DALEK TERABA NON JISAS KRAES JON TEULU 3:2 - Gospels of Mark and John in Apma

² Mapma ben Jisas bung bi bep mini nuhu, “Subu, kam maililngi nuhu kobi sesesrakan niah God tesro kik. Aji bat ba leli ililnan rowok tegol nga niah kom leli tigoah God bat ba beji tenga.”

DALEK TERABA NON JISAS KRAES JON TEULU 3:2 Iomraidhean Croise

DALEK TERABA NON JISAS KRAES MAK TEULU 12:14

Rat tepma ben bi ram uhleli ini nuhu, “Sesesrakan, kamaililngi goah kobi aji mwetaknga. Kot bamtakte aji nga, bi kot ba vihni tenga nuhu aji bi aji kawu io tebaite ni kawu nga. Bi kom sesra tarutni i apma ah mwetaknga niah God modoni. Kam uhleli i kik, tewoswos le nondo Temwat u goah tama kele takis mini Sisa, aji kawunan vini ah Rom io tebu?”

DALEK TERABA NON JISAS KRAES JON TEULU 1:38

Jisas tekit bukak ba mwigita goah ramru ban jukun bi muhleli i nuru nuhu, “Kamuru dongvi apma?” Ba ramru bep mini nuhu, “Komdok ibeh, Rabae?” Meramnan nuhu “Sesesrakan”.

DALEK TERABA NON JISAS KRAES JON TEULU 10:38

Ba tigoah nan leli uman non Tadat ba masen ah kat ba vihnite mwetaknga nak nga ba ka bat vihni mwetaknga nan uman ah nam leli metan go ka bat teililngi luhmwi nuhu Tadat modok le nana, bi nam dok le Tadat.”

DALEK TERABA NON JISAS KRAES JON TEULU 12:37

Tei masen ah Jisas te leli ililnan rowok tegol ni nong dobo le birin meta, ba rat ba vihni te mwetaknga nan nga.

DALEK TERABA NON JISAS KRAES JON TEULU 14:10

Ko vihni mwetaknganan, Pilip, nagoah namdok le Tadat bi Tadat modok le nana. Dalekte ah nambep mini gimi ba tebaite dalekt nga ba dalen Tadat niah modok le nana, niah mweleli non uman.

DALEK TERABA NON JISAS KRAES JON TEULU 15:24

Tigoah nambat ba leli bwerabwera uman ni nga nanong le mase niah aji tebado leltenga ba rabatbai ajinan kapmwaan nga, ba nannga ba rat kita apma ah nat leli bi rat kitriani nana bi Tadat uru.

DALEK TERABA NON JISAS KRAES JON TEULU 2:11

Jisas teleli vawonan non ililnan rowok tetkol ni nong li vini ah Kena niah Galili. Tei iginan ba tesesra non meresan bi non tarutni rat vihni mwetaknga nan.

DALEK TERABA NON JISAS KRAES JON TEULU 20:16

Jisas bep mini nuhu, “Meri.” Meri mwe garabukak bi bep mini li dalen at Isrel nuhu, “Raboni.” Meramnan vehuran nong nuhu, “Sesesrakan.”

DALEK TERABA NON JISAS KRAES JON TEULU 3:26

Tarut non Jon ra ban ben bi ra bep mini nuhu, “Sesesrakan, ko bihni aji nge ah tedi bem almaun sileng ah Jodan. Aji ah kot top rorop ini? Nanong ba aji sera nae ra ban bi mwi lehvi ni.”

DALEK TERABA NON JISAS KRAES JON TEULU 4:31

Tarut non Jisas ram uhleli ini nuhu, “Sesesrakan, ko kante apma sibah!”

DALEK TERABA NON JISAS KRAES JON TEULU 5:36

Ba aji tedok ah mo doptop nokok niah non toptowan tesasviri Jon ngate. Topnan nok uman niah Tadat telngi mini nana noh nan leli. Uman ni nanong ba ram doptop nokok, bi ram sesra nuhu, Tadat tesro nana.

DALEK TERABA NON JISAS KRAES JON TEULU 6:2

Tarutmumu rat tahkuru gonani rat kita illnan rowok tegol ah te leli, niah tevamesa goah rat ras.

DALEK TERABA NON JISAS KRAES JON TEULU 7:31

Sesnan tarutni rei goah ratti rat vihni mwetaknga nan, ra bep nuhu, “Entorah Kraes man nepma, ba man mu skani rowok tegol ngate vali goi aji ahe mwe leli?”

DALEK TERABA NON JISAS KRAES JON TEULU 9:16

Datngin aji nan goah rat wuhu Temwat ni ra bep nuhu, “Aji nong ba teba sipma tenga ben God, gonani tebatpe temwat nga ah mwi di u ren ah Sabat.” Datngin ra bep nuhu, “Gavak nagoah aji ah bibi aji nan kapmwaan man leli ililnan rowok tedapmak go ahe?” Te gam leli sabwaren le mase.