tokyx mẽ kot ri htỳx amnhĩ nhĩpêx xwỳnhjê nhõ krĩta rũm ajapôj ixkrajaja. Kot kaj mẽ anhỹr kêt nẽ ra mẽ hkôt amnhĩ nhĩpêx pa mẽ ato apimrààtã mẽ ate amnhĩ tomnuj ã mẽ atomnuj tỳx nẽ.

Apokarip 18:4 Iomraidhean Croise

Sikũn Korĩt 6:17

ã Tĩrtũm xihtỳx xwỳnhja kot amnhĩ jarẽnh anhỹr jakamã na hte mẽ kot amnhĩ tomnuj xwỳnhjê nê mẽ pahkurê ho: Kêr ka mẽ hkôt ri apa hkêt nẽ. Kwarĩ ho kwarĩ. Nẽ mẽ hkôt ri amnhĩ nhĩpêx o apa hkêt nẽ. Kot kaj mẽ ixkapẽr ma nẽ ixkôt amnhĩ nhĩpêx hã kot paj amnhĩ wỳr mẽ awỳ nẽ mẽ ato ixkra. Nẽ pa kot paj ixpê Mẽapãm maati. Anẽ.

Wam Ximotre 5:22

Nẽ kêr ka anojarêt kãm mẽ kot Tĩrtũm mã tanhmã amnhĩ nhĩpêx to ho mẽ pa kaxyw mẽ unhwỳr kêt nẽ. Aprĩ hã tanhmã mẽ kot amnhĩ nhĩpêx ã hã mẽ omu nẽ mẽ hkapi nẽ rĩ kormã mẽ unhwỳ rỳ tee ri mẽmoj tã mẽ omu nẽ mẽ hkaga. Nẽ koja mẽhõ tanhmã amnhĩ tomnuj to ka ja hã omu rỳ harẽnh ma hãmri nẽ uràk nẽ ã amnhĩ nhĩpêx anhỹr kêt nẽ. Arĩ Tĩrtũm kôt amnhĩ nhĩpêx pê tãm ri amnhĩ nhĩpêx pix o apa.

Sikũn Juãw 1:11

No kot kaj mẽ ã mẽ hipêx anhỹr kêt nẽ mẽ hwỳr mra nẽ mẽ mar o akuhê hãmri nẽ te mẽ ate mẽ hkôt amnhĩ nhĩpêx o amnhĩ nhĩpêx pyràk. Ja pumaj kêr ka mẽ nhỹri mẽ omu nẽ mẽ htêp kêt kumrẽx.