पारकास 12:1 - आठपहरिया

¹ हिट्‌नुङ् टोनालोग्‌ङि आङा ठिक् डोङ् ठोङ्‌डिना ठेना चिन्‍ना निसुङे॥ हिट्‌नि नाम्‍छेडाना गाड्‌डे डोक् ओम्‍साना लोट्‌लिङ् वाडुना मेन्‍झेमा आङा निसुङे, लालिप्‍माङ् येप्‍टुङ् हिट्‌ना येबैसाना॥ हिट्‌नुङ् ओटेहेक्‌ङि बारो ओटा चोक्‌चिङ्‌गेट्‌ङाना मुकुट् वाडेसुना॥

पारकास 12:1 Iomraidhean Croise

मात्‌ति 12:38

ठिक् लेम्‍बा आम्‍टेप्‍मा धारमाबिधि काहिसिक्‍बाचि हिट्‌नुङ् फारिसि याप्‌मिचिङा येसु ओलोडुए, “काहिसिक्‍बा, ठिक् चिन्‍ना याप्‌मिनिमेट्‌टा, आन्‍याँ पुयुम्‍टुम्‍मा॥”

मात्‌ति 24:30

“हिट्‌नुङ्‌ना याप्‌मि छा उङ्‌ना चिन्‍ना टाङ्‌साङ्‌ङि ठेट्‌युक्, हिट्‌नुङ् नाराङिगा सोब्‍बे छोङ्‌चि सानिङ्‌ग्‍वा ओलोयुक्॥ हिट्‌नुङ् हिट्‌नागाँ याप्‌मि छा टाङ्‌साङ्‌लाम्‍मा खिमेमाङि साक्‌ति हिट्‌नुङ् ठेना माहिमालोक् उङ्‌युगेट्‌ना उनिसुटु॥

मारकुस 13:25

टाङ्‌साङ्‌ङिगा चोक्‌चिङ्‌गेट्‌चि ओठायुक्, हिट्‌नुङ् टाङ्‌साङ्‌ङिगा साक्‌तिचि ओवान्‌युक्॥

लुका 21:11

माङ् ठे-ठेगा लुट्‌लेमा काॽट्‌युक्, सोब्‍बेलेङ् चामा-ठुङ्‌मागा लाट्‌युक् हिट्‌नुङ् धुरि ठ्‌वाङ् लियुक्, हिट्‌नुङ् टाङ्‌साङ्‌ङि माङ्‌किप्‍माडुङ् लोक् डोङ् ठोङ्‌डिलोक् चिन्‍नाचि ओठेट्‌युक्॥

लुका 21:25

“हिट्‌नुङ् नाम्, लालिप्‍माङ् हिट्‌नुङ् चोक्‌चिङ्‌गेट्‌चिङि ठे-ठेगा डोङ् ठोङ्‌डिगा चिन्‍नाचि ओठेट्‌युक्॥ हिट्‌नुङ् सामुन्‍दराङाना नाम्‍डाराङ् हिट्‌नुङ् उपुच्‍चुवाङा चोगुनाँ नाराङिगा याप्‌मिचि उकिट्‌युङ् ओठोङ्‌युक्॥

युहान्‍ना 3:29

बेहुलि बेहुलाङाना ए॥ बेहुला सोरि येब्‍ना ओसाइबाम्‍बाक् बेहुलाङाना ओसोरा खेम्‍सुङ् आड्‌डिक् हारका लियुक्॥ हिट्‌डेउङ् आङाना ना हारका हाट्‌ले युडाइसे॥

मुलिचेला टोॽवा 2:19

हिट्‌नुङ् आङा टो टाङ्‌साङ्‌ङि डोङ् ठोङ्‌डिना टोॽवाचि चोगुङ्‌टुङ्, हिट्‌नुङ् नाराङि चा मिक्‍सेन्‌ङाना टोॽवाचि चोगुङ्‌टुङ्॥ हिट्‌नि हेलिक्, मि हिट्‌नुङ् मिखुमाङ् खानि निमेट्‌नाँनि॥

रोमि 13:14

टरो टाङ्‌बा येसु खिरिस्‍टङाना ओचाट्‌ला आनि चोलाङि लाडुम्, हिट्‌नुङ् आनि पापि निङ्‌ग्‍वालाम्‍मा होन्‍ना ओचाफेन्‍ना रिङ् युमालेङ् निङ्‌ग्‍वा टिनिम्‍चा॥

रोमि 3:22

येसु खिरिस्‍टङि बिस्‍वास काचोक् जुन् याप्‌मि चा माङ्‌हाङ्‌ङा धारमोति याप्‌मि चोगुटु, पोङ्‌भोने उन्‍ङा खोना चा साम्‍डुन्‌चिन्‍गा॥

२ कोरिन्‌थि 11:2

माङ्‌हाङ्‌ङा खानि माया हिट्‌नुङ् निङ्‌ग्‍वा माचोगि गाड्‌डे डोक् आङा चा खानि याप्‍मा माया चोक्‍नाँनि॥ आङाउम्‍टे ठिबाङ् बेउला उप्‍पाङा मेन्‍झेमा उइछा भ्‍या चोक्‍माबिमा चामारसिङा चोगु गाड्‌डे डोक् खिरिस्‍ट खानिलाउङ्‌सा पिमाना बाचा चोगुएसुङे॥ हिड्‌डेउङ् खानिलाउङ्‌सा उन्‍ङाना चोखो बेउलि नुङ् पिमाना निङ्‌ग्‍वा चोगुङ्‌टुङ्॥

गालाति 3:27

पोङ्‌भोने खानि माड्‌डे कोइङा येसु खिरिस्‍टङाना उनिङ्‌ङि बाप्‌टिस्‍मा चोगुटु भोने, हिट्‌नाङा ओचोलाङि खिरिस्‍टङाना ओचोला लाडुटु॥

गालाति 4:26

टरो साराम्‍बाक् टोनालोग्‌ङिना यरुसलेमलोक् टोङ्‌मा हिडुम्‍टुम्, पोङ्‌भोने उन् चाकारनि माखाक्॥ हिट्‌नुङ् हाट्‌ले सारा डोक् आनि मामा नुङ् लोमा हिडुम्‍टुम्॥

गालाति 6:14

टरो आङाम्‍बाक् आरु रिङ्‌ङि माखाक्, आनि टाङ्‌बा येसु खिरिस्‍ट खाप्‍चेङि सियाना रिङ्‌ङि एडोक् ठेलोक् नाभुक् चोगुङ्‌टुङ्॥ उन् खाप्‍चेङि सियानाँ आङा लाउङ्‌सा नाराङिगा थोक्‌चि पाक्‍चा माखाक्, हिट्‌नुङ् नारा लाउङ्‌सा आङा पाक्‍चा माखाक्॥

एफिसि 5:32

ना आड्‌डिक् ठेना ठोबाना रिङ् ए, टरो हाटले ना रिङ्‌म्‍बाक् खिरिस्‍ट हिट्‌नुङ् माङ्‌पाङ्‌ङिगा याप्‌मिचिगा साम्‍बान्‍धाङाना बारेङि माट्‌टुना नुङ् आङा माट्‌टुङ्‌टुङ्॥

पारकास 1:20

खान्‍ङा आछुप्‍टाङ् आमुक्‌ङि आनिसुगा सि ओटा चोक्‌चिङ्‌गेट्‌चि हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचि ठोबाना रिङ्‌ङाना उटुप्‍बाक् नाड्‌डे लियुक्, सि ओटा चोक्‌चिङ्‌गेट्उम्‍बाक् सि ओटा माङ्‌पाङ्‌ङाना माङ्‌हाङ् रिङ् काउग्‍बाचिगा बारेङि माट्‌टुटु, हिट्‌नुङ् सि ओटा साम्‍मेङ्‌ङा चोक्‍बालाक् कुपिदानिचिङाम्‍बाक् सि ओटा माङ्‌पाङ्‌ङाना बारेङि माट्‌टुटु॥”

पारकास 11:19

हिट्‌नुङ्‌ना टोनालोग्‌ङिना माङ्‌हाङ्‌ङाना माङ्‌ठाना ओङ्‌से, हिट्‌नुङ् हिट्‌ना भिट्‌रा सेङ्‌सेङ्‌ना बाकास आङा निसुङे, हिट्‌नि माङ्‌हाङ्‌ङाना माङ्‌हुप् युङासाना हिट्‌ना लुङ्‌गेॽवाङि आच्‍छो बेला छेप्‍बालाक् डाना॥ हिट्‌नुङ् बिजुलि ओम्‍से, टाङ्‌साङ्‌ङि घुरुङ्‌बा लोसे, लुक्‍लेमा खाडे, हिट्‌नुङ् ठेगा-ठेगा फोम् ओठाए॥

पारकास 12:3

हिट्‌नुङ् टोनालोग्‌ङि आरको डोङ् ठोङ्‌डिना ठिक् चिन्‍ना आङा निसुङे॥ हिट्‌नि माङ्‌ठेना फाना ओप्‍पु आङा निसुङे॥ हिट्‌नाङाना सि ओटा ओटेहेक् लोक् ठिमेक् गोटा ओटाङ् डाना, हिट्‌नुङ् सि ओटा ओटेहेक्‌ङि डोक् मुकुट् डाना॥

पारकास 15:1

हिट्‌नुङ्‌ना आङा टोनालोग्‌ङि ठिक् ठेना हिट्‌नुङ् आड्‌डिक् डोङ् ठोङ्‌डिना आरको चिन्‍ना निसुङे॥ सि माङ्‌हाङ् रिङ् काउग्‍बाचि ख्‍वाप्‍पाङा ठिक्-ठिक् बिपोत्‌ति ओयाङुएसुगा॥ नागा बिपोत्‌ति आखेरि ए, पोङ्‌भोने नागा बिपोत्‌तिचि ओलाट्‌ना मे माङ्‌हाङ्‌ङाना उकुन्‌जिरिक्‍वा चा लाट्‌युक्॥

पारकास 21:14

हिट्‌ना खालाङ्‌गाङाना पारखाल बारो ओटा लिङ्‌गेॽवाङाना ओजाग् ओठेन्‍डुङ् ओचोगुएसुना॥ हिट्‌नागा ओजाग्‌ङि थुमाङाना बारो जाना मुलिचेलाचिगा उन्‌चि निङ् ओछेप्‍टेसुना डाना॥

पारकास 21:23

हिट्‌ना खालाङ्‌गा व्‍हाङ् चोक्‍मा नाम्‍छेमा हिट्‌नुङ् लालिप्‍माङ् चाहाब् लिनिना, पोङ्‌भोने माङ्‌हाङ्‌ङाना माहिमाङा डोक् हिट्‌ना खालाङ्‌गा व्‍हाङ् चोगुटु, हिट्‌नुङ् थुमा डोक् हिट्‌निना कुपि ए॥