पारकास 3:2 - आठपहरिया

² हिट्‌नाडेउङ् ओछेक्‍छेक् चोगानि, खानिलोक् लिसाना लाट्‌टालाबाना बिस्‍वास बोल्‍लेउ चोगानुम्, पोङ्‌भोने आङाना माङ्‌हाङ्‌ङा ओनाभाक्‌ङि काटोॽवाचि खान्‍ङा पुरो चोक्‍मा आहिडुन्‍गेट्‌टुन्‍ना नुङ् आङा ठाहा टोगुएसुङे॥

पारकास 3:2 Iomraidhean Croise

मात्‌ति 23:5

“नागाँ उन्‌चिगा ख्‍वाप्‍पा टोॽवा याप्‌मिचि निमेप्‍मा लोङ्‌सा एरोक् ओचोगुटु॥ हिट्‌नागाँ धारमाछाप्‍लाङिगा रिङ् ठेट्‌लोक् ठे-ठेगा ओछेप्‍टुङ् उन्‌चि नाम्‍धाङ्‌ङि हिट्‌नुङ् उन्‌चि पासुलाङि ओवाडुगा, हिट्‌नुङ् उन्‌चि लोट्‌लिङ्‌ङि केगा-केगा फुरका ओचोगुगा॥

मात्‌ति 25:13

हिट्‌नुङ् येसुङा माट्‌टुए, “हिट्‌नाड्‌डेउङ् खानि ओछेक्‍छेक् लिसानिउङ् युङानि, पोङ्‌भोने आङा नोक्‍ङा उङ्‌ङाना हिट्‌ना लेम्‍बा हिट्‌नुङ् बेला खानिङा ठाहा आटोक्‌निम्‍ना॥

मात्‌ति 25:7

हिट्‌नुङ् हिट्‌नागा सोब्‍बे कान्‍नेएचि ओचेन्‍डे, हिट्‌नुङ् आ-आप्‍पे उन्‌चि कुपि टेयार ओचोगुए॥

मुलिचेला टोॽवा 18:23

हिट्‌नुङ् हिट्‌नि होप्‍मो लेम्‍बा सोम्‍मा युङे॥ हिट्‌नुङ्‌ना उन् गालातिया लोक् फिरगिया छेट्‌रा टेप् लाम्‌टियाउङ् हिट्‌निगा सोब्‍बे बिस्‍वासिचि बिस्‍वासङि बोल्‍लेउ लिसानि पिक्‍सा आँट् पिडुचे॥

१ पाटरुस 4:7

हिट्‌नुङ् ख्‍वाप्‍पा रिङ्‌ङाना आन्‍ते लिसा डोक् लाबे॥ हिट्‌नाड्‌डेउङ् खानि निङ्‌ग्‍वा रेक्‍टानुमुङ् ओछेक्‍छेक् लिसानिउङ् बिन्‌टि चोगानि॥

१ पाटरुस 5:8

ओछेक्‍छेक् युङानि हिट्‌नुङ् ओचाप्‍पाङ् लिसानि॥ खानि साट्‌टुर सैतान खोना टुबुङुङ् जाखाम् चोगुङ् नुङ् गुरलुम् गुरलुम् राट्‌ना किबा गाड्‌डे डोक् सुक्‍सा वायुगोन्॥

पारकास 16:15

“खेम्‍सानुम्, खानिङा ठाहा डोक् मिटोक्‍ङे याङ्‌काखुट् गाड्‌डे डोक् आङा उङ्‌ङा॥ जुन् याप्‌मि ओछेक्‍छेक् चोक्‌युङ् ओलोट्‌लिङ् जोगाँ चोगुङ् युङ्‌ना याप्‌मि गाड्‌डे युङ्‌युक्, हिट्‌ना आसिक् टोगुना याप्‌मि लियुक्, पोङ्‌भोने हिट्‌ना एकेलिपोट् लाम्‌टिमा कोन्‌निना हिट्‌नुङ् याप्‌मिचि सोरि मोम्‍मासिमा कोन्‌निना॥”

पारकास 2:4

टरो खानि बिरुद्‌दाङि ठिक् रिङ् लोमाना रिङ् आङालोक् युङ्‌ग्‍वा, खानिङा पाइले गाड्‌डे माया चोक्‍मा आनाडुएसुम्‍मे॥

पारकास 3:1

“सारडिस खालाङ्‌गाङिना माङ्‌पाङ्‌ङिना माङ्‌हाङ् रिङ् काउग्‍बा लाउङ्‌सा ना खाबोर छेप्‍टु॥ ना खाबोरम्‍बाक् माङ्‌हाङ्‌ङाना सि टेप्‍मा हाङ्‌सा लोक् सि टेप्‍मा चोक्‌चिङ्‌गेट्‌चि लिसानाँ माट्‌टुना ए॥ उन्‍ङा माट्‌टुटु, ‘खानि टोॽवा आङा ठाहा टोगुङ्‌टुङ्॥ याप्‌मिचिङा खानि उहिङ्‌ग्‍वाट् डोक् आवासेट्‌टि नुङ् मालोडिगा, टरो खानि बिस्‍वास भोनेउम्‍टे सियाडाना ए॥’

पारकास 3:3

हिट्‌नुङ् पाइले खानिङा जे रिङ् आखेम्‍सुमुङ् बिस्‍वास आचोगुमे हिट्‌ना मिट्‌टानुम्॥ खानिङा जे रिङ् सिकाँ आलिसिए हिट्‌ना पालान् चोगानुम्, हिट्‌नुङ् खानि पापलाम्‍मा काएल्-काबु लिसानि॥ खानि ओछेक्‍छेक् आचोगेट्‌टिन् भोने, आङा चोर गाड्‌डे डोक् उङ्‌ङा, हिट्‌नुङ् आङा खोना बेला खानिङि उङ्‌ङाना हिट्‌ना खानिङा ठाहा डोक् आटोक्‌निम्‍ना॥