पारकास 2:5 - आठपहरिया

⁵ खानिङा पाइले इम्‍टेप्‍मा याप्‍मा माया आचोगिएगा हिट्‌ना रिङ् मिट्‌टानुम्, हिड्‌डेउङ् हाट्‌ले खानिङा खानि निङ्‌ग्‍वा फेराँ चोक्‍मा कोन्‌युक् हिट्‌नुङ् पाइले आचोगुम् गाड्‌डे डोक् चोगानि॥ टरो खानि निङ्‌ग्‍वा फेराँ आचोक्‍नेट्‌निम् भोने, आङा खानि सोरि उङ्‌ङा हिट्‌नुङ् खानिङा आचोगुम्‍ना कुपिदानि हिट्‌नालाम्‍मा होट्‌टुङ्‌डिसुङ्‌टुङ्॥

पारकास 2:5 Iomraidhean Croise

मात्‌ति 5:14

“खानिउम्‍टे नाराङिगा व्‍हाङ् ए॥ झोन्‍झोबाङिना खालाङ्‌गा साङा चा टेप्‍मा उहिडुन्‍ना॥

मात्‌ति 5:15

साङा चा कुपि ओहाट्‌टुङ् पाटि डालिङा ओटेप्‍टुन्‍ना, टरो पाङ् भिट्‌रा ओआप्‍गालोङ्‌सा व्‍हाङ् उलियाक् नुङ् चोट्‌चोट्‌नाङि उयुङ्‌सुटु॥

मारकुस 12:9

“हाट्‌ले आङ्‌गुर बारि डाङ्‌बाङा हिट्‌नागा पाक् मेट्‌टुचिचिगा होला टे? स्‍वाँरा डाङ्‌बा आप्‍पे टायुङ् हिट्‌नागा आधिया कामाँ काचोक्‍बाचि सोब्‍बे सेडुचिचि, हिट्‌नुङ् आङ्‌गुर बारि आरु याप्‌मिचि पिडुचिचि॥

लुका 1:17

हिट्‌नुङ् पाबाचिगा निङ्‌ग्‍वा उन्‌चि छाचिलेङ् नोक्‍टुबिडुचिचि हिट्‌नुङ् टेम्‍मा ओटेन्‌निगा याप्‌मिचि माङ्‌हाङ्‌ङि ओटेन्‍लोक् चोगुचिचि॥ हिट्‌नुङ् उन्‍ङा टाङ्‌बालोङ्‌सा उनिङ्‌ग्‍वा टासुचिगा याप्‌मिचि टेयार चोक्‍मा लोङ्‌सा टाङ्‌बाङाना ओटोक्‍माङ्‌ङि एलिया ओलोडुना माङ्‌काटा याप्‌मि गाड्‌डे डोक् सेङ्‌सेङ्‌ना हाङ्‌सा हिट्‌नुङ् साक्‌तिङि उन् खाट्‌युक्॥”

लुका 20:16

स्‍वाँरा डाङ्‌बा आप्‍पे आप्‌युङ् हिट्‌नागा दुस्‍टा आधिया कामाँ काचोक्‍बाचि सेडुचिचि हिट्‌नुङ् ओस्‍वाँरा आरुलोङ्‌सा पिडुचिचि॥” ना रिङ् याप्‌मिचिङा ओखेम्‍सुङ् ओमाट्‌टुए, “हिट्‌डेम् खोना बेला चा उलिनि चा॥”

गालाति 5:4

हिट्‌नुङ् खानिङा धारमाबिधि पालान् आचोगुमुङ् माङ्‌हाङ् सोरि धारमोति लिमा आकोलिटि भोने, खानि आप्‍पे खिरिस्‍टलाम्‍मा आसाम्‌डिएसिए, हिट्‌नुङ् खानि माङ्‌हाङ् ओमायादायालाम्‍मा लाप्‍माङ् आलिसिएसिए॥

फिलिप्‌पि 2:15

हिट्‌नाड्‌डेउङ् खानि खोनाङा चा पाक्‍चा लोमा माहिडिन्‍गा॥ खानि ओमाक्‍पा निङ्‌ग्‍वा हिट्‌नुङ् ओचाफेन्‍लोक् चाट्‌ला उलिसागा याप्‌मिचि माझाङि आयुङिना माङ्‌हाङ्‌ङाना फाकाट्‌ना छाचि गाड्‌डे फाट्‌टुर मालेना हिट्‌नुङ् चोखो लिसानिउङ् युङानि॥ डुम्‍बारिक् डुम्‍ना टाङ्‌साङ्‌ङि चोक्‌चिङ्‌गेट् ओम्‌सि गाड्‌डे डोक् खानि चा हिट्‌नागा माझाङि ओम्‍मा कोन्‌युक्॥

हिब्‍रु 10:32

खानिङा पाइले खिरिस्‍टङाना व्‍हाङ् आटोगुम्‍ना बेलाङाना रिङ् मिट्‌टानुम्॥ खानिङा आड्‌डिक् टुक्‍लोक् याङ्‌छामा आआङ्‌डुम्‍चा बिस्‍वासङि दोरो आलिसिए॥

२ पाटरुस 3:17

टरो मायालु आसाइबाचि, खानिङा नागा सोब्‍बे रिङ् पाइले डोक् ठाहा आटोक्‍माइडुम्‍मे॥ हिट्‌नाड्‌डेउङ् ओेछेक्‍छेक् चोगानि, हिड्‌नाड्‌डे लिसे भोने ओभेन्‍गाचिङा फाम्‍लेङ् चाट्‌मा माहिडिन्‍गा, नाभाँम्‍टे खानिङा माङ्‌हाङ्‌ङाना ओलाम्‍बो आनाडुम्‍टुम् हिट्‌नुङ् आमासिटि॥

याहुदा 1:24

माङ्‌हाङ्‌ङा पापङि ठामालाम्‍मा खानि जोगाँ चोक्‍मा माहिडिटि हिट्‌नुङ् उन्‍ङा खानि फाट्‌टुर माले हिट्‌नुङ् हारकालोक् उन्‍ङाना डोक् माहिमा सोरि खाप्‍मा माहिडिटिटि॥

पारकास 1:20

खान्‍ङा आछुप्‍टाङ् आमुक्‌ङि आनिसुगा सि ओटा चोक्‌चिङ्‌गेट्‌चि हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचि ठोबाना रिङ्‌ङाना उटुप्‍बाक् नाड्‌डे लियुक्, सि ओटा चोक्‌चिङ्‌गेट्उम्‍बाक् सि ओटा माङ्‌पाङ्‌ङाना माङ्‌हाङ् रिङ् काउग्‍बाचिगा बारेङि माट्‌टुटु, हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचिङाम्‍बाक् सि ओटा माङ्‌पाङ्‌ङाना बारेङि माट्‌टुटु॥”

पारकास 16:9

हिट्‌नुङ् नाम् छेमा औधि छेडाउङ् याप्‌मिचि उटुने, हिट्‌नुङ् हिट्‌नागाँ नाड्‌डेगा बिपोत्‌तिचिङा सेप्‍माना आधिकार लिसाना माङ्‌हाङ् फाट्‌टुर ओलाबुए हिट्‌नुङ् सारापें ओचोगुए॥ टरो हिट्‌नागाँ काएल्-काबु लिमा हिट्‌नुङ् माङ्‌हाङ् मान् पिमा इन्‍कार ओचोगुए॥

पारकास 2:16

हिट्‌डेउङ् पापलाम्‍मा खानि काएल्-काबु लिसानि॥ हिड्‌डे आचोगेट्‌टिन् भोने, आङा खानि सोरि एला डोक् उङ्‌ङा॥ हिट्‌नुङ् आयासिलाम्‍मा होन्‍ना रिङ्‌ङा चेप्‍साङा चेप्‍टु गाड्‌डे डोक् हिट्‌नागा जाखाम् चोगुङ्‌चिङ्‌चिङ्॥

पारकास 2:19

“खानि खोड्‌डे पारिक् आचोगेट्‌टिगा हिट्‌ना आङा ठाहा टोगुङ्‌टुङ्॥ खानिङा ठिबाङ्‌ङा आरको माया आचोगुम्‌चिम्‍गा हिट्‌नुङ् खानिङा आङा बिस्‍वास आचोगुम्‍ना रिङ् चा आङा ठाहा टोगुङ्‌टुङ्॥ खानिङा ठिबाङ्‌ङा आरको घुवार आफाडुम्‌चिम्‍गा, हिट्‌नुङ् धैइरे आलिसिगा रिङ् चा आङा ठाहा टोगुङ्‌टुङ्॥ खानिङा आङा पाइले बिस्‍वास आचोगुम्‍ना बेला नुङ्‌ना चा हाट्‌ले याप्‍मा रिङ् आचोगुएट्‌टुम्‍ना आङा ठाहा टोगुङ्‌टुङ्॥

पारकास 2:2

खानिङा आचोगुम्‍ना सोब्‍बे थोक् आङा ठाहा टोगुङ्‌टुङ्॥ खानिङा आचोगुम्‍ना टुक्‍लोक् टोॽवा हिट्‌नुङ् खानिगा आङ्‌मा हिमाना बोल् आङा निसुङ्‌टुङ्॥ हिट्‌नुङ् खानिङा ओभेन्‍ना रिङ् काचोक्‍बा याप्‌मिचि चिम्‍मा आफुट्‌टुम्‌चिगा आङा ठाहा टोगुङ्‌टुङ्, हिट्‌नुङ् खानिङा हिट्‌नागा मुलिचेलाचि नुङ् उपिग्‍गा याप्‌मिचिगा बिस्‍वास जाँच आचोगुम्‍मे, हिट्‌नुङ् हिट्‌नागा माङ्‌जो उपिग्‍येट्‌गा रैछो नुङ् ठाहा आटोगुम्‍मे॥

पारकास 3:19

आङा माया चोगुङ्‌चिङ्‌गा लाउङ्‌सा खेमा लाप्‍टुङ्‌चिङ्‌चिङ् हिट्‌नुङ् साधाँ चोगुङ्‌चिङ्‌चिङ्॥ हिट्‌डेउङ् पापलाम्‍मा खानि काएल्-काबु लिसानि हिट्‌नुङ् नुना टोॽवा चोक्‍मा जागारुक् लिसानि॥