पारकास 2:16 - आठपहरिया

¹⁶ हिट्‌डेउङ् पापलाम्‍मा खानि काएल्-काबु लिसानि॥ हिड्‌डे आचोगेट्‌टिन् भोने, आङा खानि सोरि एला डोक् उङ्‌ङा॥ हिट्‌नुङ् आयासिलाम्‍मा होन्‍ना रिङ्‌ङा चेप्‍साङा चेप्‍टु गाड्‌डे डोक् हिट्‌नागा जाखाम् चोगुङ्‌चिङ्‌चिङ्॥

पारकास 2:16 Iomraidhean Croise

एफिसि 6:17

माङ्‌हाङ्‌ङा आपिना मुक्‌टि लाडानुम्, हिट्‌ना खानि टोपि ए, हिट्‌नुङ् माङ्‌हाङ्‌ङाना रिङ् चालाङ् चोगानुम्, हिट्‌नाम्‍बाक् खानि चेप्‍सा ए, हिट्‌ना सेङ्‌सेङ्‌ना हाङ्‌साङा खानि मापिडिटि॥

२ थेसालोनिकि 2:8

हिट्‌नुङ्‌ना धारमाबिधि मानाँ काचोक्‌निबा ठेट्‌युक्, टाङ्‌बा येसुङा ओयासिङाना ओसोक्‍माङा हिट्‌नुङ् उन् उङ्‌ना बेला ठेट्‌ना माहिमालाम्‍मा हिट्‌ना जाखाम् चोगुटु॥

पारकास 1:16

उन्‍ङा उछुप्‍टाङ् उमुक्‌ङा सि ओटा चोक्‌चिङ्‌गेट्‌चि लाबुएसुचिगा, हिट्‌नुङ् ओयासिलाम्‍मा यान्‍ना इप्‍पोक्‌लेङ् ओधार लिसाना चेप्‍सा होन्‍डाइसाना॥ ओनाभाक्‍बाक् माध्‍धे लेम्‍बा चेरेप् नाम् छेडा गाड्‌डे डोक् ओम्‍साइसाना॥

पारकास 16:9

हिट्‌नुङ् नाम् छेमा औधि छेडाउङ् याप्‌मिचि उटुने, हिट्‌नुङ् हिट्‌नागाँ नाड्‌डेगा बिपोत्‌तिचिङा सेप्‍माना आधिकार लिसाना माङ्‌हाङ् फाट्‌टुर ओलाबुए हिट्‌नुङ् सारापें ओचोगुए॥ टरो हिट्‌नागाँ काएल्-काबु लिमा हिट्‌नुङ् माङ्‌हाङ् मान् पिमा इन्‍कार ओचोगुए॥

पारकास 19:15

साट्‌टुरचि मेप्‍माचि लाउङ्‌सा ओयासिलाम् यान्‍ना चेप्‍सा भारा होन्‍डाइसाना, हिट्‌नुङ् उन्‍ङा नाराङिगा ख्‍वाप्‍पा याप्‌मिचि धाउङाना डान्‌डिङा टुक्‍लोक् सासान् चोगुचिचि॥ हिट्‌नुङ् आङ्‌गुर पेलाँ चोक्‍मा ठेना कोल्‌ङि ठेन्‌डि गाड्‌डे डोक् उन्‍ङा याप्‌मिचि माङ्‌बोल्‍लेउ माङ्‌हाङ्‌ङाना उकुन्‌जिरिक्‍वाङा साजाए पिडुचिचि॥

पारकास 19:21

हिट्‌नुङ् टाङ्‌राङ्‌बा उठुङ्‌ङि ठाङानाङा ओयासिलाम्‍मा भारा होन्‍डाना चेप्‍साङा हिट्‌नागाँगा आरु उन्‌चि टिलिङ्‌गाचि सेडुचे, हिट्‌नुङ् सोब्‍बे नुवाचिङा हिट्‌नागाँगा सा फोक् उइप्‍टुलोक् ओचोए॥

पारकास 2:12

“पारगामाम खालाङ्‌गाङिना माङ्‌पाङ्‌ङिना माङ्‌हाङ् रिङ् काउग्‍बा लाउङ्‌सा ना खाबोर छेप्‍टु॥ “ना खाबोरम्‍बाक् इप्‍पोक्‌लेङ् डोक् यान्‍ना ओधार लिसाना चेप्‍सा लोक्‌ङाना ए॥

पारकास 2:5

खानिङा पाइले इम्‍टेप्‍मा याप्‍मा माया आचोगिएगा हिट्‌ना रिङ् मिट्‌टानुम्, हिड्‌डेउङ् हाट्‌ले खानिङा खानि निङ्‌ग्‍वा फेराँ चोक्‍मा कोन्‌युक् हिट्‌नुङ् पाइले आचोगुम् गाड्‌डे डोक् चोगानि॥ टरो खानि निङ्‌ग्‍वा फेराँ आचोक्‍नेट्‌निम् भोने, आङा खानि सोरि उङ्‌ङा हिट्‌नुङ् खानिङा आचोगुम्‍ना कुपिदानि हिट्‌नालाम्‍मा होट्‌टुङ्‌डिसुङ्‌टुङ्॥

पारकास 22:20

नागा सोब्‍बे रिङ्‌ङाना साँचि कापिबाङा नाड्‌डे माट्‌टुटु, “छेम्‍बा आङा एला डोक् उङ्‌ङा॥” आमेन्॥ छेम्‍बा डोक्, आन्‍याँ येसु डाङ्‌बा, एला डोक् उङ्‌सा॥

पारकास 22:7

येसुङा सोब्‍बे याप्‌मिचि लोडुचिचि, “खेम्‍सानुम्, आङा एला डोक् उङ्‌ङा॥ ना छाप्‍लाङि छेप्‍टागा माङ्‌हाङ्‌लाम्‍माना रिङ् पालान् काचोक्‌चि सोब्‍बे लाउङ्‌सा माङ्‌हाङ्‌ङा जोम् आसिक् पिडुचिचि॥”

पारकास 3:19

आङा माया चोगुङ्‌चिङ्‌गा लाउङ्‌सा खेमा लाप्‍टुङ्‌चिङ्‌चिङ् हिट्‌नुङ् साधाँ चोगुङ्‌चिङ्‌चिङ्॥ हिट्‌डेउङ् पापलाम्‍मा खानि काएल्-काबु लिसानि हिट्‌नुङ् नुना टोॽवा चोक्‍मा जागारुक् लिसानि॥