पारकास 8:10 - आठपहरिया

¹⁰ हिट्‌नुङ्‌ना तेस्‍रो माङ्‌हाङ् रिङ् काउग्‍बाङा उन्‌लोक् लिसाना धुटुरिबा टेनुए, हिट्‌नुङ् टाङ्‌साङ्‌लाम्‍मा हाट्‌टेट्‌टाना मिङाना राँको गाड्‌डेना ठिक् ठेना चोक्‌चिङ्‌गेट् ठाए, हिट्‌नुङ् हिट्‌ना चोक्‌चिङ्‌गेट्‌ङाना एक तिहाइ ओखान्‍डाम्‍बाक् होङ्‌चिङि हिट्‌नुङ् चुवा उपुन्‌ङि ठाए॥

पारकास 8:10 Iomraidhean Croise

मात्‌ति 25:1

येसुङा फेरि लोडुचे, “टोनालोग्‌ङिना मुलुक् ठिमेक् जाना कान्‍नेए मेन्‍झेमाचिलोक् टोङ्‌मा हिडुम्‍टुम्॥ हिट्‌नागाँ आप्‍पे-आप्‍पे उन्‌चिगा कुपि ओयाङुङ् बेउला टुब्‌सिङा ओखाडे॥

लुका 10:18

हिट्‌नुङ् येसुङा हिट्‌नागा लोडुचे, “आए, आङा सैतान टोनालोग्‌लाम् मिङा ओलाप्‍को गाड्‌डे ओम्‍साउङ् ठाया उङ्‌साना निसुङे॥

याहुदा 1:13

हिट्‌नागा याप्‌मिचि सामुन्‍दराङिना किट्‌टुम्‍ना चुवा ओभेट्‌लेॽवा गाड्‌डेगा ए, हिट्‌नुङ् सामुन्‍दराङि किट्‌टुम्‍ना चुवा ओभेट्‌लेॽवा कोबा गाड्‌डे डोक् नागाँगा टोॽवा चा चिम्‍मा फुट्‌टुम्‍ना ए॥ हिट्‌नागा लाम्‍बो ओबान्‍डुगा चोक्‌चिङ्‌गेट्‌चि गाड्‌डेगा डोक्, हिट्‌नुङ् हिट्‌नागा लाउङ्‌सा माङ्‌हाङ्‌ङा सोरोक् लाउङ्‌सा पातालङि माकुन्‍धेरेक्‍ना डेन् युङ्‌सुएसुए॥

पारकास 1:20

खान्‍ङा आछुप्‍टाङ् आमुक्‌ङि आनिसुगा सि ओटा चोक्‌चिङ्‌गेट्‌चि हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचि ठोबाना रिङ्‌ङाना उटुप्‍बाक् नाड्‌डे लियुक्, सि ओटा चोक्‌चिङ्‌गेट्उम्‍बाक् सि ओटा माङ्‌पाङ्‌ङाना माङ्‌हाङ् रिङ् काउग्‍बाचिगा बारेङि माट्‌टुटु, हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचिङाम्‍बाक् सि ओटा माङ्‌पाङ्‌ङाना बारेङि माट्‌टुटु॥”

पारकास 12:4

हिट्‌ना ओप्‍पुङाना ओमेलाक्‌ङा टाङ्‌साङ्‌ङिगा एक तिहाइ खान्‍डा चोक्‌चिङ्‌गेट्‌चि साडुचिउङ् नाराङि ठेन्‍डुचे॥ हिट्‌नुङ् हिट्‌ना ओप्‍पु मेन्‍झेमाङा उइछा पोङ्‌सुनामे चामा लाउङ्‌सा हिट्‌ना मेन्‍झेमा सोरि येबे॥

पारकास 14:7

हिट्‌नाङा चारको सोर चोगुङ् माट्‌टुए, “माङ्‌हाङ्‌लोक् किट्‌टानि हिट्‌नुङ् उन् मान् चोगानुम्, पोङ्‌भोने हाट्‌ले उन्‍ङा याप्‌मिचि न्‍याए चोक्‍मा बेला टाइसे॥ हिट्‌नुङ् टाङ्‌साङ्, नारा, सामुन्‍दरा हिट्‌नुङ् चुवा उपुन् सिरिस्‌टि काचोक्‍बा माङ्‌हाङ् माङ्‌ध्‍यान् चोगानुम्॥”

पारकास 16:4

हिट्‌नुङ् तेस्‍रो माङ्‌हाङ् रिङ् काउग्‍बाङा ओखोरे ठेना होङ् लोक् चुवा उपुन्‌ङि हुङ्‌सुए, हिट्‌नुङ् सोब्‍बे हेलिक् डोक् लिसाडे॥

पारकास 6:13

हिट्‌नुङ् हिॽवाङा वान्‍डुङ् ओसोङ्‌निगेट्‌निगा वामाखोक्‍पोङागा टुल्‍फुल ओठाया गाड्‌डे टाङ्‌साङ्‌ङिगा जोम् चोक्‌चिङ्‌गेट्‌चि नाराङि ओठाए॥

पारकास 8:7

पाइलेना माङ्‌हाङ् रिङ् काउग्‍बाङा उन्‍ङाना उधुटुरिबा टेनुए, हिट्‌नुङ् हेलिक्‌लोक् मिसाङा उलिसागा फोम् हिट्‌नुङ् मि नाराङि ओठाए॥ हिट्‌नुङ् नाराङाना एक तिहाइ ओभागाम्‍बाक् टुनाडे, हिट्‌डेडोक् सिङ् उभुङ्‌माचि हिट्‌नुङ् सोब्‍बे उपिङ्‌गा घाँसाङाना एक तिहाइ ओभागा टुनाडे॥

पारकास 9:1

पाँचौँ माङ्‌हाङ् रिङ् काउग्‍बाङा उन्‌लोक् लिसाना धुटुरिबा टेनुए, हिट्‌नुङ् आङा ठिक् चोक्‌चिङ्‌गेट् टोनालोग्‌लाम्‍मा नाराङि ठायाना निसुङे॥ हिट्‌ना चोक्‌चिङ्‌गेट् लाउङ्‌सा घाइरो भाड्‌खालो ओङ्‌मा लाउङ्‌सा साँचो उपिडुए॥

पारकास 9:15

हिट्‌नुङ् छैटौँ माङ्‌हाङ् रिङ् काउग्‍बाङा हिट्‌नागा टेम्‍बोक् जाना माङ्‌हाङ् रिङ् काउग्‍बाचि लाउङ्‌सा एक तिहाइ खान्‍डा नाराङिगा याप्‌मिचि सेप्‍मा लेडुचे॥ माङ्‌हाङ्‌ङा हिट्‌नागा माङ्‌हाङ् रिङ् काउग्‍बाचि ना टोॽवा लाउङ्‌सा डोक् ठिक्‍का बेला, माइना, लेम्‍बा हिट्‌नुङ् घान्‍टा लाउङ्‌सा टेयार चोगुङ् युङ्‌सुएसुचिगा डागा॥

पारकास 9:18

नाराङि उलिसागा एक तिहाइ खान्‍डाङिगा याप्‌मिचि नागा टाङ्‌राङ्‌बाचिगा यासिलाम्‍मा होन्‍डाना मि, मिखुमाङ् हिट्‌नुङ् गान्‍धाक्‌ङाना नागा सुम्‍बोक् बिपोत्‌तिलाम्‍मा उसिए॥