पारकास 8:5 - आठपहरिया

⁵ हिट्‌नुङ्‌ना हिट्‌ना माङ्‌हाङ् रिङ् काउग्‍बाङा धुपाउरो याङुङ् बेदिङिना मि हिट्‌नि ठेन्‍डुए, हिट्‌नुङ् नाराङि लेप्‍टुए॥ हिट्‌ना बेला डोक् घुरुङ्‌बा लोसे, झालाक् झिलिक् लिसाउङ् बिजुलि ओम्‍से, हिट्‌नुङ् लुक्‍लेमा काडे॥

पारकास 8:5 Iomraidhean Croise

मात्‌ति 24:7

पोङ्‌भोने ठिक् छोङ्‌बाङाना बिरुद्‌दाङि आरको छोङ्‌बाङि खेमाबुङ्‌मा लियुक्, हिट्‌नुङ् ठिक् मुलुक् बिरुद्‌दाङि आरको मुलुक्‌ङि खेमाबुङ्‌मा लियुक्॥ हिट्‌नुङ् ठोङ्-ठोङ्‌ङि चामा-ठुङ्‌मागा थोक्‌चि चा लाट्‌युक् हिट्‌नुङ् लुट्‌लेमा काट्‌युक्॥

लुका 12:49

“आङा ना नाराङि माङ्‌हाङ्‌ङाना न्‍याएङाना मि मेट्‌सिङा टायाङ्‌ना, टरो ना पाइले डोक् मि हाट्‌टालेट्‌टाना बे नुलोक् लिसे बे॥

मुलिचेला टोॽवा 16:26

हिट्‌ना बेला डोक् माङ्‌ठेना लुट्‌लेमा काडे॥ खाम्‍बाङ्‌ङिना जाग् वान्‍डे, हिट्‌नुङ् सोब्‍बे ढुवारिक्‌चि ओङ्‌से हिट्‌नुङ् काइदिचि ओरेक्‍टुचिगा साङ्‌ला ओफेन्‍डे॥

मुलिचेला टोॽवा 4:31

हिट्‌नागा बिन्‌टि चोक्‍मा उहिडाउङ् उन्‌चि उछुमाउङ् उयुङाना डेन् वान्‍डे॥ हिट्‌नुङ् हिट्‌नागा ख्‍वाप्‍पा सेङ्‌सेङ्‌ना हाङ्‌साङा इप्‍टुचे, हिट्‌नुङ् माङ्‌हाङ्‌ङाना रिङ् मिकिट्‌ङे चेक्‍मा ठालाँ ओचोगुए॥

पारकास 11:13

हिट्‌ना बेला डोक् ठेना लुक्‍लेमा खाडे हिट्‌नुङ् हिट्‌ना ठेना खालाङ्‌गाङाना दोसौँ ओभागा जाखाम् लिसे॥ ना लुक्‍लेमाङि सि हाजार याप्‌मिचि उसिए, हिट्‌नुङ् आरु उसिनिएट्‌निगा याप्‌मिचि आड्‌डिक् उकिट्‌टाउङ् हिट्‌नागाँ टोनालोग्‌ङिना माङ्‌हाङ्‌ङाना उनिङ् ओचोन्‍डुए॥

पारकास 11:19

हिट्‌नुङ्‌ना टोनालोग्‌ङिना माङ्‌हाङ्‌ङाना माङ्‌ठाना ओङ्‌से, हिट्‌नुङ् हिट्‌ना भिट्‌रा सेङ्‌सेङ्‌ना बाकास आङा निसुङे, हिट्‌नि माङ्‌हाङ्‌ङाना माङ्‌हुप् युङासाना हिट्‌ना लुङ्‌गेॽवाङि आच्‍छो बेला छेप्‍बालाक् डाना॥ हिट्‌नुङ् बिजुलि ओम्‍से, टाङ्‌साङ्‌ङि घुरुङ्‌बा लोसे, लुक्‍लेमा खाडे, हिट्‌नुङ् ठेगा-ठेगा फोम् ओठाए॥

पारकास 4:5

हिट्‌नुङ् हिट्‌ना सिङासान्‌लाम् बिजुलि गाड्‌डे ओम्‍साना, हिट्‌नुङ् हिट्‌निलाम् टाङ्‌साङ् मुक्‍ना घुरुङ्‌बा गाड्‌डे मुक्‍टाना सोरा होन्‍डाना डाना॥ सिङासान् ओटोकानाङि सि टेप्‍मा कुपिचि ओहाट्‌टेट्‌टागा, नाम्‍बाक् माङ्‌हाङ्‌ङाना सि ओटा ओहाङ्‌सा ए॥

पारकास 6:12

हाट्‌ले थुमाङा छैटोँ छाप् ओङ्‌सुना आङा निसुङे, हिट्‌नुङ् हिट्‌नि ठेना लुक्‍लेमा खाडे॥ नाम् माक्‍ठुङ् माक्‍ना लिसाउङ् डुम्‍बारिक् डुम् लिसे, हिट्‌नुङ् लालिप्‍माङ् चा हेलिक् गाॽवा फाबालेङ् फाना लिसे॥

पारकास 8:3

हिट्‌नुङ् साम्‍याङ्‌ङाना धुपाउरो खुयुना आरको ठिबाङ् माङ्‌हाङ् रिङ् काउग्‍बा आबाउङ् बेदि सोरि येबे॥ हिट्‌नुङ् माङ्‌हाङ् ओयाप्‌मिचिगा बिन्‌टि चा ठाङ्‌मा लाउङ्‌सा सिङासान् सोरि लिसाना साम्‍याङ्‌ङाना बेदिङि धुपा हाट्‌मा जोम् धुपा उपिडुए॥