पारकास 22:1 - आठपहरिया

¹ हिट्‌नुङ्‌ना माङ्‌हाङ् रिङ् काउग्‍बाङा आङा चोला आपिना चुवाङाना होङ् याङ्‌निमेट्‌टे॥ हिट्‌ना चुवा आड्‌डिक् सेङ्‌सेङ्‌ना हिट्‌नुङ् सिसा गाड्‌डे डोक् ओम्‍साना डाना॥ हिट्‌ना होङ् माङ्‌हाङ् हिट्‌नुङ् थुमाङाना सिङासान्‌लाम् बागाँ लिसेट्‌टाना॥

पारकास 22:1 Iomraidhean Croise

युहान्‍ना 13:32

उन्‌लाम्‍मा माङ्‌हाङ्‌ङाना माहिमा लिसेसे भोने, माङ्‌हाङ् आप्‍पेङा छाङाना माहिमा चोगुटु, हिट्‌नुङ् उन्‍ङा एला डोक् छाङाना माहिमा चोगुटु॥

युहान्‍ना 15:26

“आङा पाबालाम्‍मा छेम्‍बाना हाङ्‌सा खानि घुवार काफाबा खानिङि पाङ्‌सुङ्‌टुङ्॥ उन् पाबालाम्‍मा उङ्‌युक् हिट्‌नुङ् उन्‍ङा डोक् आङाना बारेङि ख्‍वाप्‍पा साँचि मापिडिटि॥

युहान्‍ना 4:14

टरो जुन् जुन्‍ङा आङा पिडुङ्‌चिङ्‌गा चुवा उठुङुटु, हिट्‌नागा खोना बेला चा वेॽमाङा उसिनिगा॥ आङा ठुङ्‌मा पिडुङ्‌चिङ्‌गा चुवाम्‍बाक् हिट्‌नागा भिट्‌रा पुन्‌युयाक्‍ना चुवाङाना उपुन् लियुक् हिट्‌नुङ् नाङा हिट्‌नागा खोना बेला चा लाट्‌निना चोला पिडुचिचि॥”

मुलिचेला टोॽवा 2:33

हिट्‌नुङ् उन् माङ्‌ठेना चोगुङ् माङ्‌हाङ्‌ङा उछुप्‍टाङ्‌लेङ् युङ्‌सुएसुए॥ माङ्‌हाङ् पाबाङा सेङ्‌सेङ्‌ना हाङ्‌सा येसुङि पाङ्‌माना माङ्‌हुप् चोगुए, हिट्‌ना हाङ्‌सा डोक् येसु डाङ्‌बाङा आनि उठुङ्‌ङि ठेन्‍डुना रिङ् खानिङा आनिसुएट्‌टुम् हिट्‌नुङ् आखेम्‍सुएट्‌टुम्॥

पारकास 1:1

ना छाप्‍लाङा येसु खिरिस्‍ट माङ्‌हाङ्‌ङा पारकाट् चोगुना खाबोर बारेङि माट्‌टुटु॥ हिट्‌नुङ् ना खाबोर हाट्‌ले एला डोक् लिसालाबाना रिङ् माङ्‌हाङ्‌ङा ओसेवाक्‌चिङा ठाहा ओटोगुवाक् नुङ् उन्‍ङा येसु खिरिस्‍ट पिडुए॥ येसु खिरिस्‍टङा नागा रिङ् लोमा ओसेवाक् युहान्‍ना सोरि उन्‍ङाना माङ्‌हाङ् रिङ् काउग्‍बा पाङ्‌सुए॥

पारकास 21:11

हिट्‌नुङ् हिट्‌ना खालाङ्‌गाउम्‍बाक् माङ्‌हाङ्‌ङाना माहिमाङा ओम्‍सेट्‌टाना॥ हिट्‌ना खालाङ्‌गा बिल्‍लौर ओलोडुना माहाङ्‌गो पात्‍थार ओम्‍सा गाड्‌डे डोक् ओम्‍सेट्‌टाना, हिट्‌नुङ् हिट्‌ना आड्‌डिक् पारचिन्‍दा डाना॥

पारकास 21:6

उन्‍ङा आङा याङ्‌लोडे, “हाट्‌ले सोब्‍बे रिङ् आङा चोक्‍मा हिडुङे॥ आल्‍फा हिट्‌नुङ् ओमेगा, उटुम् हिट्‌नुङ् आन्‍ते आङा डोक्॥ जुन् याप्‌मिङाना ओयेप्‍मा काड्‌युक्, हिट्‌ना आङा लाट्‌निना चोला आपिना चुवाङाना उपुन्‌लाम्‍मा ठुङ्‌मा पिडुङ्‌टुङ्, हिट्‌नाङा इम्‍मा कोन्‌निना॥

पारकास 21:9

सि आखेरि बिपोत्‌ति लोग्‍गा सि खोरे ओयाङुएसुगा सि जाना माङ्‌हाङ् रिङ् काउग्‍बाचि माड्‌डे ठिबाङ्‌ङा आङा याङ्‌लोडे, “आङालोक् आबा, आङा खान् थुमाङाना ओपाङ्‌ढाङ्‌मा लिना बेहुलि निमेट्‌नाँ॥”

पारकास 22:17

सेङ्‌सेङ्‌ना हाङ्‌सा हिट्‌नुङ् खिरिस्‍टङाना बेहुलिङा नाड्‌डे माट्‌टुटु, “आबानि॥” जुन्‍ङा नागा रिङ् खेम्‍सुटु हिट्‌नाँ चा ओमाट्‌टुवाक्, “आबानि॥” खोना लाउङ्‌सा ओवेप्‍मा काडेसेना हिट्‌ना ना चोला आपिना चुवा ठुङ्‌ङा ओआब्‍याक्॥

पारकास 22:6

हिट्‌ना माङ्‌हाङ् रिङ् काउग्‍बाङा आङा याङ्‌लोडे, “खान्‍ङा आखेम्‍सुगा नागा ख्‍वाप्‍पा रिङ् बिस्‍वासिलो हिट्‌नुङ् छेम्‍बाना ए॥ हिट्‌नुङ् माङ्‌काटाचि सेङ्‌सेङ्‌ना हाङ्‌सा कापिबा माङ्‌हाङ् टाङ्‌बाङा ओसेवा काचोक्‌चिलाउङ्‌सा नागा एला डोक् उलियुगेट्‌गा घाट्‌ना निमेट्‌माचि लाउङ्‌सा उन्‍ङाना माङ्‌हाङ् रिङ् काउग्‍बाचि पाङ्‌सुएसुचे॥”

पारकास 3:21

जुन् याप्‌मिङा दुस्‍टा मेट्‌टुटु, हिट्‌ना आङा युङ्‌ङाना डेन्‌ङि आङा सोरि युङ्‌माना आधिकार पिडुङ्‌टुङ्, हिट्‌नुङ् हिट्‌नाङा आङालोक् सासान् चोगुटु, खोड्‌डेउङ् आङा चा दुस्‍टा मेट्‌टुङेना, हिट्‌नुङ् हाट्‌ले आङा आङाना माङ्‌हाङ् पाबालोक् उन् युङ्‌ना डेन्‌ङि युङैसाङे॥

पारकास 5:13

हिट्‌नुङ् टोनालोग्‌ङि, नाराङि, यो नारा उछिक्‌ङि हिट्‌नुङ् सामुन्‍दराङि उलिसागा ख्‍वाप्‍पा जिवाट्‌चिङा नाड्‌डे पिक्‍सा छाम्‍लोमा ओठाक्‍टुना आङा खेम्‍सुङे, “सिङासान्‌ङि युङ्‌ना हिट्‌नुङ् थुमालाउङ्‌सा उन्‌चि निङ् आनि चोन्‍डुम्, मान् पिडुम्, उन्‌चि निङ् ठेलोक् चोगुम् हिट्‌नुङ् उन्‌चि बोल् बारेङि सोरोक् माट्‌टुम्॥”

पारकास 5:6

हिट्‌नुङ् टेम्‍बोक् उहिङ्‌ग्‍वाट् जिवाट्‌चि हिट्‌नुङ् ओठेडोङ्‌चिङा याम्‍बा-नायाम्‍बालाम्‍मा उपुप्‍टुना हिट्‌ना सिङासान्‌ङिना माझाङि ठिक् थुमा येबाइसाना आङा निसुङे॥ हिट्‌ना थुमाम्‍बाक् कोइङा भोक् उपिडुना गाड्‌डे निङ्‌साना॥ हिट्‌नाङाना सि गोटा ओटाङ् हिट्‌नुङ् सि गोटा उमिक्‌चि डागा॥ हिट्‌नागाम्‍बाक् माङ्‌हाङ्‌ङा ख्‍वाप्‍पा नाराङि पाङ्‌सुचिगा सि गोटा ओहाङ्‌साचि ए॥

पारकास 7:17

पोङ्‌भोने सिङासान्‌ङिना माझाङि युङ्‌ना थुमाङा गोठाले गाड्‌डे डोक् हिट्‌नागा यान्‍दा चोगुचिचि॥ हिट्‌नुङ् उन्‍ङा याप्‌मिचि चोला पिडुना चुवाडाम्‌लेङ् खाट्‌टुचिचि, हिट्‌नुङ् माङ्‌हाङ्‌ङा डोक् उन्‌चि मिक्‌लाम्‍मा उन्‌चि मिॽवा टुगुबिडुचिचि हिट्‌नुङ् हिट्‌नागा काइले चा ओहाप्‌निगा॥”