पारकास 15:3 - आठपहरिया

³ हिट्‌नागाँ माङ्‌हाङ् ओसेवाक् मोसाङाना छाम्‍लोमा हिट्‌नुङ् थुमाङाना छाम्‍लोमा ओछाम्‍लोसेट्‌टागा, “माङ्‌हाङ् डाङ्‌बा, खान् सोब्‍बे नुङ्‌ना माङ्‌बोल्‍लेउ, हिट्‌नुङ् खान्‍ङा आचोगुना टोॽवा माङ्‌ठेना हिट्‌नुङ् डोङ् ठोङ्‌डिना ए॥ खान् सोब्‍बे छोङ्‌बाचिगा हाङ्‌बा ए, खान्‍ङागा सोब्‍बे टोॽवा सिधा हिट्‌नुङ् छेम्‍बागा ए॥

पारकास 15:3 Iomraidhean Croise

युहान्‍ना 1:17

पोङ्‌भोने मोसालाम्‍मा आन्‍याँ धारमाबिधि टोगुम्‍मे, टरो मायादाया हिट्‌नुङ् छेम्‍बाना रिङ्उम्‍बाक् येसु खिरिस्‍टलाम्‍मा टाए॥

१ तिमोथि 1:17

हाट्‌ले सोरोक् सासान् काचोक्‍बा हाङ्‌बा, खोना बेला चा सिनिना हिट्‌नुङ् निमा हिनिम्‍ना ठिबाङ् माङ्‌हाङ्‌लोङ्‌सा सोरोक् आदार लोक् माहिमा उलियुयाक्‌याक्॥ आमेन्॥

हिब्‍रु 3:5

मोसाङा माङ्‌हाङ्‌ङाना उपाङ्‌ङिगा ख्‍वाप्‍पा ओयाप्‌मिचि लाउङ्‌सा बिस्‍वासिलो चाकार गाड्‌डे डोक् टोॽवा चोगुए, हिट्‌नुङ् हान्‍डेङ् माङ्‌हाङ्‌ङा माप्‍मा कोलुना रिङ्‌ङाना बारेङि मोसाङा साँचि पिडुए॥

पारकास 1:8

आनि माङ्‌हाङ् टाङ्‌बा सोब्‍बे नुङ्‌ना माङ्‌बोल्‍लेउ, उन् पाइले चा डाना, हाट्‌ले चा वाहेट्, हिट्‌नुङ् हान्‍डेङ् चा सोरोक् लियुयाक्‌युक्॥ उन्‍ङा माट्‌टुए, “आल्‍फा हिट्‌नुङ् ओमेगा आङा डोक्॥”

पारकास 11:17

हिट्‌नुङ् ओमाट्‌टुए, “हाउ माङ्‌हाङ्, आन्‍याँ टाङ्‌बा, खान् सोब्‍बे नुङ्‌ना माङ्‌बोल्‍लेउ॥ खान् उटुम् नुङ्‌ना हाट्‌ले चा आवाहेट्॥ आन्‍याँ खान् पोए-पोए लोनाँ, पोङ्‌भोने हाट्‌ले खान्‍ङा खान्‍ङाना माङ्‌ठेना बोल् याप्‌मि आनिमेट्‌टेसे, हिट्‌नुङ् नाराङि सासान् चोक्‍मा उटुम् ओचोगुएसुए॥

पारकास 14:3

हिट्‌नागा एक लाख चावालिस हाजार याप्‌मिचिङा माङ्‌हाङ्‌ङाना सिङासान् सोरि, टेम्‍बोक् उहिङ्‌ग्‍वाट् जिवाट्‌चि टोकानाङि हिट्‌नुङ् ओठेडोङ्‌चि टोकानाङि ठिक् ओछोङ्‌ग्‍वाट् छाम्‍लोमा ओठाक्‍टुएट्‌टुगा॥ नाराङिगा याप्‌मिचि माड्‌डे छुट्‌कारा ओटोगुगा एक लाख चावालिस हाजार याप्‌मिचिङा एडोक् हिट्‌ना ओछोङ्‌ग्‍वाट् छाम्‍लोमा खोड्‌डे पारिक् छाम्‍लोमाना नुङ् उनिसुगा डागा, आरु खोनाँ चा उनिसुन्‍गा डागा॥

पारकास 14:8

हिट्‌नुङ् दोस्‍रो माङ्‌हाङ् रिङ् काउग्‍बा नाड्‌डे पिक्‍सा पाइलेना माङ्‌हाङ् रिङ् काउग्‍बा ओएङ्-ओएङ् खाडे, “जाखाम् लिसे, ठेना बेबिलोन खालाङ्‌गा जाखाम् लिसे॥ हिट्‌ना खालाङ्‌गाङिगा याप्‌मिचिङा नाराङिगा सोब्‍बे छोङ्‌बाचि इमालिङ्‌ङा टेडुचि गाड्‌डे डोक् इम्‍मेप्‍माजामा टोॽवा चोक्‍मा ओमेट्‌टुएसुचे॥”

पारकास 17:14

हिट्‌ना जिवाट् हिट्‌नुङ् ठिमेक् हाङ्‌बाचि माङ्‌हाङ्‌ङाना थुमा बिरुद्‌दाङि उचुङ्‌युक्, टरो थुमा लोक् उन् बिस्‍वास काचोक्‌चिङा हिट्‌नागा ओमेट्‌टुचिचि, पोङ्‌भोने उन् डाङ्‌बाचिगा टाङ्‌बा हिट्‌नुङ् हाङ्‌बाचिगा हाङ्‌बा ए॥ थुमालोक् उलिसागा बिस्‍वासिचिम्‍बाक् माङ्‌हाङ्‌ङा छेम्‍डुचिगा, सेगुचिगा हिट्‌नुङ् बिस्‍वासिलो उलिसाउङ् उन्‍ङाना सेवा काचोक् याप्‌मिचि ए॥”

पारकास 19:16

हिट्‌नुङ् उन्‍ङाना ओलोट्‌लिङ्‌ङि हिट्‌नुङ् ओलाङ्‌घेपाङि ना निङ् छेप्‍टेसाना, “हाङ्‌बाचिगा हाङ्‌बा हिट्‌नुङ् टाङ्‌बाचिगा टाङ्‌बा॥”

पारकास 19:2

पोङ्‌भोने उन्‍ङा न्‍याए टो यो मिचोक्‍ङे हिट्‌नुङ् माहामा चोगुटु, हिट्‌नुङ् नाराङिगा याप्‌मिचि भेन्‍ना टोॽवा चोक्‍मा मेट्‌टुचिगा हिट्‌ना दुस्‍टा वालाफेडुमा उन्‍ङा न्‍याए चोगुएसुए॥ माङ्‌हाङ्‌ङा हिट्‌ना खालाङ्‌गा साजाए पिडुए, पोङ्‌भोने हिट्‌ना खालाङ्‌गाङा माङ्‌हाङ् ओसेवाक्‌चि सेडुचे॥”

पारकास 4:8

हिट्‌नागा टेम्‍बोक् उहिङ्‌ग्‍वाट् जिवाट्‌चिगा ङा-ङा ओटा उन्‌चि लाप्‍टाङ् ओडागा॥ हिट्‌नागाँगा उन्‌चि येम्‌टेप् उन्‌चि मिक् ए मिक् डाना, उन्‌चि लाप्‍टाङ् उछिक्‌ङि चा उन्‌चि मिक् डाना॥ हिट्‌नागा लेन्‍सेन् नाड्‌डे उपिगाउङ् छाम् ओलोसायाक्‍टागा डागा, “सोब्‍बे नुङ्‌ना माङ्‌बोल्‍लेउ माङ्‌हाङ् टाङ्‌बा सेङ्‌सेङ्‌ना, उन् सेङ्‌सेङ्‌ना, उन् सेङ्‌सेङ्‌ना॥ उन् उटुम्‌लाम् डोक् डाना, हाट्‌ले चा वाहेट्, हिट्‌नुङ् उन् सोरोक् लियुयाक्‌युक्॥”