पारकास 2:2 - आठपहरिया

² खानिङा आचोगुम्‍ना सोब्‍बे थोक् आङा ठाहा टोगुङ्‌टुङ्॥ खानिङा आचोगुम्‍ना टुक्‍लोक् टोॽवा हिट्‌नुङ् खानिगा आङ्‌मा हिमाना बोल् आङा निसुङ्‌टुङ्॥ हिट्‌नुङ् खानिङा ओभेन्‍ना रिङ् काचोक्‍बा याप्‌मिचि चिम्‍मा आफुट्‌टुम्‌चिगा आङा ठाहा टोगुङ्‌टुङ्, हिट्‌नुङ् खानिङा हिट्‌नागा मुलिचेलाचि नुङ् उपिग्‍गा याप्‌मिचिगा बिस्‍वास जाँच आचोगुम्‍मे, हिट्‌नुङ् हिट्‌नागा माङ्‌जो उपिग्‍येट्‌गा रैछो नुङ् ठाहा आटोगुम्‍मे॥

पारकास 2:2 Iomraidhean Croise

मात्‌ति 7:23

हिट्‌नुङ् आङा हिट्‌नागा पारचिन्‍दा लोडुङ्‌चिङ्‌चिङ्, ‘हाउ, ओभेन्‍गा टोॽवा काचोक्‍बाचि, आङा खानि खोना बेला चा मिसेन् निनेन्‍गेट्‌निन्‍गा, आङालाम्‍मा खाडाजानि!’

युहान्‍ना 6:6

ना रिङ् येसुङा फिलिपङाना उनिङ्‌ग्‍वा कोम्‍मा लोङ्‌सा लोडुना डाना, पोङ्‌भोने उन्‍ङा जे चोक्‍मा इट्‌टेएसुना, हिट्‌ना रिङ् उन्‍ङा ठाहा टोगुएसुना॥

गालाति 1:7

छेम्‍बा डोक् आरको नुना खाबोर वाइना, टरो कोइ-कोइ याप्‌मिचिङा खानि याङ्‌छामा पिमा माकोलेट्‌टि हिट्‌नुङ् खिरिस्‍टङाना नुना खाबोरलाम्‍मा खानि निङ्‌ग्‍वा आरकोलेङ् फेराँ चोक्‍मा माकोलेट्‌टि॥

एफिसि 4:14

हिट्‌नुङ् आनि खाटिउगा पिच्‍छाचि गाड्‌डे लिसिन्‍गा॥ हिट्‌नुङ् हिॽवाङा आनि याम्‍बा-नायाम्‍बा आमुट्‌टि गाड्‌डे छालाँ काचोक् याप्‌मिचिगा ओचाप्‍पाङ् हुसिक्‍माङा आनि आवान्‌निना॥

१ थेसालोनिकि 1:3

आनि माङ्‌हाङ् पाबा ओटोकानाङि आनि टाङ्‌बा येसुङि खानिङा बिस्‍वास आचोगुम्‍मुङ् आचोगुम्‍ना टोॽवा, मायालोक् आचोगुम्‍ना दुखे हिट्‌नुङ् खानिङा आनि टाङ्‌बा येसु खिरिस्‍टङि आयुङ्‌सुम्‍ना आसाङि याङ्‌छामा आङ्‌डुम्‍ना रिङ् आन्‍याँ सोरोक् मिट्‌टुम्‍टुम्‍मा॥

१ थेसालोनिकि 5:21

टरो सोब्‍बे रिङ्‌चि जाँच चोगानुम् हिट्‌नुङ् खोनाम्‍बाक् रिङ् ओचेट्‌नुना हिट्‌ना युङ्‌सानुम्॥

२ तिमोथि 2:19

टरो माङ्‌हाङ्‌ङाना ओजाग्‌उम्‍बाक् बोल्‍लेउना हिट्‌नुङ् जाखाम् लिनिना, हिट्‌नुङ् नाहि नाड्‌डे छेप्‍टेसे: “टाङ्‌बाङा ओयाप्‌मिचि मिसेन् निसुचिचि,” हिट्‌नुङ् “टाङ्‌बाङाना उनिङ् कालाप्‍बा सोब्‍बे ओचाफेन्‍ना टोॽवा चोक्‍मालाम्‍मा या युङ्‌मा कोन्‌युक्॥”

हिब्‍रु 6:10

माङ्‌हाङ् न्‍याए काचोक्‍बा ए॥ माङ्‌हाङ्‌ङा खानिङा आचोगुम्‍ना ओचेट्‌नुना टोॽवा हिट्‌नुङ् ओयाप्‌मिचि घुवार आफाडुम्‌चिम्‍मुङ् उन् माया पारकाट् आचोगुम्‍ना रिङ् उन्‍ङा मुन्‍डुन्‍ना॥ खानिङा हाट्‌ले चा हिट्‌नागा हिड्‌डेना सेवा डोक् आचोगेट्‌टुम्॥

१ युहान्‍ना 4:1

मायालु आसाइबाचि, आङा सेङ्‌सेङ्‌ना हाङ्‌सालाम्‍मा चेक्‍ङाना नुङ् उपिग्‍गा सोब्‍बे बिस्‍वास चोक्‍नेनुम्‌चिम्, टरो हिट्‌नागालोक् लिसाना हाङ्‌सा माङ्‌हाङ्‌ङाना इ माखाक् इ नुङ् नुलोक् कोलानुमुङ् पुयानुम्, पोङ्‌भोने ना नाराङि जोम् माङ्‌जोगा माङ्‌काटाचि ओवाहेट्॥

पारकास 2:5

खानिङा पाइले इम्‍टेप्‍मा याप्‍मा माया आचोगिएगा हिट्‌ना रिङ् मिट्‌टानुम्, हिड्‌डेउङ् हाट्‌ले खानिङा खानि निङ्‌ग्‍वा फेराँ चोक्‍मा कोन्‌युक् हिट्‌नुङ् पाइले आचोगुम् गाड्‌डे डोक् चोगानि॥ टरो खानि निङ्‌ग्‍वा फेराँ आचोक्‍नेट्‌निम् भोने, आङा खानि सोरि उङ्‌ङा हिट्‌नुङ् खानिङा आचोगुम्‍ना कुपिदानि हिट्‌नालाम्‍मा होट्‌टुङ्‌डिसुङ्‌टुङ्॥

पारकास 2:6

टरो खानिङि ठिक् ओचेट्‌नुना रिङ् युङ्‌ग्‍वा, आङा निकोलाइटास ओलोडुचिगा ओचाफेन्‍गा रिङ् चिम्‍मा फुट्‌टुङ् गाड्‌डे डोक् खानिङा चा चिम्‍मा आफुट्‌टुम्‍गा॥

पारकास 2:9

“खानिङा याङ्‌छामा आङ्‌डुएट्‌टुम् हिट्‌नुङ् खानिलोक् पाक्‍चा वाइना नुङ् आङा ठाहा टोगुङ्‌टुङ्, टरो माङ्‌हाङ् ओनाजारङि खानि वागाठागा याप्‌मिचि नुङ्‌म्‍बाक् छेम्‍बा डोक् ए॥ आप्‍पेलाउङ्‌सा याहुदि नुङ् उपिग्‍गा याप्‌मिचिङा खानि बिरुद्‌दाङि ओचाफेन्‍गा रिङ् ओचेक्‍टागा आङा ठाहा टोगुङ्‌टुङ्, टरो हिट्‌नागा याहुदिचि माखाक्॥ हिट्‌नागा सैतानङाना छुम्‍माङिगा याप्‌मिचि ए॥

पारकास 3:1

“सारडिस खालाङ्‌गाङिना माङ्‌पाङ्‌ङिना माङ्‌हाङ् रिङ् काउग्‍बा लाउङ्‌सा ना खाबोर छेप्‍टु॥ ना खाबोरम्‍बाक् माङ्‌हाङ्‌ङाना सि टेप्‍मा हाङ्‌सा लोक् सि टेप्‍मा चोक्‌चिङ्‌गेट्‌चि लिसानाँ माट्‌टुना ए॥ उन्‍ङा माट्‌टुटु, ‘खानि टोॽवा आङा ठाहा टोगुङ्‌टुङ्॥ याप्‌मिचिङा खानि उहिङ्‌ग्‍वाट् डोक् आवासेट्‌टि नुङ् मालोडिगा, टरो खानि बिस्‍वास भोनेउम्‍टे सियाडाना ए॥’

पारकास 3:15

“खानिङा आचोगुम्‍ना टोॽवा आङा लाउङ्‌सा ठाहा युङ्‌ग्‍वा॥ खानि चुवा गाड्‌डे तातो चा माखाक्, चिसो चा माखाक्॥ खानि तातो आथाबा चिसो आलिसिना बे ओचेट्‌नु लिसे॥

पारकास 3:8

खानिङा आचोगुम्‍ना टोॽवा आङा लाउङ्‌सा ठाहा युङ्‌ग्‍वा॥ खेम्‍सानुम्, आङा खानि सोरि ढुवारिक् ओङ्‌सुएसुङे, हिट्‌ना ढुवारिक् साङा चा छाक्‍मा उहिडुन्‍ना॥ खानिलोक् आङाना सेवा चोक्‍माना याप्‍मा बोल् वाइना नुङ् आङा ठाहा टोगुङ्‌टुङ्, टरो चा खानिङा आरिङ् आखेम्‍सुम्‍मे हिट्‌नुङ् आङि बिस्‍वास चोक्‍मा आनानिम्‍गेट्‌निम्‍ना॥