पारकास 12:9 - आठपहरिया

⁹ हिट्‌ना ठेना ओप्‍पु आच्‍छो बेलाना ओप्‍पु ए, हिट्‌ना दियाबालास हिट्‌नुङ् सैतान चा ओलोडुए, हिट्‌नाँ डोक् सोब्‍बे नाराङिगा याप्‌मिचि बान्‍डुचिगा॥ हिट्‌ना उदुतचिलोक् एक्‍केउ नाराङि ओलेप्‍टुए॥

पारकास 12:9 Iomraidhean Croise

मात्‌ति 13:39

सामाङाना लालिक् काहिबा साट्‌टुरम्‍बाक् सैतान ए, हिट्‌नुङ् चालिङ् छुम्‍माम्‍बाक् नाराङाना आन्‍तेङाना बेला ए॥ हिट्‌नुङ् चालिङ् काहेग्‍बाचिम्‍बाक् माङ्‌हाङ् रिङ् काउग्‍बाचि ए॥

मात्‌ति 24:24

पोङ्‌भोने नाड्‌डेगा माङ्‌जोगा खिरिस्‍ट लोक् माङ्‌जोगा माङ्‌काटाचि ओठेट्‌युक्॥ हिट्‌नागाँ उहिडुलोक् सोम्‍मा माङ्‌हाङ्‌ङा सेगुचिगा याप्‌मिचि चा माङ् ठे-ठेगा चिन्‍ना लोक् डोङ् ठोङ्‌डिगा टोॽवा ओचोगुङ् ओबान्‍डुचिचि॥

मात्‌ति 25:41

“हिट्‌नुङ्‌ना उन्‍ङाना ओफेङ्‌साङ्‌लेङ् उलिसागा याप्‌मिचि लोडुचिचि, ‘हाउ माङ्‌हाङ्‌ङाना साराप् आठायिगा याप्‌मिचि! आङालाम्‍मा खाडालेट्‌टानि, हिट्‌नुङ् दियाबालास लोक् उदुतचि लोङ्‌सा टेयार चोक्‍बालाक् खोना बेला चा सिनिना मिङि खाडानि॥

मात्‌ति 4:1

हिट्‌नुङ् सैतानङा येसुङाना जाँच ओचोगुवाक् नुङ् सेङ्‌सेङ्‌ना हाङ्‌साङा उन् साक्‍चा उयुङ्‌निना डेन्‌ङि खाट्‌टुए॥

मात्‌ति 4:10

येसुङा हिट्‌ना लोडुए, “हाउ सैतान, नाहिलाम्‍मा खाडालेट्‌टा! धारमाछाप्‍लाङि नाड्‌डे छेप्‍टेसे, ‘खान्‍ङा कामाङ्‌हाङ् डाङ्‌बा एडोक् स्‍या चोगु हिट्‌नुङ् उन्‍ङाना एडोक् सेवा चोगु॥’”

मात्‌ति 4:5

हिट्‌नुङ्‌ना सैतानङा येसु सेङ्‌सेङ्‌ना खालाङ्‌गाङि खाट्‌टुए, हिट्‌नुङ् माङ्‌ठाना ओछोम्‍बोङि खाट्‌टुए

मात्‌ति 4:8

फेरि सैतानङा उन् ठिक् केना झोन्‍झोबाङि खाट्‌टुउङ् नाराङिगा ख्‍वाप्‍पा मुलुक्‌चि हिट्‌नुङ् हिट्‌निगा सोब्‍बे माक्‍फेन्‍सुबेन् निमेट्‌टुए,

लुका 10:18

हिट्‌नुङ् येसुङा हिट्‌नागा लोडुचे, “आए, आङा सैतान टोनालोग्‌लाम् मिङा ओलाप्‍को गाड्‌डे ओम्‍साउङ् ठाया उङ्‌साना निसुङे॥

लुका 13:16

हिट्‌डेउङ् युङ्‌माना लेम्‍बा ना उटुखुमाङ्‌लाम्‍मा नुमानिङ् चोक्‍मा ओचाफेम्‍मा माखाक्॥ पोङ्‌भोने ना आब्‍राहाम पाङ्‌ङिना मेन्‍झेमा डोक्, हिट्‌नुङ् उन् ना टुखुमाङ्‌ङि आठार बारखालाम्‍मा ओचाफेन्‍ना रिमेट्‌ङा पोट्‌राकाक् चोगुएसुना॥”

लुका 22:3

हिट्‌ना बेला डोक् बारो जाना चेलाचि माड्‌डे ठिबाङ् याहुदा इस्‍कारियोत ओलोडुना याप्‌मि उनिङ्‌ग्‍वाङि सैतानङा खोट्‌टुए॥

लुका 22:31

हिट्‌नुङ्‌ना येसुङा सिमोन पाटरुस लोडुए, “सिमोन, हाउ सिमोन, खेम्‍सु, आङा खान् ठिक् रिङ् लोनाँ, टोॽवालासि काचोक्‍बाचिङा चामा उभुसुॽवा ओयेम्‍सुडेसु गाड्‌डे डोक् खानि चा आङालाम्‍मा साम्‍मा लोङ्‌सा सैतानङा माङ्‌हाङ्‌लोक् आग्‍याँ नाक्‍टुएसुए॥

लुका 8:12

हिट्‌नुङ् लाम्‍बोङि ओठायागा लालिक्‌चिम्‍बाक् माङ्‌हाङ् रिङ् काखेम्‍बाचि उलियुक्, टरो सैतान टायुङ् याप्‌मिचिङा बिस्‍वास ओचोगुन्‍चा हिट्‌नुङ् मुक्‌टि ओटोगुन्‍चा नुङ् उन्‌चि निङ्‌ग्‍वालाम्‍मा माङ्‌हाङ् रिङ् नाप्‍टुचिउङ् खाट्‌टुएट्‌टुटु॥

युहान्‍ना 12:31

हाट्‌ले ना नाराङाना न्‍याए चोक्‍मा बेला लिसाइसे॥ हाट्‌ले ना नारा सासान् काचोक् सासाक् माङ्‌हाङ्‌ङा भारा लेप्‍टुटु॥

युहान्‍ना 14:30

हाट्‌लेम्‍टे आङा खानिलोक् आरु जोम् रिङ् चेक्‍मा टोक्‌निङ्‌ना, पोङ्‌भोने ना नाराङिना सासान् काचोक्‍बा टायुगेट्॥ हिट्‌नाङा आङा पाक्‍चा चोक्‍मा याङ्‌हिनिना॥

युहान्‍ना 16:11

हिट्‌नुङ् उन्‍ङा माङ्‌हाङ्‌ङाना न्‍याए बारेङि चा निमेट्‌टुचिचि, पोङ्‌भोने नाराङिना सासान् काचोक्‍बा पाइले डोक् माङ्‌हाङ्‌ङा न्‍याए चोक्‍मा हिडुएसुए॥

युहान्‍ना 8:44

खानि आप्‍पे खानि पाबा सैतानङाना ओछालेट्‌चि ए, हिट्‌नुङ् खानि पाबाङाना उनिङ्‌ग्‍वा गाड्‌डे चोक्‍मा डोक् खानिङा निङ्‌ग्‍वा आचोगुएसुम्‍मे॥ हिट्‌नाउम्‍टे उटुम्‌लाम्‍मा डोक् याप्‌मि कासेट् डाना, हिट्‌नुङ् हिट्‌नाङा छेम्‍बाना रिङ् सोरोक् चिम्‍मा फुट्‌टुना, पोङ्‌भोने हिट्‌नालोक् छेम्‍बाना रिङ् डोक् वाइना॥ हिट्‌नाउम्‍टे ओचाट्‌ला गाड्‌डे डोक् माङ्‌जो चेक्‌युक्॥ हिड्‌डेउङ् हिट्‌ना माङ्‌जो काचेक् हिट्‌नुङ् माङ्‌जो काचेक्‍बाचिगा पाबा ए॥

मुलिचेला टोॽवा 26:18

खान्‍ङा हिट्‌नागा याप्‌मिचिगा मिक् ओङ्‌सुबिडुचि, हिट्‌नुङ् हिट्‌नागा डुम्‍बारिक् डुम्‍लाम्‍मा व्‍हाङ्‌ङि हिट्‌नुङ् सैतानङाना ओसाक्‌तिलाम्‍मा माङ्‌हाङ्‌ङि ओनोक्‌याक्॥ हिट्‌नुङ् माङ्‌हाङ्‌ङा हिट्‌नागाँगा पाप टुगुबिडुचिचि, हिट्‌नुङ् हिट्‌नागाँ माङ्‌हाङ्‌ङि बिस्‍वास ओचोगुनाँ उन्‍ङा सेगुचिगा ओयाप्‌मिचिलोक् साङ्‌गाटिङि युङ्‌मा ओटोगुटु॥’

मुलिचेला टोॽवा 5:3

टरो पाटरुसङा सिलाप्‍टुए, “हाउ हानानिया, पोङ् सैतान कानिङ्‌ग्‍वाङि युङ्‌मा आपिडुङ् सेङ्‌सेङ्‌ना हाङ्‌सा ढाँट् आफोक्‍टुएना? हिट्‌नुङ् पोङ् आछोङ्‌सुना स्‍वाँराङाना खाट्‌टिप्‍मा ओफाबा आप्‍पेलोङ्‌सा आठोबुङ् आयुङ्‌सुएना?

रोमि 16:18

पोङ्‌भोने नाड्‌डेगा याप्‌मिचिङा आनि टाङ्‌बा खिरिस्‍टङाना टोॽवा ओचोगुन्‍गा, टरो हिट्‌नागाँ उन्‌चि निङ्‌ग्‍वाङिगा रिङ् युमा एडोक् निङ्‌ग्‍वा ओचोगुगा॥ हिट्‌नागा याप्‌मिचिङा नुगा नुगा रिङ् ओमाट्‌टुङ् मोक्‍खाक् ओचोगुचिउङ् सोजो याप्‌मिचि उसुबुचिगा॥

रोमि 16:20

हिट्‌नुङ् हाङ्‌हाङ् कापिबा माङ्‌हाङ्‌ङा एला डोक् सैतान उठुङ्‌ङि सासान् चोक्‍माना बोल् खानि मापिडिटि हिट्‌नुङ् हिट्‌ना जाखाम् चोगुटु॥ आनि टाङ्‌बा येसुङाना मायादाया खानिलोक् उलियाक्॥

२ कोरिन्‌थि 11:14

हिट्‌नुङ् ना रिङ् छाक्‍का डोक् लिमायेट्‌माना रिङ् माखाक्, पोङ्‌भोने सैतान आप्‍पे चा ओम्‍ना माङ्‌हाङ् रिङ् काउग्‍बा गाड्‌डे फेराँ लिना॥

२ कोरिन्‌थि 11:3

टरो याप्‍मा बारखा पाइले ओप्‍पुङा ओचाप्‍पाङ् रिङ् लोडुङ् हाब्‍बा छालाँ चोगु गाड्‌डे डोक् खानि चा खिरिस्‍टङि आचोगुम्‍ना सोजो हिट्‌नुङ् चोखो भाक्‌तिलाम्‍मा लाप्‍माङ् माखाट्‌टिटि नुङ् आङा किट्‌टाइसाङे॥

२ कोरिन्‌थि 12:7

हिट्‌नाडेउङ् माङ्‌हाङ्‌लाम्‍मा डोङ् ठोङ्‌डिना पारकास टोगुङ्‌नाँ आङा घामान्‌डि उलिनिङ् चा नुङ् ओयेम्‌ङि टिउँबाङा रोक्‍बालाक् गाड्‌डेना याङ्‌छामा टोगेसुङे॥ नाङा सैतानङाना खाबोर काउग्‍बा गाड्‌डे डोक् चोसेक् चोसेक् याङ्‌रोक्‍ना हिट्‌नुङ् घामान्‍ड चोक्‍मालाम्‍मा याङ्‌छाक्‍ना॥

२ कोरिन्‌थि 2:11

हिड्‌डेउङ् सैतानङा आनि झुक्‍याङ् आचोक्‍नेयाक् नुङ् हिड्‌डे चोगुङ्‌ना, पोङ्‌भोने फाम्‍लेङ् आचोक्‍ना हिट्‌नाङाना ओटोॽवा आनिलाउङ्‌सा ठाहा युङ्‌ग्‍वा॥

२ कोरिन्‌थि 4:4

ना नाराङिना साम्‍माङ् ओलोडुना सैतानङा आबिस्‍वासिचिगा निङ्‌ग्‍वा डोम्-डोम् चोगुबिडुएसुचे॥ हिट्‌डेउङ् हिट्‌नागाँ खिरिस्‍टङाना बारेङि नुना खाबोर लोक् उन्‍ङाना माहिमा बुजा चोक्‍मा उहिडुन्‍ना॥ खिरिस्‍टउम् माङ्‌हाङ् गाड्‌डेना डोक्॥

एफिसि 4:14

हिट्‌नुङ् आनि खाटिउगा पिच्‍छाचि गाड्‌डे लिसिन्‍गा॥ हिट्‌नुङ् हिॽवाङा आनि याम्‍बा-नायाम्‍बा आमुट्‌टि गाड्‌डे छालाँ काचोक् याप्‌मिचिगा ओचाप्‍पाङ् हुसिक्‍माङा आनि आवान्‌निना॥

२ थेसालोनिकि 2:3

खानि साङा चा खोना रिङ्‌लाम्‍मा चा धोका मापिडिन्‍चा, पोङ्‌भोने माङ्‌हाङ्‌ङाना बिरुद्‌दाङि ठेना काचिङ्‌गाल मिलिए हिट्‌नुङ् जाखाम्‌ङि ठाना धारमाबिधि मानाँ काचोक्‌निबा मिठेट्‌ने सोम्‍मा टाङ्‌बाङाना हिट्‌ना लेम्‍बा टानिना॥

१ तिमोथि 2:14

हिट्‌नुङ् मेन्‍झेमाम्‍बाक् सैतानङा टेप्‍टुए हिट्‌नुङ् कायाङ्‌छाबा लिसे, आदाम माखाक्॥

२ तिमोथि 3:13

टरो ओभेन्‍गा याप्‌मिचि हिट्‌नुङ् कासुप्‍बाचिङा आरु उसुबुचिगा हिट्‌नुङ् आप्‍पे चा आरुङा उसुबुचिचि, हिट्‌नुङ् हिट्‌नागा झान् झान् ओभेन्‍गा लिसा ओखाट्‌युक्॥

हिब्‍रु 2:14

पोङ्‌भोने नागा छालेट्‌चि हेलिक् लोक् साङाना येम् उलिसानाँ येसु चा हिट्‌नागा गाड्‌डे डोक् सा लोक् हेलिक् लिसाना याप्‌मि लिसे॥ हिट्‌नुङ् येसु सियाउङ् एडोक् आसेड्‌ना साक्‌ति लिसाना सैतान जाखाम् चोगुए॥

१ पाटरुस 5:8

ओछेक्‍छेक् युङानि हिट्‌नुङ् ओचाप्‍पाङ् लिसानि॥ खानि साट्‌टुर सैतान खोना टुबुङुङ् जाखाम् चोगुङ् नुङ् गुरलुम् गुरलुम् राट्‌ना किबा गाड्‌डे डोक् सुक्‍सा वायुगोन्॥

१ युहान्‍ना 5:19

ख्‍वाप्‍पा नारा सैतानङाना उमुक्‍ठुङ्‌ङि युङ्‌सु चा आनिम्‌बाक् माङ्‌हाङ् ओछालेट्‌चि नुङ् आनिलाउङ्‌सा ठाहा युङ्‌ग्‍वा॥

याहुदा 1:9

मुलि माङ्‌हाङ् रिङ् काउग्‍बा मिखाएलङा चा मोसाङाना ओलास बारेङि सैतानलोक् बादबिबाद चोगानाँ हिट्‌ना फाट्‌टुर लाब्‍मा हिडुवाट्‌टुन्॥ हिट्‌नुङ् नाड्‌डे एडोक् लोडुए, “खान् टाङ्‌बाङा साजाए मापियुक्॥”

पारकास 12:12

हिट्‌नाडेउङ् टोनालोग् लोक् हिट्‌नि कायुङ्‌बाचि, हारका लिसानि॥ टरो नारा लोक् सामुन्‍दराङि कायुङ्‌बाचि, इनामा खानिलाउङ्‌सा, सैतान खानि सोरि टाइसे॥ हिट्‌नुङ् हिट्‌नाङाना आड्‌डिक् ओयाग्‍लेडैसे, पोङ्‌भोने हिट्‌नाङा ओबेला खाट्‌टिप्‍मा एडोक् युङ्‌ग्‍वा नुङ् ठाहा टोगुएसुए॥”

पारकास 12:3

हिट्‌नुङ् टोनालोग्‌ङि आरको डोङ् ठोङ्‌डिना ठिक् चिन्‍ना आङा निसुङे॥ हिट्‌नि माङ्‌ठेना फाना ओप्‍पु आङा निसुङे॥ हिट्‌नाङाना सि ओटा ओटेहेक् लोक् ठिमेक् गोटा ओटाङ् डाना, हिट्‌नुङ् सि ओटा ओटेहेक्‌ङि डोक् मुकुट् डाना॥

पारकास 12:7

हिट्‌नुङ्‌ना टोनालोग्‌ङि खेमाटोमा लिसे॥ माङ्‌हाङ् रिङ् काउग्‍बा मिखाएल लोक् आरु माङ्‌हाङ् रिङ् काउग्‍बाचि हिट्‌ना ठेना ओप्‍पु हिट्‌नुङ् उदुतचिलोक् उचुङे॥

पारकास 12:8

टरो हिट्‌ना ठेना ओप्‍पु लोक् उदुतचिङा मिखाएल हिट्‌नुङ् आरु माङ्‌हाङ् उरिङ् काउग्‍बाचि मेप्‍मा उहिडुवाट्‌टुन्‌चिन्, हिट्‌नुङ् माङ्‌हाङ्‌ङा हिट्‌नागा हिट्‌नाउङ्‌ना खोना बेला चा टोनालोग्‌ङि युङ्‌मा पिडुवाट्‌टुन्‌चिन्॥

पारकास 13:14

हिट्‌नुङ् पाइलेना जिवाट्‌ङा ओसाट्‌टोङि डोङ् ठोङ्‌डिना टोॽवा चोक्‍मा ना जिवाट् आधिकार पिडुए॥ नाड्‌डेगा टोॽवा चोगुङ् ना जिवाट्‌ङा नाराङिगा याप्‌मिचिगा निङ्‌ग्‍वा बान्‍डुबिडुचे॥ हिट्‌नुङ् हिट्‌ना चेप्‍साङा खेसिक् लिसाउङ् नुमानिङ् लिसाना पाइलेना जिवाट् मान् चोक्‍मा हिट्‌नाङा मुरति चोक्‍मा हिट्‌नागा मेट्‌टुचे॥

पारकास 16:14

नागा ओभेन्‍गा रिमेट्‌चिलोक् डोङ् ठोङ्‌डिना टोॽवा चोक्‍माना साक्‌ति डाना॥ हिट्‌नागा नाराङिगा ख्‍वाप्‍पा हाङ्‌बाचिङि ओखाट्‌युक् हिट्‌नागाँगा उन्‌चि टिलिङ्‌गाचि चुङ्‌मा लाउङ्‌सा उछुम्‍सुचिचि, हिट्‌नुङ् सोब्‍बे नुङ्‌ना माङ्‌बोल्‍लेउ माङ्‌हाङ्‌ङा ओसाट्‌टुरचि साजाए पिडुचिना लेम्‍बा हिट्‌नागा माङ्‌हाङ्‌लोक् उचुङ्‌युक्॥

पारकास 18:2

हिट्‌ना माङ्‌हाङ् रिङ् काउग्‍बा टुक्‍लोक् नाड्‌डे पिक्‍सा राट्‌टे, “हिट्‌ना माङ्‌ठेना बेबिलोन खालाङ्‌गा जाखाम् लिसे॥ हिट्‌ना सोब्‍बे खाले टोंडेबाचि हिट्‌नुङ् ओचाफेन्‍गा रिमेट्‌चि उयुङ्‌गा ठोङ् लिसेसे॥ हिट्‌नुङ् हिट्‌नि सोब्‍बे खाले आसुद्‌दो नुवाचि लोक् जानावारचि उयुङ्‌युक्॥

पारकास 18:23

ना खालाङ्‌गाङि फेरि खोना बेला चा कुपि हाट्‌निना, हिट्‌नुङ् बेउला लोक् बेहुलिङाना उन्‌चि सोर खोना बेला चा खेम्‌निना॥ नाराङिगा बेपारिचिङि खान्‌ङिगा बेपारिचि आड्‌डिक् ओवागाठागा ओडागा, हिट्‌नुङ् खान्‌ङिगा सोब्‍बे माङ्‌जोगा चाटाकेचिङा नाराङिगा सोब्‍बे याप्‌मिचि उसुबुचे॥

पारकास 19:20

हिट्‌नुङ् हिट्‌ना जिवाट् हिट्‌नुङ् हिट्‌ना उनिङ्‌ङि डोङ् ठोङ्‌डिना टोॽवा काचोक् माङ्‌जोना माङ्‌काटा टाङ्‌राङ्‌बाङि ठाङानाङा कैद चोगुए॥ हिट्‌ना माङ्‌जोना माङ्‌काटाङा डोङ् ठोङ्‌डिगा टोॽवा चोगुङ् हिट्‌ना जिवाट्‌ङाना छाप् ओलाडुगा लोक् हिट्‌नाङाना मुरति साम्‍माङ् काचोक्‌चि मुसिक्‍पा चाट्‌टुएसुचिगा डागा॥ हिट्‌नुङ् टाङ्‌राङ्‌बाङि ठाङानाङा हिट्‌नागाचि इप्‍पाङ् उहिङ्‌ग्‍वाट् डोक् गान्‍धकङा हाट्‌टेट्‌टाना मिङाना उभुङ्‌रोङि लेप्‍टुचे॥

पारकास 2:13

खानि सैतानङा सासान् चोगुना डेन्‌ङि आयुङिगा नुङ् आङा ठाहा टोगुङ्‌टुङ्॥ टरोचा खानिङा आङा आझै बिस्‍वास आचोगियाक्‌टिङे॥ हिट्‌नुङ् आङाना बारेङि पारचार काचोक् बिस्‍वासिलो एन्‌टिपासलाउङ्‌सा पाक् लिसेना हिट्‌ना रिङ् आङा ठाहा टोगुङ्‌टुङ्॥ एन्‌टिपासलाउङ्‌सा याप्‌मिचिङा सैतानङा सासान् चोगुना खानि खालाङ्‌गाङि ओसेडुचा खानिङा आङि बिस्‍वास चोक्‍मा आनानेट्‌निम्॥

पारकास 2:24

“टरो खानि माड्‌डे इम्‍टेप्‍मा हिट्‌नि थिआटिराङि आलिसिगाँ हिट्‌ना ओचाफेन्‍ना हिसिक्‍मा आखेम्‌निम्‍गेट्‌निम्‍गा, हिट्‌नुङ् खानिङा हिट्‌ना सैतानङाना ठोबाना हिसिक्‍मा चा सिकाँ आलिसिन्‍गेट्‌टिन्‍गा॥ हिट्‌डेउङ् खानिलाउङ्‌सा आरु याप्‍मा रिङ् पालान चोगानुम् नुङ् आङा लोनेनिन्‍गा॥

पारकास 2:9

“खानिङा याङ्‌छामा आङ्‌डुएट्‌टुम् हिट्‌नुङ् खानिलोक् पाक्‍चा वाइना नुङ् आङा ठाहा टोगुङ्‌टुङ्, टरो माङ्‌हाङ् ओनाजारङि खानि वागाठागा याप्‌मिचि नुङ्‌म्‍बाक् छेम्‍बा डोक् ए॥ आप्‍पेलाउङ्‌सा याहुदि नुङ् उपिग्‍गा याप्‌मिचिङा खानि बिरुद्‌दाङि ओचाफेन्‍गा रिङ् ओचेक्‍टागा आङा ठाहा टोगुङ्‌टुङ्, टरो हिट्‌नागा याहुदिचि माखाक्॥ हिट्‌नागा सैतानङाना छुम्‍माङिगा याप्‌मिचि ए॥

पारकास 20:10

हिट्‌नुङ् देस-देसङिगा याप्‌मिचि मुसिक्‍पा काचाट्‌बा हिट्‌ना सैतान हाट्‌टेट्‌टाना गान्‍धाक्‌ङाना कुन्‍डाङि माङ्‌हाङ् रिङ् काउग्‍बाङा लेप्‍टुए, हिट्‌नि डोक् हिट्‌ना जिवाट् हिट्‌नुङ् माङ्‌जोना माङ्‌काटा चा वासेट्‌टाचिगा॥ हिट्‌नि हिट्‌नागाँ लेन्‍सेन् सोरोक् याङ्‌छामा ओआङ्‌डुटु॥

पारकास 20:8

हिट्‌नुङ् हिट्‌नाँ सोब्‍बे देसङिगा याप्‌मिचि मुसिक्‍पा चाट्‌टुचिचि॥ नागा देस-देसङिगा याप्‌मिचिम्‍बाक् गोग लोक् मागोग ओलोडुचिचि॥ सैतानङा हिट्‌नागा सोब्‍बे एक्‍के चोटि छुम्‍सुचिउङ् खेमाबुङ्‌मा चोक्‍मा टाडुचिचि॥ हिट्‌नागा सामुन्‍दराङिना खाम्‍सेरेक्‍वा गाड्‌डे नेमा डोक् हिनिम्‌चिम्‌लोक् आड्‌डिक् जोम् उलियुक्॥

पारकास 3:9

“हिट्‌नि खानि माड्‌डे इम्‍टेप्‍मा याहुदिचि सैतानङाना माङ्‌ध्‍यान् काचोक्‌चि ओवाहेट्॥ हिट्‌नागाँ आन्‍याँ माङ्‌हाङ् ओयाप्‌मिचि नुङ् उपिग्‍येट्, टरो हिट्‌नागा माङ्‌जो उपिग्‍येट्, पोङ्‌भोने हिट्‌ना रिङ् छेम्‍बाना माखाक्॥ आङा हिट्‌नागा याप्‌मिचि खानि सोरि आप्‍टुङ्‌चिङ्‌चिङ्, हिट्‌नुङ् हिट्‌नागा खानि स्‍या मेप्‍मा मेट्‌टुङ्‌चिङ्‌चिङ् हिट्‌नुङ् आङा खानि इम्‍टेप्‍मा माया चोक्‍नानिगा नुङ् हिट्‌नागाँ ठाहा ओटोगुटु॥

पारकास 9:1

पाँचौँ माङ्‌हाङ् रिङ् काउग्‍बाङा उन्‌लोक् लिसाना धुटुरिबा टेनुए, हिट्‌नुङ् आङा ठिक् चोक्‌चिङ्‌गेट् टोनालोग्‌लाम्‍मा नाराङि ठायाना निसुङे॥ हिट्‌ना चोक्‌चिङ्‌गेट् लाउङ्‌सा घाइरो भाड्‌खालो ओङ्‌मा लाउङ्‌सा साँचो उपिडुए॥

पारकास 9:20

नागा बिपोत्‌तिचिलाम्‍मा उसिनेट्‌निगा आरु याप्‌मिचिङा उन्‌चि निङ्‌ग्‍वा माङ्‌हाङ्‌लेङ् ओनोक्‍टुवाट्‌टुन् हिट्‌नुङ् हिट्‌नागाँ आप्‍पे उन्‌चि मुक्‌ङा साम्‍माङ् चोक्‍मा ओनाडुवाट्‌टुन्॥ हिट्‌नागाँ टोंडेबाचि हिट्‌नुङ् साम्‍मेङ्, रुपाक्, काँसा, लुङ्‌गेॽवा लोक् सिङ्‌ङा ओचोगुगा मुरतिचि साम्‍माङ् चोक्‍मा ओनाडुवाट्‌टुन्॥ नागा मुरतिचिङा निमा उनिसुन्‍गा, खेम्‍मा ओखेम्‍सुन्‍गा, हिट्‌नुङ् लाम्‌टिमा चा उहिनिगा॥