पारकास 13:3 - आठपहरिया

³ हिट्‌नुङ् हिट्‌ना जिवाट्‌ङाना ठिक् ओटेहेक् खेसिक् लिसाउङ् सिया गाड्‌डे डोक् निङ्‌साना, टरो हान्‍डेङ् हिट्‌ना खेसिक् नुमानिङ् लिसे॥ हिट्‌नुङ् नाराङिगा सोब्‍बे याप्‌मिचिङा नाड्‌डेना रिङ् उनिसुङ् डोङ् ओठोङ्‌डे, हिट्‌नुङ् हिट्‌ना जिवाट्‌ङाना ओएङ्-ओएङ् ओखाडे॥

पारकास 13:3 Iomraidhean Croise

लुका 2:1

हिट्‌ना लेम्‍बा रोमि देसङिना हाङ्‌बा कैसार आगास्‍टसङा उमुलुक् भोरिगा ख्‍वाप्‍पा याप्‌मिचिङा सारकारङि निङ् छेप्‍मा डोक् कोन्‌युक् पिक्‍सा माट्‌टुए॥

युहान्‍ना 12:19

फारिसि याप्‌मिचि उन्‌चि उन्‌चि उपिगे, “खोलो, आनि पाक्‍चा चोक्‍मा हिनेट्‌निम्॥ पुयानुम्, नाराङिगा ख्‍वाप्‍पा याप्‌मिचि उन्‌लेङ् लाहाब् उलिमाइडे॥”

मुलिचेला टोॽवा 8:13

सिमोन आप्‍पेङा चा बिस्‍वास चोगुङ् बाप्‌टिस्‍मा लाडुए॥ हिट्‌नुङ्‌ना सिमोन फिलिपलोक् सोरोक् वासे, हिट्‌नुङ् फिलिपङा डोङ् ठोङ्‌डिगा टोॽवाचि लोक् मिक्‍सेन्‌चि चोगुना निसुङ् उन् डोङ् ठोङ्‌डे॥

पारकास 13:12

हिट्‌नुङ् ना जिवाट्‌ङा पाइलेना जिवाट् लाउङ्‌सा टोॽवा चोगुए हिट्‌नुङ् पाइलेना जिवाट्‌ङाना आधिकार डोक् चालाँ चोगुए॥ हिट्‌नुङ् ना जिवाट्‌ङा खेसिक् लिसाउङ् सिया गाड्‌डे निङ्‌साना नुमानिङ् लिसाना पाइलेना जिवाट् लाउङ्‌सा नाराङिगा सोब्‍बे याप्‌मिचि साम्‍माङ् चोक्‍मा मेट्‌टुचे॥

पारकास 13:14

हिट्‌नुङ् पाइलेना जिवाट्‌ङा ओसाट्‌टोङि डोङ् ठोङ्‌डिना टोॽवा चोक्‍मा ना जिवाट् आधिकार पिडुए॥ नाड्‌डेगा टोॽवा चोगुङ् ना जिवाट्‌ङा नाराङिगा याप्‌मिचिगा निङ्‌ग्‍वा बान्‍डुबिडुचे॥ हिट्‌नुङ् हिट्‌ना चेप्‍साङा खेसिक् लिसाउङ् नुमानिङ् लिसाना पाइलेना जिवाट् मान् चोक्‍मा हिट्‌नाङा मुरति चोक्‍मा हिट्‌नागा मेट्‌टुचे॥

पारकास 17:10

लेम्‍बोक् जाना हाङ्‌बाचि ओमेगाडे, ठिबाङ् हाङ्‌बाङा सासान् चोगुएट्‌टु, हिट्‌नुङ् आरको हाङ्‌बा आझै टानिगेट्‌निना॥ जब हिट्‌ना टायुक्, हिट्‌नाँ छोप्‍मोङ् बेला एडोक् सासान् चोगुटु॥

पारकास 17:11

हिट्‌नुङ् पाइले हिट्‌ना जिवाट् उहिङ्‌ग्‍वाट् डाना हिट्‌नुङ् हाट्‌ले हिट्‌ना उहिङ्‌ग्‍वाट् वाइना, हिट्‌नाम्‍बाक् आठौँ हाङ्‌बा ए॥ हिट्‌ना सि हाङ्‌बाचि गाड्‌डेना ए, हिट्‌नुङ् हिट्‌ना हाङ्‌बा चा जाखाम् लियुक्॥

पारकास 17:13

हिट्‌नागा सोब्‍बे हाङ्‌बाचिङा ठिक्‍ए रिङ् चोक्‍मा निङ्‌ग्‍वा ओचोगुटु॥ हिट्‌नागाँ उन्‌चि साक्‌ति लोक् आधिकार याप्‌मिचि सासान् चोक्‍मा हिट्‌ना जिवाट् उपिडुटु॥

पारकास 17:17

हिट्‌नागा ठिमेक् हाङ्‌बाचिङा हिट्‌डे ओचोगुटु, पोङ्‌भोने माङ्‌हाङ्‌ङा उन्‍ङा निङ्‌ग्‍वा चोगु गाड्‌डे चोक्‍मा हिट्‌नागा मेट्‌टुचिचि॥ हिट्‌नुङ् हिट्‌नागाँ उन्‌चि साक्‌ति हिट्‌ना जिवाट् पिमा राजि उलियुक्॥ माङ्‌हाङ्‌ङा माट्‌टुगा रिङ् पुरो मिले सोम्‍मा हिट्‌नागाँ हिट्‌ना जिवाट्‌ङाना रिङ् ओखेम्‍सुटु॥

पारकास 17:6

हिट्‌नुङ् येसुङाना बारे साँचि उपिडुनाँ याप्‌मिचिङा ओसेडुचिगा माङ्‌हाङ् ओयाप्‌मिचिगा उन्‌चि हेलिक् ठुङुङ् टेडेएसुना मेन्‍झेमा आङा निसुङे॥ हिट्‌ना निसुङुङ् आङा आड्‌डिक् डोङ् ठोङ्‌डाङे॥

पारकास 17:8

खान्‍ङा आनिसुना हिट्‌ना जिवाट् पाइले उहिङ्‌ग्‍वाट् डाना, टरो हाट्‌ले हिट्‌ना जिवाट् उहिङ्‌ग्‍वाट् वाइना॥ हिट्‌ना जिवाट् उहिङ्‌ग्‍वाट् लियुक् हिट्‌नुङ् घाइरो भाड्‌खालोलाम्‍मा भारा होन्‌युङ् जाखाम् लिङा खाट्‌युक्॥ जब नाराङिगा याप्‌मिचिङा हिट्‌ना जिवाट् उनिसुटु हिट्‌नागा डोङ् ओठोङ्‌युक्, पोङ्‌भोने ठिक् बेला हिट्‌ना जिवाट् उहिङ्‌ग्‍वाट् डाना, हाट्‌ले हिट्‌ना जिवाट् उहिङ्‌ग्‍वाट् वाइना, टरो हिट्‌ना जिवाट् फेरि टायुक्॥ नागा याप्‌मिचि डोक् हिट्‌नागाँगा उन्‌चि निङ् नारा सिरिस्‌टि लिसानालाम्‍मा जिबानङाना छाप्‍लाङि छेप्‌निगेट्‌निना॥