पारकास 3:3 - आठपहरिया

³ हिट्‌नुङ् पाइले खानिङा जे रिङ् आखेम्‍सुमुङ् बिस्‍वास आचोगुमे हिट्‌ना मिट्‌टानुम्॥ खानिङा जे रिङ् सिकाँ आलिसिए हिट्‌ना पालान् चोगानुम्, हिट्‌नुङ् खानि पापलाम्‍मा काएल्-काबु लिसानि॥ खानि ओछेक्‍छेक् आचोगेट्‌टिन् भोने, आङा चोर गाड्‌डे डोक् उङ्‌ङा, हिट्‌नुङ् आङा खोना बेला खानिङि उङ्‌ङाना हिट्‌ना खानिङा ठाहा डोक् आटोक्‌निम्‍ना॥

पारकास 3:3 Iomraidhean Croise

मात्‌ति 25:13

हिट्‌नुङ् येसुङा माट्‌टुए, “हिट्‌नाड्‌डेउङ् खानि ओछेक्‍छेक् लिसानिउङ् युङानि, पोङ्‌भोने आङा नोक्‍ङा उङ्‌ङाना हिट्‌ना लेम्‍बा हिट्‌नुङ् बेला खानिङा ठाहा आटोक्‌निम्‍ना॥

मारकुस 13:33

हिट्‌डेउङ् खानि ओछेक्‍छेक् चोगानिउङ् युङानि, पोङ्‌भोने हिट्‌ना बेला खोना बेला टायुक्‍ना हिट्‌ना खानिङा ठाहा आटोक्‌निम्‍ना॥

मारकुस 13:36

हिट्‌नुङ् उन् इक्‌किनाँ होन्‍डा टाए भोने, खानि आइम्‌सिएसिगा माटुबि ए॥

१ थेसालोनिकि 5:2

पोङ्‌भोने युसा याङ्‌काखुट् टाया गाड्‌डे डोक् टाङ्‌बा उङ्‌ना लेम्‍बा ठाहा डोक् मिटोक्‍ङे टायुक् नुङ् खानिङा नुलोक् ठाहा आटोगुएसुम्‍मे॥

१ तिमोथि 6:20

तिमोथि, खान् काजिम्‍माङि मापिडाना रिङ् ओचेट्‌नुलोक् पुयु॥ बिथाँङिगा हिट्‌नुङ् मुरखा रिङ्‌पान् हिट्‌नुङ् छेम्‍बाना हिसिक्‍मा बिरोधङि ओकोबागा याप्‌मिचिगा रिङ् नाडु॥ हिट्‌नागाँ उन्‌चि हिसिक्‍माम्‍बाक् “ठोना” नुङ् ओमाट्‌टुना हिट्‌नाम्‍बाक् छेम्‍बाना माखाक्॥

२ तिमोथि 1:13

खिरिस्‍ट येसुङि लिसाना बिस्‍वास लोक् मायाङि खान्‍ङा आङालाम्‍मा आखेम्‍सुगा नागा छेम्‍बागा रिङ्‌चिगा नामुनाङाना सिको चोगु॥

हिब्‍रु 2:1

हिट्‌नाड्‌डेउङ् छेम्‍बाना रिङ् बारेङि आनि जे खेम्‍सुएसुम्‍मे हिट्‌ना आझै नुलोक् निङ्‌ग्‍वा पिडुमुङ् खेम्‍मा कोन्‌युक्, हिट्‌नुङ् एरोक् आनि हिट्‌नालाम्‍मा खोनालेङ् चा नोक्‌टिन्‍गा॥

२ पाटरुस 1:13

आङा हिङ्‌ङालोक् सोम्‍मा खानिलोङ्‌सा नागा रिङ् सोरोक् यान्‍दा चोक्‍मा मेट्‌मा ओचेट्‌नुयुक् नुङ् आङा मिट्‌टुङे॥

२ पाटरुस 3:1

मायालु आसाइबाचि, ना खानिलोङ्‌सा आङा दोस्‍रो खेप् छेप्‍टुङ्‌ना चिट्‌ठि ए, ना इप्‍पोक् चिट्‌ठिङि डोक् आम्‍टेप्‍मा रिङ्‌चि मिप्‍माउङ्‌सा खानिगा चोखो निङ्‌ग्‍वालोङ्‌सा आँट् पिमा कोलुएसुङे॥

२ पाटरुस 3:10

टरो टाङ्‌बाङाना लेम्‍बाउम् टे खोनाङा चा ठाहा ओटोगुन्‍लोक् याङ्‌काखुट् गाड्‌डे डोक् टायुक्॥ हिट्‌ना बेला टाङ्‌साङ्‌ङि ठेना सोरा मुक्‌युक्, हिट्‌नुङ् टाङ्‌साङ्‌म्‍बाक् मायुक्॥ टाङ्‌साङ्‌ङिगा सोब्‍बे थोक्‌चि मिङि टुन्‌युङ् जाखाम् उलियुक्, हिट्‌नुङ् नारा हिट्‌नुङ् नाराङि उलिसागा सोब्‍बे थोक् जाखाम् उलियुक्॥

पारकास 16:15

“खेम्‍सानुम्, खानिङा ठाहा डोक् मिटोक्‍ङे याङ्‌काखुट् गाड्‌डे डोक् आङा उङ्‌ङा॥ जुन् याप्‌मि ओछेक्‍छेक् चोक्‌युङ् ओलोट्‌लिङ् जोगाँ चोगुङ् युङ्‌ना याप्‌मि गाड्‌डे युङ्‌युक्, हिट्‌ना आसिक् टोगुना याप्‌मि लियुक्, पोङ्‌भोने हिट्‌ना एकेलिपोट् लाम्‌टिमा कोन्‌निना हिट्‌नुङ् याप्‌मिचि सोरि मोम्‍मासिमा कोन्‌निना॥”

पारकास 2:25

टरो आङा फेरि उङ्‌निङ्‌लोक् सोम्‍मा खानि बिस्‍वास आङि बोल्‍लेउ चोगानुम्॥

पारकास 2:5

खानिङा पाइले इम्‍टेप्‍मा याप्‍मा माया आचोगिएगा हिट्‌ना रिङ् मिट्‌टानुम्, हिड्‌डेउङ् हाट्‌ले खानिङा खानि निङ्‌ग्‍वा फेराँ चोक्‍मा कोन्‌युक् हिट्‌नुङ् पाइले आचोगुम् गाड्‌डे डोक् चोगानि॥ टरो खानि निङ्‌ग्‍वा फेराँ आचोक्‍नेट्‌निम् भोने, आङा खानि सोरि उङ्‌ङा हिट्‌नुङ् खानिङा आचोगुम्‍ना कुपिदानि हिट्‌नालाम्‍मा होट्‌टुङ्‌डिसुङ्‌टुङ्॥

पारकास 22:7

येसुङा सोब्‍बे याप्‌मिचि लोडुचिचि, “खेम्‍सानुम्, आङा एला डोक् उङ्‌ङा॥ ना छाप्‍लाङि छेप्‍टागा माङ्‌हाङ्‌लाम्‍माना रिङ् पालान् काचोक्‌चि सोब्‍बे लाउङ्‌सा माङ्‌हाङ्‌ङा जोम् आसिक् पिडुचिचि॥”

पारकास 3:11

आङा नाराङि एला डोक् उङ्‌साङ्‌लाबाङे॥ खानिङा आटोगुम्‍ना खाबोर नुलोक् जोगाँ चोगानुमुङ् युङ्‌सानुम्, हिट्‌डेउङ् खानि लाउङ्‌सा युङ्‌ग्‍बालाक् इनाम् आरु खोनाङा चा खाप्‍मा उहिडुन्‍ना॥

पारकास 3:19

आङा माया चोगुङ्‌चिङ्‌गा लाउङ्‌सा खेमा लाप्‍टुङ्‌चिङ्‌चिङ् हिट्‌नुङ् साधाँ चोगुङ्‌चिङ्‌चिङ्॥ हिट्‌डेउङ् पापलाम्‍मा खानि काएल्-काबु लिसानि हिट्‌नुङ् नुना टोॽवा चोक्‍मा जागारुक् लिसानि॥

पारकास 3:2

हिट्‌नाडेउङ् ओछेक्‍छेक् चोगानि, खानिलोक् लिसाना लाट्‌टालाबाना बिस्‍वास बोल्‍लेउ चोगानुम्, पोङ्‌भोने आङाना माङ्‌हाङ्‌ङा ओनाभाक्‌ङि काटोॽवाचि खान्‍ङा पुरो चोक्‍मा आहिडुन्‍गेट्‌टुन्‍ना नुङ् आङा ठाहा टोगुएसुङे॥