पारकास 3:8 - आठपहरिया

⁸ खानिङा आचोगुम्‍ना टोॽवा आङा लाउङ्‌सा ठाहा युङ्‌ग्‍वा॥ खेम्‍सानुम्, आङा खानि सोरि ढुवारिक् ओङ्‌सुएसुङे, हिट्‌ना ढुवारिक् साङा चा छाक्‍मा उहिडुन्‍ना॥ खानिलोक् आङाना सेवा चोक्‍माना याप्‍मा बोल् वाइना नुङ् आङा ठाहा टोगुङ्‌टुङ्, टरो चा खानिङा आरिङ् आखेम्‍सुम्‍मे हिट्‌नुङ् आङि बिस्‍वास चोक्‍मा आनानिम्‍गेट्‌निम्‍ना॥

पारकास 3:8 Iomraidhean Croise

लुका 12:9

टरो खोनाङा आङा याप्‌मिचि सोरि इन्‍कार याङ्ओचोक्‌युक्, हिट्‌नागा आङा चा माङ्‌हाङ्‌ङाना माङ्‌हाङ् रिङ् काउग्‍बाचि टोकानाङि इन्‍कार चोगुङ्‌चिङ्‌चिङ्॥

युहान्‍ना 15:20

आङा खानि लोनानिगा रिङ् मिट्‌टानुम्, ‘चाकार ओडाङ्‌बा नुङ्‌ना ठेना लिनिना॥’ हिट्‌नागाँ आङा याङ्‌छामा ओचाट्‌टाङे भोने, खानि चा याङ्‌छामा माचाट्‌टिटि॥ हिट्‌नागाँ आङाना रिङ् ओखेम्‍सुए भोने, खानिङा आमाटुम्‍गा रिङ् चा ओखेम्‍सुटु॥

युहान्‍ना 17:6

“ना नारालाम्‍मा आङा खान्‍ङा याङ्आपिडाना याप्‌मिचि खान्‍ङाना कानिङ् मिसेन् निमेट्‌टुएसुङ्‌चिङे॥ हिट्‌नागा खान्‍ङागा ओडागा, हिट्‌नुङ् खान्‍ङा हिट्‌नागा आङा याङ्‌आपिडाङे, हिट्‌नुङ् हिट्‌नागाँ खान्‍ङाना कारिङ् पालान् ओचोगुएसुए॥

मुलिचेला टोॽवा 14:27

एन्‌टिओखियाङि नोक्‍टा टायाचिउङ् हिट्‌नागाचिङा माङ्‌पाङ्‌ङिगा सोब्‍बे याप्‌मिचि छेम्‍डाचुचे॥ हिट्‌नुङ् माङ्‌हाङ्‌ङा उन्‌चिलाम्‍मा चोगुना टोॽवा बारेङि ख्‍वाप्‍पा रिङ् माट्‌टाचुए, हिट्‌नुङ् खोड्‌डे पारिक् पानिछोङ्‌बाचि लोङ्‌सा चा उन्‍ङा बिस्‍वास चोक्‍माना लाम्‍बो टेयार चोगुएना हिट्‌ना रिङ् चा माट्‌टाचुए॥

१ कोरिन्‌थि 16:9

पोङ्‌भोने हिट्‌नि आङा टाङ्‌बाङाना टोॽवा चोक्‍माउङ्‌सा ठिक् ठेना छेक् टोगुएसुङे, हिट्‌नुङ् हिट्‌नि बिरोध काचोक् याप्‌मिचि चा जोम् ओवाहेट्॥

२ कोरिन्‌थि 2:12

जब आङा तोरआस खालाङ्‌गाङि खिरिस्‍टङाना बिसाएङि नुना खाबोर खेम्‍मेप्‍मा खाडाङे हिट्‌नि टाङ्‌बाङा डोक् आङा ओटोॽवा चोक्‍माना छेक् याङ्‌पिडे॥

फिलिप्‌पि 4:13

खिरिस्‍टङा याङ्‌पिडाना साक्‌तिङा डोक् आङा नागा सोब्‍बे रिङ् चोक्‍मा हिडुङ्‌टुङ्॥

कालास्‌सि 4:3

हाट्‌ले खिरिस्‍टङाना हिट्‌ना ठोबाना रिङ् बारेङि याप्‌चि खेम्‍मेप्‍माचि लोङ्‌सा माङ्‌हाङ्‌ङा पारचार चोक्‍माना लाम्‍बो टेयार आचोक्‌युबियाक् नुङ् आन्‍याँ लोङ्‌सा चा बिन्‌टि याप्‌मि ठाङ्‌साबिडानि॥ ना रिङ् लाउङ्‌सा डोक् आङा हाट्‌ले खाम्‍बाङ्‌ङि ठाइसाङे॥

१ तिमोथि 5:8

टरो कोइङा आप्‍पे ओनातेदारचि हिट्‌नुङ् हिट्‌नि चा आप्‍पे ओपाङ्‌ठाङ्‌ङिगा याप्‌मिचि नुलोक् पुयुन्‌चिन्‍गा भोने, हिट्‌ना छेम्‍बाना बिस्‍वासि माखाक्, हिट्‌नुङ् हिट्‌ना याप्‌मि बिस्‍वास काचोक्‌निबा नुङ्‌ना चा ओचाफेन्‍ना लियुक्॥

२ तिमोथि 4:7

पिम्‍माना टोॽवाङि आङा नुलोक् पिन्‍डेसाङे॥ आङा पिम्‍माना टोॽवा हिडुएसुङे, हिट्‌नुङ् आङा बिस्‍वास जोगाँ चोगुएसुङे॥

याहुदा 1:4

आङा ना रिङ् माट्‌टुङ्‌टुङ् पोङ्‌भोने कोइ-कोइ याप्‌मिचि खानि माझाङि सोगोप् उलिगाइसे, हिट्‌नागाँ माङ्‌हाङ् डोक् मान् ओचोगुन्‍ना॥ हाट्‌ले माङ्‌हाङ्‌ङा आनि लुक्‍मा आटुक्‍टानाँ सोब्‍बे ओभेन्‍गा टोॽवा चोक्‍मा आनि आपिडाइसे नुङ् हिट्‌नागा उपिग्‍गा, हिट्‌नुङ् आनिना ठिबाङ् एना डाङ्‌बा हिट्‌नुङ् टाङ्‌बा येसु खिरिस्‍ट इन्‍कार ओचोगुना॥ याप्‍मा बारखा पाइले नागा याप्‌मिचि फाट्‌टुर ओलाबुचिगा रिङ् धारमाछाप्‍लाङि छेप्‍टेसे॥

पारकास 2:13

खानि सैतानङा सासान् चोगुना डेन्‌ङि आयुङिगा नुङ् आङा ठाहा टोगुङ्‌टुङ्॥ टरोचा खानिङा आङा आझै बिस्‍वास आचोगियाक्‌टिङे॥ हिट्‌नुङ् आङाना बारेङि पारचार काचोक् बिस्‍वासिलो एन्‌टिपासलाउङ्‌सा पाक् लिसेना हिट्‌ना रिङ् आङा ठाहा टोगुङ्‌टुङ्॥ एन्‌टिपासलाउङ्‌सा याप्‌मिचिङा सैतानङा सासान् चोगुना खानि खालाङ्‌गाङि ओसेडुचा खानिङा आङि बिस्‍वास चोक्‍मा आनानेट्‌निम्॥

पारकास 2:2

खानिङा आचोगुम्‍ना सोब्‍बे थोक् आङा ठाहा टोगुङ्‌टुङ्॥ खानिङा आचोगुम्‍ना टुक्‍लोक् टोॽवा हिट्‌नुङ् खानिगा आङ्‌मा हिमाना बोल् आङा निसुङ्‌टुङ्॥ हिट्‌नुङ् खानिङा ओभेन्‍ना रिङ् काचोक्‍बा याप्‌मिचि चिम्‍मा आफुट्‌टुम्‌चिगा आङा ठाहा टोगुङ्‌टुङ्, हिट्‌नुङ् खानिङा हिट्‌नागा मुलिचेलाचि नुङ् उपिग्‍गा याप्‌मिचिगा बिस्‍वास जाँच आचोगुम्‍मे, हिट्‌नुङ् हिट्‌नागा माङ्‌जो उपिग्‍येट्‌गा रैछो नुङ् ठाहा आटोगुम्‍मे॥

पारकास 22:7

येसुङा सोब्‍बे याप्‌मिचि लोडुचिचि, “खेम्‍सानुम्, आङा एला डोक् उङ्‌ङा॥ ना छाप्‍लाङि छेप्‍टागा माङ्‌हाङ्‌लाम्‍माना रिङ् पालान् काचोक्‌चि सोब्‍बे लाउङ्‌सा माङ्‌हाङ्‌ङा जोम् आसिक् पिडुचिचि॥”

पारकास 3:1

“सारडिस खालाङ्‌गाङिना माङ्‌पाङ्‌ङिना माङ्‌हाङ् रिङ् काउग्‍बा लाउङ्‌सा ना खाबोर छेप्‍टु॥ ना खाबोरम्‍बाक् माङ्‌हाङ्‌ङाना सि टेप्‍मा हाङ्‌सा लोक् सि टेप्‍मा चोक्‌चिङ्‌गेट्‌चि लिसानाँ माट्‌टुना ए॥ उन्‍ङा माट्‌टुटु, ‘खानि टोॽवा आङा ठाहा टोगुङ्‌टुङ्॥ याप्‌मिचिङा खानि उहिङ्‌ग्‍वाट् डोक् आवासेट्‌टि नुङ् मालोडिगा, टरो खानि बिस्‍वास भोनेउम्‍टे सियाडाना ए॥’

पारकास 3:10

ना नाराङि उयुङ्‌गा सोब्‍बे याप्‌मिचि जाँच् चोक्‍मा टाना आड्‌डिक् ठेना याङ्‌छामालाम्‍मा आङा खानि जोगाँ चोक्‍नाँनि, पोङ्‌भोने खानिङा याप्‍मा याङ्‌छामा आङ्‌डुमुङ् आङाना आग्‍याँ पालान् आचोगुएसुम्‍मे॥

पारकास 3:15

“खानिङा आचोगुम्‍ना टोॽवा आङा लाउङ्‌सा ठाहा युङ्‌ग्‍वा॥ खानि चुवा गाड्‌डे तातो चा माखाक्, चिसो चा माखाक्॥ खानि तातो आथाबा चिसो आलिसिना बे ओचेट्‌नु लिसे॥

पारकास 3:7

“फिलाडेल्‌फिया खालाङ्‌गाङिना माङ्‌पाङ्‌ङिना माङ्‌हाङ् रिङ् काउग्‍बा लाउङ्‌सा ना खाबोर छेप्‍टु॥ हिट्‌नुङ् ना खाबोरम्‍बाक् सेङ्‌सेङ्‌ना हिट्‌नुङ् छेम्‍बाङाना ए॥ याप्‍मा बारखा पाइले दाउद हाङ्‌बाङा सासान् चोगु गाड्‌डे डोक् उन्‌लोक् चा सासान् चोक्‍माना बोल् युङ्‌ग्‍वा॥ उन्‍ङा ढुवारिक् ओङ्‌सुटु भोने, साङा चा छुप्‍मा उहिडुन्‍ना॥ उन्‍ङा ढुवारिक् छुप्‍टुटु भोने, खोनाङा चा ओङ्‌मा उहिडुन्‍ना॥