पारकास 9:1 - आठपहरिया

¹ पाँचौँ माङ्‌हाङ् रिङ् काउग्‍बाङा उन्‌लोक् लिसाना धुटुरिबा टेनुए, हिट्‌नुङ् आङा ठिक् चोक्‌चिङ्‌गेट् टोनालोग्‌लाम्‍मा नाराङि ठायाना निसुङे॥ हिट्‌ना चोक्‌चिङ्‌गेट् लाउङ्‌सा घाइरो भाड्‌खालो ओङ्‌मा लाउङ्‌सा साँचो उपिडुए॥

पारकास 9:1 Iomraidhean Croise

लुका 10:18

हिट्‌नुङ् येसुङा हिट्‌नागा लोडुचे, “आए, आङा सैतान टोनालोग्‌लाम् मिङा ओलाप्‍को गाड्‌डे ओम्‍साउङ् ठाया उङ्‌साना निसुङे॥

लुका 8:31

हिट्‌नुङ् हिट्‌नागाँ घाइरो भाड्‌खालोङि याप्‌मिपाङ्‌नेन् पिक्‍सा येसु बिन्‌टि ओचोगुए॥

पारकास 1:18

उहिङ्‌ग्‍वाट्म्‍बाक् आङा डोक् ए॥ आङा सियाङ् चा, आङा सोरोक् उहिङ्‌ग्‍वाट् ए॥ आङालोक् मिरतु हिट्‌नुङ् पातालङिना साँचो युङ्‌ग्‍वा॥

पारकास 1:20

खान्‍ङा आछुप्‍टाङ् आमुक्‌ङि आनिसुगा सि ओटा चोक्‌चिङ्‌गेट्‌चि हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचि ठोबाना रिङ्‌ङाना उटुप्‍बाक् नाड्‌डे लियुक्, सि ओटा चोक्‌चिङ्‌गेट्उम्‍बाक् सि ओटा माङ्‌पाङ्‌ङाना माङ्‌हाङ् रिङ् काउग्‍बाचिगा बारेङि माट्‌टुटु, हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचिङाम्‍बाक् सि ओटा माङ्‌पाङ्‌ङाना बारेङि माट्‌टुटु॥”

पारकास 11:7

हिट्‌नुङ् हिट्‌नागाचि इप्‍पाङ् साँचि कापिबाचिङा माङ्‌हाङ् रिङ् माट्‌मा हिचुङ् हिट्‌ना घाइरो भाड्‌खालोलाम्‍मा होन्‍ना जिवाट् हिट्‌नागाचि बिरुद्‌दाङि चुङ्‌युक्, हिट्‌नागाचि सेडुचिचि॥

पारकास 17:8

खान्‍ङा आनिसुना हिट्‌ना जिवाट् पाइले उहिङ्‌ग्‍वाट् डाना, टरो हाट्‌ले हिट्‌ना जिवाट् उहिङ्‌ग्‍वाट् वाइना॥ हिट्‌ना जिवाट् उहिङ्‌ग्‍वाट् लियुक् हिट्‌नुङ् घाइरो भाड्‌खालोलाम्‍मा भारा होन्‌युङ् जाखाम् लिङा खाट्‌युक्॥ जब नाराङिगा याप्‌मिचिङा हिट्‌ना जिवाट् उनिसुटु हिट्‌नागा डोङ् ओठोङ्‌युक्, पोङ्‌भोने ठिक् बेला हिट्‌ना जिवाट् उहिङ्‌ग्‍वाट् डाना, हाट्‌ले हिट्‌ना जिवाट् उहिङ्‌ग्‍वाट् वाइना, टरो हिट्‌ना जिवाट् फेरि टायुक्॥ नागा याप्‌मिचि डोक् हिट्‌नागाँगा उन्‌चि निङ् नारा सिरिस्‌टि लिसानालाम्‍मा जिबानङाना छाप्‍लाङि छेप्‌निगेट्‌निना॥

पारकास 20:1

हिट्‌नुङ्‌ना आङा घाइरो भाड्‌खालोङिना साँचो हिट्‌नुङ् ठिक् ठेना साङ्‌ला उमुक्‌ङि याङेसुना ठिक् माङ्‌हाङ् रिङ् काउग्‍बा टोनालोग्‌लाम्‍मा उङ्‌सागेट्‌टाना निसुङे॥

पारकास 20:10

हिट्‌नुङ् देस-देसङिगा याप्‌मिचि मुसिक्‍पा काचाट्‌बा हिट्‌ना सैतान हाट्‌टेट्‌टाना गान्‍धाक्‌ङाना कुन्‍डाङि माङ्‌हाङ् रिङ् काउग्‍बाङा लेप्‍टुए, हिट्‌नि डोक् हिट्‌ना जिवाट् हिट्‌नुङ् माङ्‌जोना माङ्‌काटा चा वासेट्‌टाचिगा॥ हिट्‌नि हिट्‌नागाँ लेन्‍सेन् सोरोक् याङ्‌छामा ओआङ्‌डुटु॥

पारकास 6:13

हिट्‌नुङ् हिॽवाङा वान्‍डुङ् ओसोङ्‌निगेट्‌निगा वामाखोक्‍पोङागा टुल्‍फुल ओठाया गाड्‌डे टाङ्‌साङ्‌ङिगा जोम् चोक्‌चिङ्‌गेट्‌चि नाराङि ओठाए॥

पारकास 8:10

हिट्‌नुङ्‌ना तेस्‍रो माङ्‌हाङ् रिङ् काउग्‍बाङा उन्‌लोक् लिसाना धुटुरिबा टेनुए, हिट्‌नुङ् टाङ्‌साङ्‌लाम्‍मा हाट्‌टेट्‌टाना मिङाना राँको गाड्‌डेना ठिक् ठेना चोक्‌चिङ्‌गेट् ठाए, हिट्‌नुङ् हिट्‌ना चोक्‌चिङ्‌गेट्‌ङाना एक तिहाइ ओखान्‍डाम्‍बाक् होङ्‌चिङि हिट्‌नुङ् चुवा उपुन्‌ङि ठाए॥

पारकास 8:12

हिट्‌नुङ्‌ना चौंथो माङ्‌हाङ् रिङ् काउग्‍बाङा उन्‌लोक् लिसाना धुटुरिबा टेनुए, हिट्‌ना बेला डोक् नाम्, लालिप्‍माङ्, हिट्‌नुङ् चोक्‌चिङ्‌गेट्‌चिगा एक तिहाइ ओखान्‍डाम्‍बाक् डुम्‍बारिक् डुम् लिसे॥ हिट्‌नुङ् नाम्‌ङा टेम्‍बोक् घान्‍टा टेप्‍मा लेम्‍बा व्‍हाङ् पिडुवाट्‌टुन्, हिट्‌नुङ् लालिप्‍माङ् लोक् चोक्‌चिङ्‌गेट्‌चिङा चा युसा चार घान्‍टा टेप्‍मा व्‍हाङ् उपिडुवाट्‌टुन्॥

पारकास 8:2

हिट्‌नुङ् आङा माङ्‌हाङ् ओटोकानाङि सि जाना माङ्‌हाङ् रिङ् काउग्‍बाचि ओयेबेसागा निसुङ्‌चिङे॥ हिट्‌नागा लाउङ्‌सा सि ओटा धुटुरिबा उपिडुचे॥

पारकास 9:2

हिट्‌ना चोक्‌चिङ्‌गेट्‌ङा हिट्‌ना घाइरो भाड्‌खालो ओङ्‌सुए, हिट्‌नुङ् हिट्‌नालाम्‍मा मिङाना ठेना मि भुङ्‌रोलाम्‍मा मिखुमाङ् होन्‍डा गाड्‌डे डोक् मिखुमाङ् होन्‍डे, हिट्‌नुङ् हिट्‌ना मिखुमाङ्‌ङा नाम् छेमा हिट्‌नुङ् टाङ्‌साङ् चा डुम्‍बारि डुम् चोगुए॥