पारकास 8:7 - आठपहरिया

⁷ पाइलेना माङ्‌हाङ् रिङ् काउग्‍बाङा उन्‍ङाना उधुटुरिबा टेनुए, हिट्‌नुङ् हेलिक्‌लोक् मिसाङा उलिसागा फोम् हिट्‌नुङ् मि नाराङि ओठाए॥ हिट्‌नुङ् नाराङाना एक तिहाइ ओभागाम्‍बाक् टुनाडे, हिट्‌डेडोक् सिङ् उभुङ्‌माचि हिट्‌नुङ् सोब्‍बे उपिङ्‌गा घाँसाङाना एक तिहाइ ओभागा टुनाडे॥

पारकास 8:7 Iomraidhean Croise

याकुब 1:11

जब टुक्‍लोक् नाम्‍छेयुक् टब फुङ् उभुङ्‌मा डोक् चोप्‌युङ् सियुक्॥ हिट्‌नुङ् ओफेट् ठायुङ् हिट्‌नाङाना ओसोभा डोक् खाट्‌युक्॥ हिट्‌नाड्‌डे डोक् वागाठागा याप्‌मि चा आप्‍पे ओटोॽवा चोगुगेट्‌टुलोक् डोक् ओचोला चा जाखाम् लियुङ् खाट्‌युक्॥

१ पाटरुस 1:24

धारमाछाप्‍लाङि नाड्‌डे छेप्‍टेसे– “ख्‍वाप्‍पा याप्‌मि घाँसा गाड्‌डेगा डोक् हिट्‌नुङ् हिट्‌नागाँगा निङ्‌ला चा फुङ् गाड्‌डेगा डोक्॥ घाँसा लेम्‌युएट्‌युक्, हिट्‌नुङ् फुङ्‌चि ओठायुएट्‌युक्,

पारकास 12:4

हिट्‌ना ओप्‍पुङाना ओमेलाक्‌ङा टाङ्‌साङ्‌ङिगा एक तिहाइ खान्‍डा चोक्‌चिङ्‌गेट्‌चि साडुचिउङ् नाराङि ठेन्‍डुचे॥ हिट्‌नुङ् हिट्‌ना ओप्‍पु मेन्‍झेमाङा उइछा पोङ्‌सुनामे चामा लाउङ्‌सा हिट्‌ना मेन्‍झेमा सोरि येबे॥

पारकास 16:2

हिट्‌नुङ् पाइलेना माङ्‌हाङ् रिङ् काउग्‍बा खाडाउङ् ओखोरे नाराङि हुङ्‌सुए, हिट्‌नुङ् हिट्‌नाङा चोगुनाँ हिट्‌ना जिवाट्‌ङाना चिन्‍ना लिसागा लोक् हिट्‌ना साम्‍माङ् काचोक् याप्‌मिचिगा ख्‍वाप्‍पा उन्‌चि येम्‌ङि चिम्‍मा फुट्‌टुम्‍ना हिट्‌नुङ् आड्‌डिक् टुक्‍ना खेसिक् लिसे॥

पारकास 16:21

हिट्‌नुङ् टाङ्‌साङ्‌लाम्‍मा याप्‌मिचि उठुङ्‌ङि चालिस किलो टेप्‍मा उलिसागा ठे-ठेगा फोम् ओठाए॥ हिट्‌डेउङ् याप्‌मिचिङा फोम्‌ङाना बिपोत्‌ति लिसानाँ माङ्‌हाङ् सारापें ओचोगुए, पोङ्‌भोने हिट्‌ना बिपोत्‌ति आड्‌डिक् टुक्‍ना किप्‍माडुङ् डाना॥

पारकास 6:8

आङा पुयुङ्‌नाँ हिट्‌नि हारडे ठिक् टाङ्‌राङ्‌बा निसुङे, हिट्‌ना टाङ्‌राङ्‌बाङि ठाङानाङाना उनिङ्‌म्‍बाक् “कासेट्” डाना, हिट्‌नुङ् पातालङाम्‍बाक् हिट्‌ना रोक् रिक्‍टेट्‌टुना॥ हिट्‌नुङ् नाराङिना एक चौथाइ खान्‍डाङिगा याप्‌मिचि खेमाबुङ्‌माङि, आनिकाललाम्, हैजा हिट्‌नुङ् जाङ्‌गालाङिगा जिवाट्‌चिलाम्‍मा सेप्‍मालाउङ्‌सा माङ्‌हाङ्‌ङा हिट्‌नागा आधिकार पिडुचे॥

पारकास 7:1

हिट्‌नुङ्‌ना आङा टेम्‍बोक् जाना माङ्‌हाङ् रिङ् काउग्‍बाचि नाराङिना टेम्‍बोक् उसुराइ ओयेबाइसागा निसुङ्‌चिङे॥ हिट्‌नागाँ नाराङि, सामुन्‍दराङि, हिट्‌नुङ् सिङ् उभुङ्‌माङि हिॽवा ओफेन्‌नि नुङ् ओछाक्‍टुएसुना॥

पारकास 9:15

हिट्‌नुङ् छैटौँ माङ्‌हाङ् रिङ् काउग्‍बाङा हिट्‌नागा टेम्‍बोक् जाना माङ्‌हाङ् रिङ् काउग्‍बाचि लाउङ्‌सा एक तिहाइ खान्‍डा नाराङिगा याप्‌मिचि सेप्‍मा लेडुचे॥ माङ्‌हाङ्‌ङा हिट्‌नागा माङ्‌हाङ् रिङ् काउग्‍बाचि ना टोॽवा लाउङ्‌सा डोक् ठिक्‍का बेला, माइना, लेम्‍बा हिट्‌नुङ् घान्‍टा लाउङ्‌सा टेयार चोगुङ् युङ्‌सुएसुचिगा डागा॥

पारकास 9:18

नाराङि उलिसागा एक तिहाइ खान्‍डाङिगा याप्‌मिचि नागा टाङ्‌राङ्‌बाचिगा यासिलाम्‍मा होन्‍डाना मि, मिखुमाङ् हिट्‌नुङ् गान्‍धाक्‌ङाना नागा सुम्‍बोक् बिपोत्‌तिलाम्‍मा उसिए॥

पारकास 9:4

माङ्‌हाङ्‌ङा हिट्‌नागा नाराङिगा खोना चा राक्‍वा, झोरा आथाबा सिङ् उभुङ्‌माचि जाखाम् चोक्‍नेनुम्‌चिम्, टरो उन्‌चि नाम्‍ढाङ्‌ङि माङ्‌हाङ्‌ङाना छाप् मालेगा याप्‌मिचि एडोक् हान्‌ति चोगानुम्‌चिम् पिक्‍सा लोडुचे॥