पारकास 15:4 - आठपहरिया

⁴ हाउ माङ्‌हाङ् डाङ्‌बा, खान्‌लोक् सोब्‍बे उकिट्‌युक्, सोब्‍बे याप्‌मिचिङा खान्‍ङाना माहिमा ओचोगुटु, पोङ्‌भोने सेङ्‌सेङ्‌ना खान् एना॥ सोब्‍बे याप्‌मिचि खान्‌ङि ओआप्‌युक् हिट्‌नुङ् खान् सोरि कानिङ् टो-टो ओचोगुटु, पोङ्‌भोने सोब्‍बे याप्‌मिचि खान्‍ङाना धारमोति टोॽवा आनिमेट्‌टुएसुचे॥”

पारकास 15:4 Iomraidhean Croise

रोमि 15:9

हिट्‌नुङ् पानिछोङ्‌बाचिङा चा माङ्‌हाङ् मान् ओचोगुवाक् नुङ् खिरिस्‍ट टाए, पोङ्‌भोने उन्‍ङा हिट्‌नागा चा दाया चोगुचिचि॥ धारमाछाप्‍लाङि नाड्‌डे छेप्‍टाइसे– “हिट्‌नाड्‌डेउङ् आङा पानिछोङ्‌बाचि माझै कानिङ् टो-टो चोगुङ्‌टुङ्, हिट्‌नुङ् आङा छाम्‍लोङा हिट्‌नुङ् कानिङ् चोन्‍डुङ्‌टुङ्॥”

१ पाटरुस 1:16

पोङ्‌भोने धारमाछाप्‍लाङि नाड्‌डे छेप्‍टेसे, “खानि सेङ्‌सेङ् लिसानि, पोङ्‌भोने आङा सेङ्‌सेङ्‌ना ए॥”

पारकास 11:15

हिट्‌नुङ्‌ना सातौँ माङ्‌हाङ् रिङ् काउग्‍बाङा उन्‌लोक् लिसाना उधुटुरिबा टेनुए, हिट्‌नुङ् टोनालोग्‌ङि माङ्‌ठेना सोरा याप्‌मिचि ओचेक्‌युएट्‌गा गाड्‌डे मुक्‍टानाँ नाड्‌डे याङ्‌लोडे, “आनि डाङ्‌बा माङ्‌हाङ् हिट्‌नुङ् उन्‍ङा सेगुना खिरिस्‍टङा हाट्‌ले सोब्‍बे नाराङि सासान् चोक्‍माना आधिकार युङ्‌ग्‍वा, हिट्‌नुङ् उन्‍ङा डोक् सोरोक् सासान् चोगुटु॥”

पारकास 14:7

हिट्‌नाङा चारको सोर चोगुङ् माट्‌टुए, “माङ्‌हाङ्‌लोक् किट्‌टानि हिट्‌नुङ् उन् मान् चोगानुम्, पोङ्‌भोने हाट्‌ले उन्‍ङा याप्‌मिचि न्‍याए चोक्‍मा बेला टाइसे॥ हिट्‌नुङ् टाङ्‌साङ्, नारा, सामुन्‍दरा हिट्‌नुङ् चुवा उपुन् सिरिस्‌टि काचोक्‍बा माङ्‌हाङ् माङ्‌ध्‍यान् चोगानुम्॥”

पारकास 16:5

हिट्‌नुङ् चुवा उठुङ्‌ङि आधिकार लिसाना माङ्‌हाङ् रिङ् काउग्‍बाङा माङ्‌हाङ् नाड्‌डे लोडुना रिङ् आङा खेम्‍सुङे, “हाउ सेङ्‌सेङ्‌ना माङ्‌हाङ्, खान् आच्‍छो बेला चा आवासेट्‌टाना हिट्‌नुङ् हाट्‌ले चा आवाहेट् डोक् ए, खान्‍ङा नाड्‌डेगा बिपोत्‌तिचि आपाङ्‌सुङ् न्‍याए आचोगुए, खान्‍ङा आचोगुना न्‍याए माहामाना ए॥

पारकास 16:7

हिट्‌नुङ्‌ना आङा बेदिलाम् नाड्‌डेना माट्‌टुना रिङ् खेम्‍सुङे, “हाउ सोब्‍बे नुङ्‌ना माङ्‌बोल्‍लेउ माङ्‌हाङ् डाङ्‌बा, छेम्‍बा डोक्, खान्‍ङा याप्‌मिचि सात्‍ते हिट्‌नुङ् धारमिक्‌लोक् न्‍याए आचोगुचिचि॥”

पारकास 19:2

पोङ्‌भोने उन्‍ङा न्‍याए टो यो मिचोक्‍ङे हिट्‌नुङ् माहामा चोगुटु, हिट्‌नुङ् नाराङिगा याप्‌मिचि भेन्‍ना टोॽवा चोक्‍मा मेट्‌टुचिगा हिट्‌ना दुस्‍टा वालाफेडुमा उन्‍ङा न्‍याए चोगुएसुए॥ माङ्‌हाङ्‌ङा हिट्‌ना खालाङ्‌गा साजाए पिडुए, पोङ्‌भोने हिट्‌ना खालाङ्‌गाङा माङ्‌हाङ् ओसेवाक्‌चि सेडुचे॥”

पारकास 19:8

हिट्‌ना बेहुलि ओचेट्‌नुना ओम्‍साना हिट्‌नुङ् सेङ्‌सेङ्‌ना लोट्‌लिङ् वाप्‍मा माङ्‌हाङ्‌ङा पिडुए॥” ओचेट्‌नुना फुट्‌ना ओम्‍साना लोट्‌लिङ्‌ङा माङ्‌हाङ् ओयाप्‌मिचिङा ओचोगुना ओचेट्‌नुना टोॽवा बारे बुजा लियुक्॥

पारकास 3:7

“फिलाडेल्‌फिया खालाङ्‌गाङिना माङ्‌पाङ्‌ङिना माङ्‌हाङ् रिङ् काउग्‍बा लाउङ्‌सा ना खाबोर छेप्‍टु॥ हिट्‌नुङ् ना खाबोरम्‍बाक् सेङ्‌सेङ्‌ना हिट्‌नुङ् छेम्‍बाङाना ए॥ याप्‍मा बारखा पाइले दाउद हाङ्‌बाङा सासान् चोगु गाड्‌डे डोक् उन्‌लोक् चा सासान् चोक्‍माना बोल् युङ्‌ग्‍वा॥ उन्‍ङा ढुवारिक् ओङ्‌सुटु भोने, साङा चा छुप्‍मा उहिडुन्‍ना॥ उन्‍ङा ढुवारिक् छुप्‍टुटु भोने, खोनाङा चा ओङ्‌मा उहिडुन्‍ना॥

पारकास 4:8

हिट्‌नागा टेम्‍बोक् उहिङ्‌ग्‍वाट् जिवाट्‌चिगा ङा-ङा ओटा उन्‌चि लाप्‍टाङ् ओडागा॥ हिट्‌नागाँगा उन्‌चि येम्‌टेप् उन्‌चि मिक् ए मिक् डाना, उन्‌चि लाप्‍टाङ् उछिक्‌ङि चा उन्‌चि मिक् डाना॥ हिट्‌नागा लेन्‍सेन् नाड्‌डे उपिगाउङ् छाम् ओलोसायाक्‍टागा डागा, “सोब्‍बे नुङ्‌ना माङ्‌बोल्‍लेउ माङ्‌हाङ् टाङ्‌बा सेङ्‌सेङ्‌ना, उन् सेङ्‌सेङ्‌ना, उन् सेङ्‌सेङ्‌ना॥ उन् उटुम्‌लाम् डोक् डाना, हाट्‌ले चा वाहेट्, हिट्‌नुङ् उन् सोरोक् लियुयाक्‌युक्॥”

पारकास 6:10

हिट्‌नुङ् हिट्‌नागा नाड्‌डे पिक्‍सा ठेना सोरा ओचोगुङ् ओराट्‌टे, “हाउ सोब्‍बे नुङ्‌ना माङ्‌बोल्‍लेउ माङ्‌डाङ्‌बा, खान् सेङ्‌सेङ्‌ना हिट्‌नुङ् सात्‍ते ए, आन्‍याँ याप्‌मि कासेट् नाराङिगा याप्‌मिचि खोना बेला खान्‍ङा न्‍याए आचोगुचिचिगा हिट्‌नुङ् साजाए आपिडुचिचिगा टे?”