पारकास 3:1 - आठपहरिया1 “सारडिस खालाङ्गाङिना माङ्पाङ्ङिना माङ्हाङ् रिङ् काउग्बा लाउङ्सा ना खाबोर छेप्टु॥ ना खाबोरम्बाक् माङ्हाङ्ङाना सि टेप्मा हाङ्सा लोक् सि टेप्मा चोक्चिङ्गेट्चि लिसानाँ माट्टुना ए॥ उन्ङा माट्टुटु, ‘खानि टोॽवा आङा ठाहा टोगुङ्टुङ्॥ याप्मिचिङा खानि उहिङ्ग्वाट् डोक् आवासेट्टि नुङ् मालोडिगा, टरो खानि बिस्वास भोनेउम्टे सियाडाना ए॥’ Faic an caibideil |
पारकास 3:1
30 Iomraidhean Croise
खानि भातेर आचोगिनाँ चासिङा ओटागा नागा आड्डिक् किट्टुम्चिगा लोक् ओभेन्गा याप्मिचि ए॥ नागा खानिलोक् चासिङा उयुङ्नाँ हिट्नागाँ आरु खेम्गेन्डोक् ओलाप्टुन्चिन्गा, हिट्नुङ् उन्चि माभोक् एरोक् उइप्टुगा॥ हिट्नागा हिॽवाङा मुट्टुना चुवा मालेना खिमेमा गाड्डेगा ए॥ हिट्नागा टुल्फुल केङ्मा बेला टुल्फुल केङुन्ना ओजारालाम्मा डोक् आङ्साउङ् खेरेङ् चोबाना सिङ् उभुङ्मा गाड्डेगा॥
खान्ङा आछुप्टाङ् आमुक्ङि आनिसुगा सि ओटा चोक्चिङ्गेट्चि हिट्नुङ् सि ओटा साम्मेङ्ङा चोक्बालाक् कुपिदानिचि ठोबाना रिङ्ङाना उटुप्बाक् नाड्डे लियुक्, सि ओटा चोक्चिङ्गेट्उम्बाक् सि ओटा माङ्पाङ्ङाना माङ्हाङ् रिङ् काउग्बाचिगा बारेङि माट्टुटु, हिट्नुङ् सि ओटा साम्मेङ्ङा चोक्बालाक् कुपिदानिचिङाम्बाक् सि ओटा माङ्पाङ्ङाना बारेङि माट्टुटु॥”
आङा युहान्नाङा ना खाबोर एसिया छेट्राङि उलिसागा सि ओटा माङ्पाङ्ङिगा लाउङ्सा छेप्टुएट्टुङ्॥ माङ्हाङ् पाबा, सि ओटा हाङ्सा हिट्नुङ् येसु खिरिस्टङाना मायादाया हिट्नुङ् हाङ्हाङ् खानिलोक् उलियाक्॥ माङ्हाङ् हाट्ले चा उन् युङ्ग्वा, पाइले चा डाना, हिट्नुङ् हान्डेङ् चा लियुक्॥ सि ओटा हाङ्सा माङ्हाङ् युङ्ना सिङासान् ओटाकानाङि युङ्ग्वा॥ येसु खिरिस्ट माङ्हाङ्ङा लोडुना रिङ्ङि बिस्वासिलो ए, उन् सियानालाम्मा उहिङ्ग्वाट् कोबाना पाइलेना याप्मि हिट्नुङ् उन् नाराङिगा हाङ्बाचि सासान् काचोक्बा ए॥ येसुङा आनि माया आचोक्युक् हिट्नुङ् उन्ङा आप्पेलाउङ्सा खाप्चेङि भोक् पिडुङ् आनि पापलाम्मा छुट्कारा आनि आपिडैसे॥
खानि सैतानङा सासान् चोगुना डेन्ङि आयुङिगा नुङ् आङा ठाहा टोगुङ्टुङ्॥ टरोचा खानिङा आङा आझै बिस्वास आचोगियाक्टिङे॥ हिट्नुङ् आङाना बारेङि पारचार काचोक् बिस्वासिलो एन्टिपासलाउङ्सा पाक् लिसेना हिट्ना रिङ् आङा ठाहा टोगुङ्टुङ्॥ एन्टिपासलाउङ्सा याप्मिचिङा सैतानङा सासान् चोगुना खानि खालाङ्गाङि ओसेडुचा खानिङा आङि बिस्वास चोक्मा आनानेट्निम्॥
“खानि खोड्डे पारिक् आचोगेट्टिगा हिट्ना आङा ठाहा टोगुङ्टुङ्॥ खानिङा ठिबाङ्ङा आरको माया आचोगुम्चिम्गा हिट्नुङ् खानिङा आङा बिस्वास आचोगुम्ना रिङ् चा आङा ठाहा टोगुङ्टुङ्॥ खानिङा ठिबाङ्ङा आरको घुवार आफाडुम्चिम्गा, हिट्नुङ् धैइरे आलिसिगा रिङ् चा आङा ठाहा टोगुङ्टुङ्॥ खानिङा आङा पाइले बिस्वास आचोगुम्ना बेला नुङ्ना चा हाट्ले याप्मा रिङ् आचोगुएट्टुम्ना आङा ठाहा टोगुङ्टुङ्॥
खानिङा आचोगुम्ना सोब्बे थोक् आङा ठाहा टोगुङ्टुङ्॥ खानिङा आचोगुम्ना टुक्लोक् टोॽवा हिट्नुङ् खानिगा आङ्मा हिमाना बोल् आङा निसुङ्टुङ्॥ हिट्नुङ् खानिङा ओभेन्ना रिङ् काचोक्बा याप्मिचि चिम्मा आफुट्टुम्चिगा आङा ठाहा टोगुङ्टुङ्, हिट्नुङ् खानिङा हिट्नागा मुलिचेलाचि नुङ् उपिग्गा याप्मिचिगा बिस्वास जाँच आचोगुम्मे, हिट्नुङ् हिट्नागा माङ्जो उपिग्येट्गा रैछो नुङ् ठाहा आटोगुम्मे॥
“खानिङा याङ्छामा आङ्डुएट्टुम् हिट्नुङ् खानिलोक् पाक्चा वाइना नुङ् आङा ठाहा टोगुङ्टुङ्, टरो माङ्हाङ् ओनाजारङि खानि वागाठागा याप्मिचि नुङ्म्बाक् छेम्बा डोक् ए॥ आप्पेलाउङ्सा याहुदि नुङ् उपिग्गा याप्मिचिङा खानि बिरुद्दाङि ओचाफेन्गा रिङ् ओचेक्टागा आङा ठाहा टोगुङ्टुङ्, टरो हिट्नागा याहुदिचि माखाक्॥ हिट्नागा सैतानङाना छुम्माङिगा याप्मिचि ए॥
खानिङा आचोगुम्ना टोॽवा आङा लाउङ्सा ठाहा युङ्ग्वा॥ खेम्सानुम्, आङा खानि सोरि ढुवारिक् ओङ्सुएसुङे, हिट्ना ढुवारिक् साङा चा छाक्मा उहिडुन्ना॥ खानिलोक् आङाना सेवा चोक्माना याप्मा बोल् वाइना नुङ् आङा ठाहा टोगुङ्टुङ्, टरो चा खानिङा आरिङ् आखेम्सुम्मे हिट्नुङ् आङि बिस्वास चोक्मा आनानिम्गेट्निम्ना॥
हिट्नुङ् टेम्बोक् उहिङ्ग्वाट् जिवाट्चि हिट्नुङ् ओठेडोङ्चिङा याम्बा-नायाम्बालाम्मा उपुप्टुना हिट्ना सिङासान्ङिना माझाङि ठिक् थुमा येबाइसाना आङा निसुङे॥ हिट्ना थुमाम्बाक् कोइङा भोक् उपिडुना गाड्डे निङ्साना॥ हिट्नाङाना सि गोटा ओटाङ् हिट्नुङ् सि गोटा उमिक्चि डागा॥ हिट्नागाम्बाक् माङ्हाङ्ङा ख्वाप्पा नाराङि पाङ्सुचिगा सि गोटा ओहाङ्साचि ए॥
Sanasan