Apokarip 17:9 - Tĩrtũm kapẽr ã kagà nyw

⁹ —Kwa inhma nẽ jam ajamaxpẽr tỳx nẽ. Mrymnuti krã pê 7ta te kêp hixêt prêk pê 7 pyrà nẽ hã ỹr xwỳnh ni kuprỳta te hixêt prêk pê 7ta ã ỹr pyràk.

Apokarip 17:9 Iomraidhean Croise

Matêwre 13:11

Hãmri nhũm mẽ inhmã: —Tôe. Nà kot paj mẽ amã harẽ. Tĩrtũm kãm mẽ ate aprĩ hã mar prãm jakamã kot paj ixprĩ hã mẽ amã harẽ. Mẽ kot amnhĩ tomnuj kaga nhũm Tĩrtũm kot ja hã mẽ omunh nẽ mẽ ho hkra. Ja na pa harẽ. No mũjjaja mẽ akĩnhã kãm ja mar prãm kêt jakamã na htem ixujarẽnhja ma nẽ ãm kuma nẽ htỳx ri pa.

Matêwre 24:15

Nhũm Jejus arĩ mẽmoj kukamã mẽ inhmã kapẽr nẽ mẽ inhmã: —Amnepêm Tĩrtũm nhỹ hã kapẽr xwỳnh finat Tãnĩewja na pre tanhmã mẽ atomnuj tỳx xwỳnh maatija jarẽnh to. Tã koja nhỹrmã ra kot harẽnh xà hkôt axtem nẽ Tĩrtũm mã amnhĩ jarẽnh xà hã ixkre hwỳr axà nẽ Tĩrtũm xãm xà kamã xa. Ka mẽ ja hã omu hãmri nẽ mẽ kot krĩ grành par ã hkamnhĩx kurê kumrẽx.

Apokarip 13:1

Tã pa axte mẽmoj pumu. Nhũm gô xujanãr rũm Satanasti nhõ kôwenatôjê hõja te mrymnuti pyrà nẽ àpir o mõ. Kagãmnuti pyrà nẽ hkrã kêp 7. Nẽ uràk nẽ hpàr kêp 10. Nẽ hpàr piitã kamã pahi hã mẽ ahkà. Nẽ ahkà piitã hã axtem tanhmã Tĩrtũm o kapẽr punuj to nẽ tanhmã haprỳ hto hã kagàja hikwỹ.

Apokarip 13:18

E kwa kêr ka mẽ ixte mẽmoj pumunh nẽ mẽ amã hã kagàta pumu nẽ ama nẽ kãm ajamaxpẽr tỳx o apa. Mrymnutita nhĩxi na kêp nũm. Nũmja kêp 666. E kaj mẽ akrã hi mex xwỳnhjaja kot kaj mẽ aprĩ hã ja mar tỳx kurê kumrẽx.

Apokarip 17:18

—Nẽ ate mẽhõ ni kuprỳ pumunh xwỳnhta te kêp krĩ rax pê Papirõn nhõ xwỳnhjê pyràk. Nẽ mẽ ho amnhĩptàr xwỳnhja pika piitã hkôt mẽ ho amnhĩptàr xwỳnhjê hkrãhtũm na. Anẽ. Ã Tĩrtũm kapẽr o mẽ wrỳk xwỳnhja inhmã mẽ harẽnh anẽ. Pa kuma nẽ ô ri mẽ amã hã kagà. Mẽ ate kamã harẽnh nẽ aprĩ hã mar tỳx kaxyw.

Apokarip 17:3

Hãmri nhũm Tĩrtũm Karõ tanhmã ixto nhũm kapẽr o wrỳk xwỳnhja ma kapôt wỳr ixto mõ pa kapôt ã mrymnuti hkrã kêp 7 nẽ kamã hpàr kêp 10 xwỳnhta pumu nhũm hkamrêêti nẽ xa. Nẽ ĩ piitã hã tanhmã Tĩrtũm o kapẽr punuj to hã kagà. Nhũm katut ã mẽhõ ni kuprỳta nhỹ. Mẽ ho amnhĩptàr xwỳnh ã mẽ ê kakrã htyk nẽ hkamrêk o hkukàr jaxà nẽ hã nhỹ. Nẽ ôr o õkrexê. Nẽ ôr o hinwỳỳxê nẽ ĩhkra kamã kàx. Ãm ôr pix o hikukrêx. Nẽ kẽn mex karỳr pix o amnhĩ jamrêx. Nẽ ôr o kopti hõ py nẽ hã nhỹ. Kopti kamã ni kuprỳ kot amnhĩ tomnuj xà. Ãm kot mẽ kêp mẽ mjên o amnhĩkati ho pa xà pix nhũm kupy nẽ o nhỹ.

Apokarip 17:7

Hãmri nhũm Tĩrtũm kapẽr o wrỳk xwỳnhja inhmã: —Kwa mon ka ri ja pumu nẽ tee ri ajamaxpẽr? E kot paj ixprĩ hã amã harẽ ka inhma. Niti mẽ hã ỹr xwỳnh pê mrymnutita. Krã pê 7 nẽ kamã hpàr pê 10 xwỳnhta kot paj ixprĩ hã amã hamẽ wa harẽ ka wa harẽnh ma.