पारकास 5:9 - आठपहरिया9 हिट्नागाँ नाड्डे पिक्सा ठिक् ओछोङ्ग्वाट् छाम्लो ओठाक्टुए, “ना छाप्लाङाना मुठा खान्ङा एडोक् काप्मा आहिडुटु हिट्नुङ् हिट्नागा छाप्चि ओङ्मा योग्ए खान् एडोक् ए, पोङ्भोने याप्मिचिङा खान् मासेडे, हिट्नुङ् खान्ङा काहेलिक् आवेडुङ् ख्वाप्पा छोङ्बाचि, खाले-खाले रिङ् काचेक्, सोब्बे याप्मिचि हिट्नुङ् ख्वाप्पा देसङिगा माङ्हाङ् लाउङ्सा छुट्कारा आपिडुचे॥ Faic an caibideil |
पारकास 5:9
41 Iomraidhean Croise
टरो खानिङा ना छेम्बाना रिङ्ङि बिस्वास चोगायाक्टानुम् हिट्नुङ् ना रिङ्ङि डोक् बोलियो लिसानिउङ् युङानि॥ खानिङा आखेम्सुम्ना नुना खाबोरङि आटोगुम्ना आसालाम्मा खोनालेङ् चा निङ्ग्वा पिनेनुम्॥ ना खाबोर डोक् नारा टेप्गा याप्मिचिलोङ्सा पारचार चोगाइसे॥ हिट्नुङ् आङा पावाल चा ना रिङ् पारचार चोक्माउङ्सा डोक् माङ्हाङ्ङाना ओसेवाक् लिसाइसाङे॥
आच्छोङि इस्राइलि याप्मिचि माझाङि माङ्जो रिङ् काचेक् माङ्काटाचि ओहोन्डे, हिड्नाड्डे डोक् खानि माझाङि चा माङ्जोगा रिङ् काहिसिक्बाचि ओटायुक्॥ हिट्नागाँ सोगोप् जाखाम् आचोक्ना माङ्जोगा रिङ् उहिसिक्टुचिचि हिट्नुङ् हिट्नागाँ उन्चि आप्पेलोङ्सा छुट्कारा कापिबा डाङ्बा चा इन्कार ओचोगुटु॥ हिट्नुङ् आप्पे उन्चि उठुङ्ङि एला डोक् जाखाम् चोक्माना रिङ् ओटाडुटु॥
हिट्नागाँ माङ्हाङ् ओसेवाक् मोसाङाना छाम्लोमा हिट्नुङ् थुमाङाना छाम्लोमा ओछाम्लोसेट्टागा, “माङ्हाङ् डाङ्बा, खान् सोब्बे नुङ्ना माङ्बोल्लेउ, हिट्नुङ् खान्ङा आचोगुना टोॽवा माङ्ठेना हिट्नुङ् डोङ् ठोङ्डिना ए॥ खान् सोब्बे छोङ्बाचिगा हाङ्बा ए, खान्ङागा सोब्बे टोॽवा सिधा हिट्नुङ् छेम्बागा ए॥
हिट्नुङ् टेम्बोक् उहिङ्ग्वाट् जिवाट्चि हिट्नुङ् ओठेडोङ्चिङा याम्बा-नायाम्बालाम्मा उपुप्टुना हिट्ना सिङासान्ङिना माझाङि ठिक् थुमा येबाइसाना आङा निसुङे॥ हिट्ना थुमाम्बाक् कोइङा भोक् उपिडुना गाड्डे निङ्साना॥ हिट्नाङाना सि गोटा ओटाङ् हिट्नुङ् सि गोटा उमिक्चि डागा॥ हिट्नागाम्बाक् माङ्हाङ्ङा ख्वाप्पा नाराङि पाङ्सुचिगा सि गोटा ओहाङ्साचि ए॥
Sanasan