DALEK TERABA NON JISAS KRAES JON TEULU 2:11 - Gospels of Mark and John in Apma

¹¹ Jisas teleli vawonan non ililnan rowok tetkol ni nong li vini ah Kena niah Galili. Tei iginan ba tesesra non meresan bi non tarutni rat vihni mwetaknga nan.

DALEK TERABA NON JISAS KRAES JON TEULU 2:11 Iomraidhean Croise

DALEK TERABA NON JISAS KRAES JON TEULU 1:14

Vehuran nanong tegamu dok i aji mwetak bi tedok sosok masede. Tat kita non meresan, gonani tewewe lip i kabisan bi mwetaknga. Non meresan niah teskak mini, gonani tei ni nante niah tei Teman ah God.

DALEK TERABA NON JISAS KRAES JON TEULU 1:17

God teskani Temwat mini gema li Moses ba kabisan bi mwetaknga ba tepma li Jisas Kraes.

DALEK TERABA NON JISAS KRAES JON TEULU 1:43

Tei le ren go ba Jisas bihni nuhu nema van Galili tevan iginan ba butdihi Pilip. Jisas bep mini nuhu, “Ko dahkuru nana.”

DALEK TERABA NON JISAS KRAES JON TEULU 1:50

Jisas bep mini nuhu, “Ko bihni mwetaknganan nge gonani nambep mini kik nuhu, ‘Nat kita kik nge entorah kot sadok dobo van bujun fig’? Kon gita apma kawu ngate vali goi kot kita nong.”

DALEK TERABA NON JISAS KRAES JON TEULU 10:41

Tarutmumu rat tepma ben bi ra bep nuhu, “Jon teba lelte illilnan rowok tegol ba leut sera ah te vep vanokon ba mwetaknga sera.”

DALEK TERABA NON JISAS KRAES JON TEULU 11:15

Ba rongnan nokok mwegabis u gonani nat badi tenga ben ba man nei kabis nami nanong gonani kan bihni mwetaknga nak. Taban ne gita.”

DALEK TERABA NON JISAS KRAES JON TEULU 11:47

Aji nan goah rat wuhu Temwat ni bi aji salean ni le valin God, ram sasabisi mini aji nan toptowan ni bi ra bep nuhu, “Aji ahe mwe leli ililnan rowok tegol ah tam gita! Tama leli apma nanong?

DALEK TERABA NON JISAS KRAES JON TEULU 12:18

Tei bujun nanong na goah tarutmumu rat tepma ben, gonani rat rongo vepnan ililnan rowok tegol ah te leli.

DALEK TERABA NON JISAS KRAES JON TEULU 12:37

Tei masen ah Jisas te leli ililnan rowok tegol ni nong dobo le birin meta, ba rat ba vihni te mwetaknga nan nga.

DALEK TERABA NON JISAS KRAES JON TEULU 12:41

Aesea tei te doptop tapmak ahe gonani te kita meresan non Jisas, bi nai te doptop nokon ini.

DALEK TERABA NON JISAS KRAES JON TEULU 14:13

Nan leli apma mini gimi ah kan uhleli le hak, metan goah nan sesra meresan non Tadat, niah nambi Nujun.

DALEK TERABA NON JISAS KRAES JON TEULU 16:27

gonani Tadat ba mwegololo i gimi tapmak goah kat mwegololo i nana. Bi kabihni mwetaknganan nuhu nat sipma ben.

DALEK TERABA NON JISAS KRAES JON TEULU 16:30

Kamaililngi nanong nuhu, komaililngi sera leutnae. Bi kot bamdonitenga nuhu aji man uhlelite vehuran i kik. Nom vehuranni nong mweleli ba kabihni mwetaknga nam nuhu kot sipma ben God.”

DALEK TERABA NON JISAS KRAES JON TEULU 2:1

Ren karu tevan ba ram leli leki li vini ah Kena niah Galili. Bi dajin Jisas tevan nesok masen.

DALEK TERABA NON JISAS KRAES JON TEULU 2:23

Ajini halkawu lengleng rat vihini mwetaknga nan Jisas u ililnan rowok tegol ah teleli entorah tedi Jerusalem le kanleut nan Pasova.

DALEK TERABA NON JISAS KRAES JON TEULU 3:2

Mapma ben Jisas bung bi bep mini nuhu, “Subu, kam maililngi nuhu kobi sesesrakan niah God tesro kik. Aji bat ba leli ililnan rowok tegol nga niah kom leli tigoah God bat ba beji tenga.”

DALEK TERABA NON JISAS KRAES JON TEULU 4:3

Entorah Jisas terongo apma ah rat vep bi mamlu dini ut Judia bi ban Galili.

DALEK TERABA NON JISAS KRAES JON TEULU 4:46

Jisas mul bamul Kena ah Galili ut ah te wukani sileng vali waen iginan. Aji kawu non kapman te dok iginan ah nujun te ras dobo Kapaneam.

DALEK TERABA NON JISAS KRAES JON TEULU 4:54

Tei karuan ililnan rowok tegol nananong ah Jisas te leli entorah temlu dini ut Judia bi ban Galili.

DALEK TERABA NON JISAS KRAES JON TEULU 5:23

Metan goah aji nisera ran bihni ran bihni meres nak niah nambi Nujun God tapmak goah ra bihni meres nan Tadat. Aji ah teba vihni meres nak nga niah nambi Nujun God ba teba vihni meres nan Tadat nga niah tesro nana.

DALEK TERABA NON JISAS KRAES JON TEULU 6:14

Tarutni sera ah rat kita ililnan rowok tegol ah teleli ba rat tetkoh togol ini, ra bep sera nuhu, “Mwetaknga na ngate nagoah bi ni Ajinan Dalen God niah tatwovani goah bat sipma li uruu.”

DALEK TERABA NON JISAS KRAES JON TEULU 6:2

Tarutmumu rat tahkuru gonani rat kita illnan rowok tegol ah te leli, niah tevamesa goah rat ras.

DALEK TERABA NON JISAS KRAES JON TEULU 6:26

Jisas balu ini bep nuhu, “Mwetaknga lelet nam bep mini gimi kam dongvi nana nge u hinak ah kat kani, ba kat ba donvite nana nge u ililnan rowok tegol niah nat leli.

DALEK TERABA NON JISAS KRAES JON TEULU 6:30

Rabep mini nuhu, “Ililnan rowok tegol apma niah kon leli niah kaman gita bi nem bihni mwetaknga nam? Manei apma ah kaman leli?

DALEK TERABA NON JISAS KRAES JON TEULU 7:31

Sesnan tarutni rei goah ratti rat vihni mwetaknga nan, ra bep nuhu, “Entorah Kraes man nepma, ba man mu skani rowok tegol ngate vali goi aji ahe mwe leli?”

DALEK TERABA NON JISAS KRAES JON TEULU 9:16

Datngin aji nan goah rat wuhu Temwat ni ra bep nuhu, “Aji nong ba teba sipma tenga ben God, gonani tebatpe temwat nga ah mwi di u ren ah Sabat.” Datngin ra bep nuhu, “Gavak nagoah aji ah bibi aji nan kapmwaan man leli ililnan rowok tedapmak go ahe?” Te gam leli sabwaren le mase.