पारकास 7:2 - आठपहरिया

² नागा टेम्‍बोक् जाना माङ्‌हाङ् रिङ् काउग्‍बाचिङा नारा लोक् सामुन्‍दरा जाखाम् चोक्‍माना आधिकार चा ओटोगुएसुना॥ हिट्‌नुङ् आरको ठिबाङ् माङ्‌हाङ् रिङ् काउग्‍बा नाम् होम्‍मा डेन्‌लाम्‍मा आबागेट्‌टाना आङा निसुङे, हिट्‌नाँ उहिङ्‌ग्‍वाट् माङ्‌हाङ्‌ङाना छाप् मेट्‌माना रिङ् याङुएसुना॥ हिट्‌नाँ हिट्‌नागा टेम्‍बोक् माङ्‌हाङ् रिङ् काउग्‍बाचि ठेना ओसोरा चोगुङ् नाड्‌डे लोडुचे,

पारकास 7:2 Iomraidhean Croise

मात्‌ति 16:16

सिमोन पाटरुसङा लोडुए, “खान् उहिङ्‌ग्‍वाट् माङ्‌हाङ् छा खिरिस्‍ट ए॥”

मात्‌ति 26:63

टरो येसु स्‍वाग् मिचेक्‍ङे युङे॥ फेरि सानिङ्‌डाङ्‌बाङा उन् सिलाप्‍टुए, “उहिङ्‌ग्‍वाट् माङ्‌हाङ्‌ङाना उनिङ्‌ङि खान् आग्‍याँ पिनाँ, आन्‍याँ याप्‌मिलोडा, पाक् खान् माङ्‌हाङ् छा खिरिस्‍ट इ टे?”

युहान्‍ना 6:27

जाखाम् लिना चामा-ठुङ्‌मागा टोग्‍मालोङ्‌सा टोॽवा चोक्‍नेनुम्, टरो खोना बेला चा लाट्‌निना चोला आपिना चामा-ठुङ्‌मागा टोग्‍मालोङ्‌सा टोॽवा चोगानुम्॥ ना खोना बेला चा लाट्‌निना चोला आपिना चालेप्‍पा याप्‌मि छाङा खानि मापिडिटि, पोङ्‌भोने ना रिङ् लोङ्‌सा डोक् माङ्‌हाङ् पाबाङा उन् आधिकार पिडुएसुए॥”

२ कोरिन्‌थि 1:22

हिट्‌नुङ् आनि उन्‍ङाना डोक् नुङ् निमेट्‌माउङ्‌सा उन्‍ङा सेङ्‌सेङ्‌ना हाङ्‌साङा उन्‍ङाना आङ्‌गुलिङाना छाप् आनि निङ्‌ग्‍वाङि आयुङ्‌साबिडेसे॥ नाड्‌डेउङ् सेङ्‌सेङ्‌ना हाङ्‌सा आपिडानाँ उन्‍ङाना ख्‍वाप्‍पा चामारसिङा आनि टोगुम्‍टुम्॥

एफिसि 1:13

हिट्‌नुङ् खानि पानिछोङ्‌बाचिङा चा ना नुना खाबोर हिट्‌ना मुक्‌टि आपिना छेम्‍बाना रिङ् आखेम्‍सुमुङ् खिरिस्‍टङि बिस्‍वास आचोगुम्‍मे॥ हिट्‌नुङ् जब खानिङा बिस्‍वास आचोगुम्‍मे, माङ्‌हाङ्‌ङा माङ्‌हुप् चोगुना सेङ्‌सेङ्‌ना हाङ्‌सा पाङ्‌सुङ् खानि उन्‍ङाना ओयाप्‌मिचि माचोगिना पारमान् मापिडिए॥

एफिसि 4:30

माङ्‌हाङ्‌ङाना सेङ्‌सेङ्‌ना हाङ्‌सा दुखे चाट्‌नेनुम्, पोङ्‌भोने सेङ्‌सेङ्‌ना ओहाङ्‌साङा डोक् खानि ठिक् लेम्‍बा माङ्‌हाङ्‌ङा छुट्‌कारा माचोगिटि नुङ् मापिडिना चिन्‍ना ए॥

१ थेसालोनिकि 1:9

आन्‍याँ खानिङि आबिङानाँ खानिङा खोड्‌डे पारिक् आन्‍याँ स्‍वागाट् याप्‌मि आचोगेना, हिट्‌नुङ् खानि साम्‍माङ्‌चि साम्‍माङ् चोक्‍मा आनाडुमुङ् उहिङ्‌ग्‍वाट् हिट्‌नुङ् छेम्‍बाना माङ्‌हाङ् सेवा चोक्‍मा आनोक्‌टिगा, हिट्‌ना रिङ्‌उम्‍टे हिट्‌नागा याप्‌मिचिङा डोक् ओमाट्‌टुएसुए॥

२ तिमोथि 2:19

टरो माङ्‌हाङ्‌ङाना ओजाग्‌उम्‍बाक् बोल्‍लेउना हिट्‌नुङ् जाखाम् लिनिना, हिट्‌नुङ् नाहि नाड्‌डे छेप्‍टेसे: “टाङ्‌बाङा ओयाप्‌मिचि मिसेन् निसुचिचि,” हिट्‌नुङ् “टाङ्‌बाङाना उनिङ् कालाप्‍बा सोब्‍बे ओचाफेन्‍ना टोॽवा चोक्‍मालाम्‍मा या युङ्‌मा कोन्‌युक्॥”

हिब्‍रु 12:22

टरो खानिम्‍टे सियोन झोन्‍झोबा हिट्‌ना यरुसलेम खालाङ्‌गाङि आटाइसे, हिट्‌नाउम् टोनालोग्‌ङि युङ्‌ग्‍वा॥ खानिम्‍टे उहिङ्‌ग्‍वाट् माङ्‌हाङ्‌ङाना खालाङ्‌गाङि आटाइसे, हिट्‌ना आड्‌डिक् जोम् माङ्‌हाङ् रिङ् काउग्‍बाचि उयुङ्‌ना डेन्, हिट्‌नि हिट्‌नागा उछुमाउङ् हारका लिसा उन्‍ङाना उनिङ् ओचोन्‍डुएट्‌टु॥

पारकास 1:3

जुन् याप्‌मिङा ना छाप्‍लाङि आङा छेप्‍टुएट्‌टुङ्‌ना माङ्‌हाङ्‌लाम्‍माना रिङ् उरिङ् ठेना चोगुङ् पोढाँ चोगुटु, हिट्‌नुङ् हिट्‌नागा रिङ् खेम्‍सुटु हिट्‌नुङ् बिस्‍वास चोगुटु, हिट्‌ना माङ्‌हाङ्‌ङा आसिक् पिडुटु, पोङ्‌भोने नागा रिङ् एला डोक् लियुक्॥

पारकास 10:1

हिट्‌नुङ्‌ना आङा आरको साक्‌तिसालि माङ्‌हाङ् रिङ् काउग्‍बा टोनालोग्‌लाम्‍मा उङ्‌सागेट्‌टाना निसुङे॥ हिट्‌नाङाना ओयेम् लोट्‌लिङ् गाड्‌डे डोक् खिमेमाङा टेप्‍टुएसुना डाना, हिट्‌नुङ् ओटेहेक्‌ङिम्‍बाक् फारकान्‍जा डाना॥ ओनाभाक् नाम् छेमा गाड्‌डे डोक् ओम्‍सेसाना, हिट्‌नुङ् ओलाङ्‌चि मि हाट्‌टाना ठोक्‍ला गाड्‌डे उनिङ्‌सागा डागा॥

पारकास 10:4

टाङ्‌साङ्‌ङि सि खेप् घुरुङ्‌बा मुक्‍टाना मे, आङा छेप्‍टुङ्‌लाबुङ्‌ना डाना, टरो टोनालोग्‌लाम्‍मा नाड्‌डे याङ्‌लोडाना सोरा मुक्‍टाना आङा खेम्‍सुङे, “टाङ्‌साङ्‌ङि सि खेप् घुरुङ्‌बाङा माट्‌टुना रिङ् छेप्‍टुन्, टरो ना रिङ् कानिङ्‌ग्‍वाङि डोक् ठोबुङ्‌युङ्‌सु॥”

पारकास 16:12

आरको छैंटौँ माङ्‌हाङ् रिङ् काउग्‍बाङा उन्‍ङाना ओखोरे हिट्‌ना ठेना युफेरटिस होङ्‌ङि हुङ्‌सुए, हिट्‌नुङ् पुरबालाम्‍मा हाङ्‌बाचि आप्‍माना लाम्‍बो उलियाक् नुङ् हिट्‌ना ठेना होङ्‌ङिना चुवा चोबाडे॥

पारकास 5:2

हिट्‌नुङ् हिट्‌नि माङ्‌बोल्‍लेउ ठिबाङ् माङ्‌हाङ् रिङ् काउग्‍बा ठेना ओसोरा चोगुङ् नाड्‌डे पिक्‍सा राट्‌टाना आङा निसुङे, “नागा छाप् लाहाब् चोक्‍बालाक् हेडुङ् छाप्‍लाङाना मुठा ओङ्‌मा योग्‍ए साक् वाहेट्‌ना?”

पारकास 8:3

हिट्‌नुङ् साम्‍याङ्‌ङाना धुपाउरो खुयुना आरको ठिबाङ् माङ्‌हाङ् रिङ् काउग्‍बा आबाउङ् बेदि सोरि येबे॥ हिट्‌नुङ् माङ्‌हाङ् ओयाप्‌मिचिगा बिन्‌टि चा ठाङ्‌मा लाउङ्‌सा सिङासान् सोरि लिसाना साम्‍याङ्‌ङाना बेदिङि धुपा हाट्‌मा जोम् धुपा उपिडुए॥

पारकास 9:14

हिट्‌ना धुटुरिबा काप्‍टुना छैटौँ माङ्‌हाङ् रिङ् काउग्‍बा हिट्‌ना सोराङा नाड्‌डे लोडोए, “युफेरटिस ओलोडुना ठेना होङ्‌ङिना ओधारङि माङ्‌हाङ्‌ङा रेक्‍टुचिगा टेम्‍बोक् जाना माङ्‌हाङ् रिङ् काउग्‍बाचि लेडानुम्‌चिम्॥”

पारकास 9:4

माङ्‌हाङ्‌ङा हिट्‌नागा नाराङिगा खोना चा राक्‍वा, झोरा आथाबा सिङ् उभुङ्‌माचि जाखाम् चोक्‍नेनुम्‌चिम्, टरो उन्‌चि नाम्‍ढाङ्‌ङि माङ्‌हाङ्‌ङाना छाप् मालेगा याप्‌मिचि एडोक् हान्‌ति चोगानुम्‌चिम् पिक्‍सा लोडुचे॥