पारकास 8:2 - आठपहरिया

² हिट्‌नुङ् आङा माङ्‌हाङ् ओटोकानाङि सि जाना माङ्‌हाङ् रिङ् काउग्‍बाचि ओयेबेसागा निसुङ्‌चिङे॥ हिट्‌नागा लाउङ्‌सा सि ओटा धुटुरिबा उपिडुचे॥

पारकास 8:2 Iomraidhean Croise

मात्‌ति 18:10

“ओछेक्‍छेक् युङानि, खानिङा नागा खाट्‌टिउगा पिच्‍छाचि माड्‌डेङि ठिबाङ् चा आङ्‌छाप्‍मा मेट्‌नेनुम्‌चिम्॥ पोङ्‌भोने आङा खानि लोनाँनि, टोनालोग्‌ङि हिट्‌नागाँगा माङ्‌हाङ् रिङ् काउग्‍बाचि सोरोक् टोनालोक्‌ङि युङ्‌ना आङाना पाबा ओटोकानाङि डोक् ओवाएट्॥

मात्‌ति 24:31

हिट्‌नुङ् उन्‍ङा उन्‍ङाना माङ्‌हाङ् रिङ् काउग्‍बाचि धुटुरिबाङाना ठेना ओसोरालोक् पाङ्‌सुचिचि, हिट्‌नुङ् हिट्‌नागाँ नाराङिगा सोब्‍बे कुनालाम्‍मा उन्‍ङा सेगुचिगा उछुम्‍सुचिचि॥

लुका 1:19

माङ्‌हाङ् रिङ् काउग्‍बाङा जाकारिया लोडुए, “आङा माङ्‌हाङ् ओटोक्‍माङ्‌ङि येप्‍ङाना माङ्‌हाङ् रिङ् काउग्‍बा गाब्‌रिएल ए॥ उन्‍ङा डोक् खान्‌लोङ्‌सा नुना खाबोर खेम्‍मेप्‍मा लोङ्‌सा आङा याङ्‌पाङ्‌साना॥

लुका 21:36

ओछेक्‍छेक् चोगानि, हिट्‌नुङ् नागा किप्‍माडुङ् रिङ्‌चिलाम्‍मा हिङ्‌मा हिट्‌नुङ् याप्‌मि छा सोरि येप्‍मा हिमाना बोल् याप्‌मिपिडा नुङ् जाइले टाइले बिन्‌टि चोगानि॥”

१ कोरिन्‌थि 15:52

ना रिङ् आखेरि धुटुरिबाङाना सोरा मुक्‍नामे, छोप्‍मोङ्‌ङा डोक्, मिक् झिमिक्‌ङि लियुक्॥ पोङ्‌भोने हिट्‌ना बेला ढुटुरिबाङाना सोरा मुक्‌युक्, हिट्‌नुङ् उसियागा ख्‍वाप्‍पा याप्‌मिचि खोना बेला चा उसिनिलोक् उहिङ्‌ग्‍वाट् उलियुङ् ओकोब्‌युक्, हिट्‌नुङ् आनि ख्‍वाप्‍पा फेराँ लिसिटि॥

१ थेसालोनिकि 4:16

पोङ्‌भोने टाङ्‌बा आप्‍पे ठेना आग्‍याँङाना ओसोराङि, मुलि माङ्‌हाङ् रिङ् काउग्‍बाङाना ओसोरा हिट्‌नुङ् माङ्‌हाङ्‌ङाना धुटुरिबा ओटेनुना बेला टोनालोग्‌लाम्‍मा उङ्‌युग्, हिट्‌नुङ् खिरिस्‍टङि बिस्‍वास ओचोगुङ् उसियागाउम्‍बाक् सोब्‍बे नुङ्‌ना पाइले उहिङ्‌ग्‍वाट् उलियुङ् ओकोप्‌युक्॥

पारकास 1:4

आङा युहान्‍नाङा ना खाबोर एसिया छेट्‌राङि उलिसागा सि ओटा माङ्‌पाङ्‌ङिगा लाउङ्‌सा छेप्‍टुएट्‌टुङ्॥ माङ्‌हाङ् पाबा, सि ओटा हाङ्‌सा हिट्‌नुङ् येसु खिरिस्‍टङाना मायादाया हिट्‌नुङ् हाङ्‌हाङ् खानिलोक् उलियाक्॥ माङ्‌हाङ् हाट्‌ले चा उन् युङ्‌ग्‍वा, पाइले चा डाना, हिट्‌नुङ् हान्‍डेङ् चा लियुक्॥ सि ओटा हाङ्‌सा माङ्‌हाङ् युङ्‌ना सिङासान् ओटाकानाङि युङ्‌ग्‍वा॥ येसु खिरिस्‍ट माङ्‌हाङ्‌ङा लोडुना रिङ्‌ङि बिस्‍वासिलो ए, उन् सियानालाम्‍मा उहिङ्‌ग्‍वाट् कोबाना पाइलेना याप्‌मि हिट्‌नुङ् उन् नाराङिगा हाङ्‌बाचि सासान् काचोक्‍बा ए॥ येसुङा आनि माया आचोक्‌युक् हिट्‌नुङ् उन्‍ङा आप्‍पेलाउङ्‌सा खाप्‍चेङि भोक् पिडुङ् आनि पापलाम्‍मा छुट्‌कारा आनि आपिडैसे॥

पारकास 11:15

हिट्‌नुङ्‌ना सातौँ माङ्‌हाङ् रिङ् काउग्‍बाङा उन्‌लोक् लिसाना उधुटुरिबा टेनुए, हिट्‌नुङ् टोनालोग्‌ङि माङ्‌ठेना सोरा याप्‌मिचि ओचेक्‌युएट्‌गा गाड्‌डे मुक्‍टानाँ नाड्‌डे याङ्‌लोडे, “आनि डाङ्‌बा माङ्‌हाङ् हिट्‌नुङ् उन्‍ङा सेगुना खिरिस्‍टङा हाट्‌ले सोब्‍बे नाराङि सासान् चोक्‍माना आधिकार युङ्‌ग्‍वा, हिट्‌नुङ् उन्‍ङा डोक् सोरोक् सासान् चोगुटु॥”

पारकास 15:1

हिट्‌नुङ्‌ना आङा टोनालोग्‌ङि ठिक् ठेना हिट्‌नुङ् आड्‌डिक् डोङ् ठोङ्‌डिना आरको चिन्‍ना निसुङे॥ सि माङ्‌हाङ् रिङ् काउग्‍बाचि ख्‍वाप्‍पाङा ठिक्-ठिक् बिपोत्‌ति ओयाङुएसुगा॥ नागा बिपोत्‌ति आखेरि ए, पोङ्‌भोने नागा बिपोत्‌तिचि ओलाट्‌ना मे माङ्‌हाङ्‌ङाना उकुन्‌जिरिक्‍वा चा लाट्‌युक्॥

पारकास 16:1

हिट्‌नुङ्‌ना आङा माङ्‌ठानालाम्‍मा हिट्‌नागा सि माङ्‌हाङ् रिङ् काउग्‍बाचि चारको सोराङि नाड्‌डे ओलोडुचिगा खेम्‍सुङे, “खाडानि हिट्‌नुङ् हिट्‌ना सि खोरेङिना माङ्‌हाङ्‌ङाना उकुन्‌जिरिक्‍वा नाराङि हुङ्‌सानुम्॥”

पारकास 8:13

हिट्‌नुङ् आङा पुयुङ्‌नाँ टो टाङ्‌साङ्‌ङि पेयेट्‌टाना ठिक् गारुड नाड्‌डे पिक्‍सा ठेना सोरा चोगुङ् राट्‌टाना खेम्‍सुङे, “एलाह्, आड्‌डिक् किप्‍माडुङ् रिङ् गोलो, नाराङि उलिसागा याप्‌मिचिङि आड्‌डिक् किप्‍माडुङ् याङ्‌छामा लियुक्॥ पोङ्‌भोने आरु सुम्‍बाङ् माङ्‌हाङ् रिङ् काउग्‍बाचिङा उन्‌चिलोक् लिसाना धुटुरिबा टेम्‍माना बेला लिसा लाबे॥”

पारकास 8:6

हिट्‌नुङ् हिट्‌नागा सि जाना माङ्‌हाङ् रिङ् काउग्‍बाचि उन्‌चिलोक् लिसाना धुटुरिबा टेन्‍मा टेयार उलिसे॥

पारकास 9:1

पाँचौँ माङ्‌हाङ् रिङ् काउग्‍बाङा उन्‌लोक् लिसाना धुटुरिबा टेनुए, हिट्‌नुङ् आङा ठिक् चोक्‌चिङ्‌गेट् टोनालोग्‌लाम्‍मा नाराङि ठायाना निसुङे॥ हिट्‌ना चोक्‌चिङ्‌गेट् लाउङ्‌सा घाइरो भाड्‌खालो ओङ्‌मा लाउङ्‌सा साँचो उपिडुए॥