पारकास 3:12 - आठपहरिया

¹² “जुन्‍ङा दुस्‍टा मेट्‌टुटु, हिट्‌ना आङाना माङ्‌हाङ् ओटोकानाङि मान् चोगुङ्‌टुङ्॥ हिट्‌ना सोरोक् हिट्‌नि लियुयाक्‌युक् हिट्‌नुङ् खोना बेला चा होन्‌निना॥ आङा हिट्‌नाङि आङाना माङ्‌हाङ् उनिङ् हिट्‌नुङ् उन्‍ङाना खालाङ्‌गा उनिङ् छेप्‍टुङ्‌बिडुङ्‌टुङ्, हिट्‌नाम्‍बाक् आमाङ्‌हाङ्‌लाम्‍मा टोनालोग्‌लाम् उङ्‌युगेट्‌ना ओछोङ्‌ग्‍वाट् यरुसलेम ए॥ हिट्‌नुङ् हिट्‌नाङि आप्‍पे आङाना ओछोङ्‌ग्‍वाट् आनिङ् चा छेप्‍टुङ्‌टुङ्॥

पारकास 3:12 Iomraidhean Croise

मारकुस 12:16

हिट्‌नागाँ ठिक् रुपाक् राङ् ओआप्‍टुङ् उपिडुए॥ हिट्‌नुङ् उन्‍ङा हिट्‌नागा सिलाप्‍टुचे, “नाहि साङाना निङ् लोक् छाप् केङ्‌ग्‍वाना?” हिट्‌नागाँ “कैसारङाना ओलोडुए॥”

गालाति 2:9

हिट्‌नुङ् माङ्‌पाङ्‌ङिगा याप्‌मिचिङा हिट्‌नागा ओठेडोङ्‌चि नुङ् मिसेन् उनिसुचिगा याप्‌मिचिङा ना टोॽवा माङ्‌हाङ्‌ङा आङा याङ्‌पिडाना रिङ् ठाहा ओटोगुएसुए॥ हिट्‌नुङ् हिट्‌नागाँ आङालोक् बारनाबास चा टाङ्‌बाङाना सेवा चोक्‍मा लाउङ्‌सा स्‍वागाट् याप्‌मिओचोगे॥ हिट्‌नागाँ आन्‍च्‍याँम्‍बाक् पानिछोङ्‌बाचिङि नुना खाबोर पारचार चोक्‍मा हिट्‌नुङ् उन्‌चिम्‍बाक् याहुदिचिङि नुना खाबोर पारचार चोक्‍माउङ्‌सा ओटोङ्‌सुए॥

एफिसि 3:15

टोनालोग् हिट्‌नुङ् नाराङि उलिसागा ख्‍वाप्‍पा थोक् सिरिस्‌टि काचोक्‍बा उन् ए॥

हिब्‍रु 12:22

टरो खानिम्‍टे सियोन झोन्‍झोबा हिट्‌ना यरुसलेम खालाङ्‌गाङि आटाइसे, हिट्‌नाउम् टोनालोग्‌ङि युङ्‌ग्‍वा॥ खानिम्‍टे उहिङ्‌ग्‍वाट् माङ्‌हाङ्‌ङाना खालाङ्‌गाङि आटाइसे, हिट्‌ना आड्‌डिक् जोम् माङ्‌हाङ् रिङ् काउग्‍बाचि उयुङ्‌ना डेन्, हिट्‌नि हिट्‌नागा उछुमाउङ् हारका लिसा उन्‍ङाना उनिङ् ओचोन्‍डुएट्‌टु॥

हिब्‍रु 13:14

पोङ्‌भोने ना नाराङि सोरोक् लियुयाक्‍ना युङ्‌माना आनि लोङ्‌सा खालाङ्‌गा वाइना, टरो आनिम्‍टे हान्‍डेङ् टाना खालाङ्‌गा पुयुएट्‌टुम्॥

१ युहान्‍ना 4:4

खानि आइछाचि गाड्‌डेगा, खानिम्‍बाक् माङ्‌हाङ्‌ङाना ओयाप्‌मिचि, हिट्‌नुङ् खानिङा हिट्‌नागा माङ्‌जो रिङ् काहिसिक्‍बाचि आमेट्‌टुम्‌चिम्‍मे, पोङ्‌भोने खानिलोक्‍ना सेङ्‌सेङ्‌ना हाङ्‌साम्‍बाक् नाराङि लिसाना हाङ्‌सा नुङ्‌ना माङ्‌ठेना ए॥

पारकास 14:1

हिट्‌नुङ् आङा थुमा गाड्‌डे डोक् निङ्‌साना सियोन झोन्‍झोन्‍बाङि येबैसाना निसुङे॥ उन्‌लोक् एक लाख चावालिस हाजार याप्‌मिचि ओडागा॥ कोइङा हिट्‌नागाँगा उन्‌चि नाम्‍धाङ्‌ङि थुमाङाना उनिङ् हिट्‌नुङ् माङ्‌हाङ् पाबाङाना उनिङ् ओछेप्‍टुबिडुचे॥

पारकास 17:14

हिट्‌ना जिवाट् हिट्‌नुङ् ठिमेक् हाङ्‌बाचि माङ्‌हाङ्‌ङाना थुमा बिरुद्‌दाङि उचुङ्‌युक्, टरो थुमा लोक् उन् बिस्‍वास काचोक्‌चिङा हिट्‌नागा ओमेट्‌टुचिचि, पोङ्‌भोने उन् डाङ्‌बाचिगा टाङ्‌बा हिट्‌नुङ् हाङ्‌बाचिगा हाङ्‌बा ए॥ थुमालोक् उलिसागा बिस्‍वासिचिम्‍बाक् माङ्‌हाङ्‌ङा छेम्‍डुचिगा, सेगुचिगा हिट्‌नुङ् बिस्‍वासिलो उलिसाउङ् उन्‍ङाना सेवा काचोक् याप्‌मिचि ए॥”

पारकास 2:11

“खानि सोब्‍बेलोक् खेम्‍माना नुभेक् युङ्‌ग्‍वा, हिट्‌डेउङ् माङ्‌हाङ् ओहाङ्‌साङा खानि माङ्‌पाङ्‌ङिगा लाउङ्‌सा पाक् मालोडिटिगा हिट्‌ना नुलोक् खेम्‍सानुम्॥ जुन् याप्‌मिङा सैतान मेट्‌टुटु, हिट्‌ना आरको खेप् सिमा कोन्‌निना॥

पारकास 2:17

“खेम्‍माना नुभेक् लोक्‍गाङा सेङ्‌सेङ्‌ना हाङ्‌साङ्‌ङा खानि माङ्‌पाङ्‌ङिगा लाउङ्‌सा पाक् मालोडिटिगा नुलोक् खेम्‍सानुम्॥ जुन्‍ङा दुस्‍टा मेट्‌टुटु, हिट्‌ना आङा टोनालोग्‌ङि ठोप्‍बालाक् मोन्‍ना पिडुङ्‌टुङ्॥ हिट्‌नुङ् आङा हिट्‌ना ओछोङ्‌ग्‍वाट् निङ् छेप्‍टाना ठिक् फुट्‌ना लुङ्‌गेॽवा चा पिडुङ्‌टुङ्॥ जुन्‍ङा हिट्‌ना लुङ्‌गेॽवा टोगुटु हिट्‌नाँ एडोक् हिट्‌ना निङ् निसुटु॥”

पारकास 2:7

“खानि सोब्‍बेलोक् खेम्‍माना नुभेक् युङ्‌ग्‍वा, हिट्‌डेउङ् माङ्‌हाङ् ओहाङ्‌साङा खानि माङ्‌पाङ्‌ङिगा लाउङ्‌सा पाक् मालोडिटिगा हिट्‌ना नुलोक् खेम्‍सानुम्॥ हिट्‌नुङ् जुन् याप्‌मिङा दुस्‍टाङाना ओसाक्‌ति मेट्‌टुटु हिट्‌ना आङा माङ्‌हाङ्‌ङाना टोनालोग्‌ङिना बाकेंचाङि लिसाना चोला आपिना सिङ् उभुङ्‌माङि केङ्‌ग्‍वाना टुल्‍फुल चामा पिडुङ्‌टुङ्॥

पारकास 21:2

हिट्‌नुङ् आङा सेङ्‌सेङ्‌ना खालाङ्‌गा ओछोङ्‌ग्‍वाट् यरुसलेम निसुङे, हिट्‌ना टोनालोग्‌ङि माङ्‌हाङ्‌लाम्‍मा नाराङि उङ्‌सागेट्‌टाना॥ हिट्‌ना खालाङ्‌गा बेउला टुब्‍मा सिङ्‌गार लिसाना बेहुलि गाड्‌डे डोक् टेयार लिसाना आङा निसुङे॥

पारकास 22:4

हिट्‌नागाँ माङ्‌हाङ् ओनाभाक् उनिसुटु, हिट्‌नुङ् उनिङ् उन्‌चि नाम्‍ढाङ्‌ङि लियुक्॥

पारकास 3:5

जुन् याप्‌मिङा दुस्‍टा मेट्‌टुटु, हिट्‌ना आङा फुट्‌टुम्‍बुरि फुट्‌ना लोट्‌लिङ् मेट्‌टुङ्‌टुङ्॥ हिट्‌नुङ् हिट्‌नाङाना उनिङ् खोना बेला चा लाट्‌नि चोलाङाना छाप्‍लालाम्‍मा होट्‌निङ्‌ना॥ टरो आङाना पाबा हिट्‌नुङ् उन्‍ङाना सोब्‍बे माङ्‌हाङ् रिङ् काउग्‍बाचि सोरि हिट्‌ना आयाप्‌मि ए नुङ् लोडुङ्‌टुङ्॥