पारकास 20:3 - आठपहरिया

³ माङ्‌हाङ् रिङ् काउग्‍बाङा हिट्‌ना सैतान यो घाइरो भाड्‌खालोङि लेप्‍टुए, हिट्‌नुङ् ठिक् हाजार बारखा सोम्‍मा ढुवारिक्‌ङि साँचो ठेन्‍डुङ् छाप् मेट्‌टुए, हिट्‌डेउङ् हिट्‌नाँ सोब्‍बे छोङ्‌बाचि मुसिक्‍पा चाट्‌टुन्‌चिन्‍गा॥ ठिक् हाजार बारखा बेला काक्‍टुङ् हिट्‌ना इम्‍टेप्‍मा बेला लोङ्‌सा लेड्‌मा कोन्‌युक्॥

पारकास 20:3 Iomraidhean Croise

मात्‌ति 24:24

पोङ्‌भोने नाड्‌डेगा माङ्‌जोगा खिरिस्‍ट लोक् माङ्‌जोगा माङ्‌काटाचि ओठेट्‌युक्॥ हिट्‌नागाँ उहिडुलोक् सोम्‍मा माङ्‌हाङ्‌ङा सेगुचिगा याप्‌मिचि चा माङ् ठे-ठेगा चिन्‍ना लोक् डोङ् ठोङ्‌डिगा टोॽवा ओचोगुङ् ओबान्‍डुचिचि॥

मात्‌ति 27:66

हिट्‌नुङ् हिट्‌नागा ओखाडाउङ् ओहुम्‍पा सुराक्‍छे चोक्‍माउङ्‌सा ओहुम्‍पा ओटेप्‍टुना लिङ्‌गेॽवाङि छाप् लाहाब् ओचोगुए, हिट्‌नुङ् टिलिङ्‌गाचि उयुङ्‌सुचिउङ् कोमेप्‍मा ओमेट्‌टुचे॥

मारकुस 4:15

आम्‍टेप्‍मा याप्‌मिचि लाम्‍बोङि ओठायागा लालिक्‌चि गाड्‌डे डोक् उलियुक्॥ हिट्‌नागाँ माङ्‌हाङ् रिङ् ओखेम्‍सुनामे सैतान टायुङ् उन्‌चि निङ्‌ग्‍वालाम्‍मा माङ्‌हाङ् रिङ् नाप्‍टुचिउङ् खाट्‌टुएट्‌टुटु॥

लुका 8:31

हिट्‌नुङ् हिट्‌नागाँ घाइरो भाड्‌खालोङि याप्‌मिपाङ्‌नेन् पिक्‍सा येसु बिन्‌टि ओचोगुए॥

२ कोरिन्‌थि 11:3

टरो याप्‍मा बारखा पाइले ओप्‍पुङा ओचाप्‍पाङ् रिङ् लोडुङ् हाब्‍बा छालाँ चोगु गाड्‌डे डोक् खानि चा खिरिस्‍टङि आचोगुम्‍ना सोजो हिट्‌नुङ् चोखो भाक्‌तिलाम्‍मा लाप्‍माङ् माखाट्‌टिटि नुङ् आङा किट्‌टाइसाङे॥

२ पाटरुस 3:8

टरो मायालु आसाइबाचि, ना ठिक् रिङ् खानिङा मुन्‍नेनुम्॥ टाङ्‌बा लाउङ्‌सा ठिक् लेम्‍बा हाजार बारखा गाड्‌डे हिट्‌नुङ् हाजार बारखा ठिक् लेम्‍बा गाड्‌डे लियुक्॥

पारकास 12:9

हिट्‌ना ठेना ओप्‍पु आच्‍छो बेलाना ओप्‍पु ए, हिट्‌ना दियाबालास हिट्‌नुङ् सैतान चा ओलोडुए, हिट्‌नाँ डोक् सोब्‍बे नाराङिगा याप्‌मिचि बान्‍डुचिगा॥ हिट्‌ना उदुतचिलोक् एक्‍केउ नाराङि ओलेप्‍टुए॥

पारकास 13:14

हिट्‌नुङ् पाइलेना जिवाट्‌ङा ओसाट्‌टोङि डोङ् ठोङ्‌डिना टोॽवा चोक्‍मा ना जिवाट् आधिकार पिडुए॥ नाड्‌डेगा टोॽवा चोगुङ् ना जिवाट्‌ङा नाराङिगा याप्‌मिचिगा निङ्‌ग्‍वा बान्‍डुबिडुचे॥ हिट्‌नुङ् हिट्‌ना चेप्‍साङा खेसिक् लिसाउङ् नुमानिङ् लिसाना पाइलेना जिवाट् मान् चोक्‍मा हिट्‌नाङा मुरति चोक्‍मा हिट्‌नागा मेट्‌टुचे॥

पारकास 17:2

हिट्‌ना वालाफेडुमा मेन्‍झेमालोक् नाराङिगा सोब्‍बे हाङ्‌बाचिङा इम्‍मेप्‍माजामा टोॽवा ओचोगुएसुए, हिट्‌नुङ् नाराङिगा सोब्‍बे याप्‌मिचि इमालिङ्‌ङा ओटेडुचिगा याप्‌मिचि गाड्‌डे डोक् हिट्‌नाङाना ओचाफेन्‍ना टोॽवाङा ओटेडुएसुचे॥”

पारकास 17:8

खान्‍ङा आनिसुना हिट्‌ना जिवाट् पाइले उहिङ्‌ग्‍वाट् डाना, टरो हाट्‌ले हिट्‌ना जिवाट् उहिङ्‌ग्‍वाट् वाइना॥ हिट्‌ना जिवाट् उहिङ्‌ग्‍वाट् लियुक् हिट्‌नुङ् घाइरो भाड्‌खालोलाम्‍मा भारा होन्‌युङ् जाखाम् लिङा खाट्‌युक्॥ जब नाराङिगा याप्‌मिचिङा हिट्‌ना जिवाट् उनिसुटु हिट्‌नागा डोङ् ओठोङ्‌युक्, पोङ्‌भोने ठिक् बेला हिट्‌ना जिवाट् उहिङ्‌ग्‍वाट् डाना, हाट्‌ले हिट्‌ना जिवाट् उहिङ्‌ग्‍वाट् वाइना, टरो हिट्‌ना जिवाट् फेरि टायुक्॥ नागा याप्‌मिचि डोक् हिट्‌नागाँगा उन्‌चि निङ् नारा सिरिस्‌टि लिसानालाम्‍मा जिबानङाना छाप्‍लाङि छेप्‌निगेट्‌निना॥

पारकास 20:1

हिट्‌नुङ्‌ना आङा घाइरो भाड्‌खालोङिना साँचो हिट्‌नुङ् ठिक् ठेना साङ्‌ला उमुक्‌ङि याङेसुना ठिक् माङ्‌हाङ् रिङ् काउग्‍बा टोनालोग्‌लाम्‍मा उङ्‌सागेट्‌टाना निसुङे॥